བོད་སྐྱོར་རིགས་གཅིག་མཁས་ཅན་གྱིས་གཞི་རིམ་དུ་བསྐྱོད་དེ་བོད་ཀྱི་དཔལ་འབྱོར་འཕེལ་རྒྱས་ཆེད་ཐབས་འདོན་ཇུས་འགོད་བྱས་པ།
སྤེལ་དུས 2017-08-29
ཡོང་ཁུངས། ཤིན་ཧྭ་གསར་འགྱུར་ཁང་།
རྩོམ་པ་པོ།
"ལྷ་ས་སྣེའུ་ཁུལ་གསར་གྱིས་ངེས་པར་དུ་མེ་འཁོར་བབས་ཚུགས་དང་གནམ་ཐང་དུ་བསྐྱོད་པའི་མྱུར་བགྲོད་གཞུང་ལམ་གྱི་སྣེ་མོའི་ས་བབ་ལེགས་ཆ་གང་ལེགས་སྤྱོད་པ་དང་ཐོན་ཁུངས་བསྡུ་སྒྲིལ་ཕན་ནུས་འདོན་སྤེལ་གང་ལེགས་བྱས་ཏེ་ཚོང་དོན་དང་སྲིད་དོན་གཞི་གཅིག་ཏུ་བསྡུས་པའི་བོད་ནས་འགྲོ་འོང་བྱེད་པའི་ཐོན་ལས་སྒྲོག་ཐག་ཅིག་བསྐྲུན་དགོས"ཞེས་ཁག་16པའི་ཀྲུང་དབྱང་རྩ་འཛུགས་པུའུ་དང་གུང་གཞོན་སྡེ་ཚོགས་ཀྲུང་དབྱང་གི་འབུམ་རམས་པའི་ཞབས་ཞུ་ཚོགས་པའི་ཚོགས་གཙོ་གཞོན་པ་ཀྲང་ཐིང་ཅུན་གྱིས་ཉེ་ཆར་ལྷ་ས་སྣེའུ་ཁུལ་གསར་དུ་བརྟག་ཞིབ་བྱེད་སྐབས་བཤད་པ་རེད།
ཉེ་ཆར་ཁག་16པའི་ཀྲུང་དབྱང་རྩ་འཛུགས་པུའུ་དང་གུང་གཞོན་སྡེ་ཚོགས་ཀྲུང་དབྱང་གི་འབུམ་རམས་པའི་ཞབས་ཞུ་ཚོགས་པའི་ཁོངས་མིས་ལྷ་ས་གྲོང་ཁྱེར་དཔལ་འབྱོར་ལག་རྩལ་གསར་སྤེལ་ཁུལ་དང་། སྣེའུ་ཁུལ་གསར། ཁྲེང་ཀོན་ཆུས་བཅས་སུ་ས་གནས་ས་ཐོག་ཏུ་བརྟག་ཞིབ་བྱས་པ་དང་འབྲེལ་སྲིད་གཞུང་སྡེ་ཚན་དང་ཁེ་ལས་ཀྱི་འབྲེལ་ཡོད་འགན་འཁུར་བ་དང་བཞུགས་མོལ་བྱས་ཏེ་ཤེས་ལྡན་མི་སྣ་ཚུར་འགུག་དང་། ཐོན་ལས་འགྲེམས་ཚུལ། གསར་གཏོད་ལས་གཏོད། གནད་སྨིན་དབུལ་སྐྱོར་སོགས་ཀྱི་གནད་དོན་ལ་དམིགས་ནས་བོད་ཀྱི་དཔལ་འབྱོར་འཕེལ་རྒྱས་ཀྱི་མཆོང་སྐྱོད་དང་གཞན་སྒྱུར་ཆེད་ཐབས་འདོན་ཇུས་འགོད་བྱས་པ་རེད།
"གསར་སྤེལ་ཁུལ་འཕེལ་རྒྱས་ལ་ཚོད་འཛིན་བཟོ་བའི་གནད་དོན་གཙོ་བོ་གང་ཡིན་ནམ" "གླིང་ཁུལ་གྱི་ཐོན་ལས་ནང་འདྲེན་ཐད་ཧེ་བག་ཅན་གྱི་ལེགས་ཆ་ལྡན་ཡོད་དམ" "ཇི་ལྟར་བྱས་ཏེ་མི་ཚུར་འགུག་ཐུབ་པ་དང་དེར་གཞིས་ཆགས་ཐུབ་བམ" "གླིང་ཁུལ་འཕེལ་རྒྱས་ཐད་ཇི་ལྟར་བྱས་ཏེ་གནད་སྨིན་དབུལ་སྐྱོར་སྲིད་ཇུས་དོན་འཁྱོལ་བྱེད་དགོས་སམ"སོགས་ཐད། བཞུགས་མོལ་ཚོགས་འདུ་འཚོགས་ཡུལ་དུ་འབུམ་རམས་པའི་ཞབས་ཞུ་ཚོགས་པའི་ཁོངས་མིས་གླིང་ཁུལ་འཁོར་རྒྱུག་གི་ད་ལྟའི་གནས་ཚུལ་ཁག་ཤེས་རྟོགས་གཏིང་ཟབ་བྱས་པ་དང་འབྲེལ་རང་ཉིད་ཀྱི་བོད་དུ་ལས་ཀ་བྱས་པའི་ཉམས་མྱོང་དང་ཆེད་ལས་ཁྱབ་ཁོངས་ནས་ལག་ལེན་བསྟར་རུང་བའི་ལེགས་གཏོང་གྲོས་འགོ་བཏོན་པ་རེད།
"འབུམ་རམས་པའི་ཞབས་ཞུ་ཚོགས་པ་བཙུགས་པའི་ཐོག་མའི་རེ་འདུན་ནི་ཤེས་ལྡན་མི་སྣ་ཕུལ་བྱུང་གིས་ནུབ་རྒྱུད་ལ་རོགས་སྐྱོར་བྱེད་པའི་ཕུགས་ཕན་ལམ་སྲོལ་ཆ་ཚང་ཞིག་འཛུགས་རྒྱུ་དེ་ཡིན"རྒྱལ་ཡོངས་ཀྱི་ལས་རིགས་ཁག་གི་རིགས་གཅིག་མཁས་ཅན་ཚོས"རིག་ནུས་བོད་སྐྱོར"བྱས་པ་དེས་བོད་འཕེལ་རྒྱས་འགྲོ་རྒྱུར་རོགས་རམ་ཡག་པོ་ཐུབ་ཅེས་ཁག་16པའི་འབུམ་རམས་པའི་ཞབས་ཞུ་ཚོགས་པའི་ཚོགས་གཙོ་བོད་རང་སྐྱོང་ལྗོངས་འཕེལ་སྒྱུར་ཨུ་ལྷན་གྱི་ཀྲུའུ་རེན་གཞོན་པ་པའོ་ཆོན་ཡུང་གིས་བཤད་པ་རེད།