མངའ་རིས་ས་ཁུལ་གྱི་དྲིལ་བསྒྲགས་དང་རིག་གནས་ཁོངས་གཏོགས་ཀྱི་གསོ་སྦྱོང་འཛིན་གྲྭ་ཧོ་པེར་སློབ་འགོ་ཚུགས་པ།
སྤེལ་དུས 2020-12-02
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།
རྩོམ་པ་པོ།
ཉེ་ཆར། མངའ་རིས་ས་ཨུད་དྲིལ་བསྒྲགས་པུས་སྒྲིག་འཛུགས་བྱས་པའི་མངའ་རིས་ས་ཁུལ་གྱི་དྲིལ་བསྒྲགས་དང་རིག་གནས་ཁོངས་གཏོགས་ཀྱི་ལས་དོན་མི་སྣའི་དུས་ཐུང་གསོ་སྦྱོང་འཛིན་གྲྭ་ཀྲུང་གུང་ཧོ་པེ་ཞིང་ཨུད་ཏང་གི་སློབ་གྲྭ(ཧོ་པེ་སྲིད་འཛིན་སློབ་གླིང)དུ་སློབ་འགོ་ཚུགས་པའི་མཛད་སྒོ་འཚོགས་པ་རེད། མངའ་རིས་ས་ཁུལ་གྱི་དྲིལ་བསྒྲགས་དང་བསམ་བློ་རིག་གནས་ཁོངས་གཏོགས་ཀྱི་གཞི་རིམ་ཤང་དང་གྲོང་རྡལ་གྱི་དྲིལ་བསྒྲགས་ཨུ་ཡོན་དང་རིག་གནས་ས་ཚིགས་ཀྱི་ཀྲན་ཀྲང་སོགས་སློབ་མ་22དུས་ཡུན་ཉིན་15ཡི་གསོ་སྦྱོང་ལ་ཞུགས་པ་རེད།
ད་ཐེངས་གསོ་སྦྱོང་གི་དམིགས་ཡུལ་ནི་ས་ཁུལ་གྱི་གཞི་རིམ་དྲིལ་བསྒྲགས་དང་བསམ་བློ་རིག་གནས་ཁོངས་གཏོགས་ཀྱི་ལས་དོན་མི་སྣས་དེ་བས་རང་རྟོགས་ངང་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པས་བསམ་བློར་དྲག་ཆས་སྤྲོས་པ་དང་། ལག་ལེན་ལ་མཛུབ་ཁྲིད་བྱེད་པ། ལས་དོན་ལ་སྐུལ་འདེད་གཏོང་བ་བཅས་ལ་སློབ་གསོ་ཁྲིད་སྟོན་བྱེད་པ་དང་། “ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་བའི”བརྗོད་དོན་གཙོ་བོའི་སློབ་གསོའི་ཕན་འབྲས་གཏིང་ཟབ་ཏུ་གཏོང་བ། ཧོ་པེ་དང་བོད་ལྗོངས་ཀྱི་འགྲོ་འོང་དང་། སྤེལ་རེས། མཉམ་འདྲེས་བཅས་ལ་ཤུགས་སྣོན། མངའ་རིས་ས་ཁུལ་གྱི་ལས་དོན་མི་སྣའི་རིགས་པའི་གཞུང་ལུགས་ཀྱི་ཆུ་ཚད་དང་ལས་སྒོའི་འཇོན་ཐང་ཆེ་རུ་གཏོང་བ་བཅས་བྱས་ནས་དེ་བས་ལེགས་པའི་ངང་དུས་རབས་གསར་པ་དང་དུས་བབ་གསར་པས་དྲིལ་བསྒྲགས་དང་བསམ་བློ་རིག་གནས་ལས་དོན་ལ་དཀྲིས་པའི་བླང་བྱ་གསར་པ་དང་དེ་བས་འཚམ་ཐུབ་པ་བྱ་ཆེད་རེད།
ཤེས་རྟོགས་བྱུང་བར་གཞིགས་ན། ད་ཐེངས་གསོ་སྦྱོང་གི་ནང་དོན་ཁོངས་སུ《ཞི་ཅིན་ཕིང་གིས་རྒྱལ་སྲིད་སྐྱོང་ལུགས་སྐོར་གླེང་བ》ཞེས་པའི་དེབ་གསུམ་པ་དང་། རིག་གནས་འཛུགས་སྐྱོང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན། ཧོ་པེ་ཞིང་ཆེན་དྲིལ་བསྒྲགས་དང་བསམ་བློ་རིག་གནས་ལས་དོན་གྱི་སྔོན་ཐོན་ཉམས་མྱོང་སོགས་ཀྱི་ནང་དོན་སློབ་སྦྱོང་དང་བེད་སྤྱོད་ཡག་པོ་བྱས་ནས་སློབ་ཁང་གི་སློབ་ཁྲིད་དང་། ལད་མོའི་སློབ་ཁྲིད། ཚོགས་པའི་སློབ་ཁྲིད། གྱོད་དཔེ་བགྲོ་གླེང་རྣམ་པའི་སློབ་ཁྲིད། སློབ་མར་མཉམ་སྤྱོད། སློབ་མའི་གླེང་སྟེགས་སོགས་ཀྱི་རྣམ་པ་སྤྱད་དེ་རིགས་པའི་གཞུང་ལུགས་ཀྱི་རྨང་གཞི་སྔར་བས་བརྟན་དུ་བཏང་ནས་ཏང་གཤིས་ཞུན་བརྡར་དང་། འདུ་ཤེས་ཟབ་གཏོང་། ལག་ལེན་ལ་མཛུབ་ཁྲིད་བཅས་བྱ་རྒྱུ་རེད།
རྩོམ་སྒྲིག་པ། བདེ་སྒྲོལ།