ཀྲུང་གོའི་བོད་ལྗོངས་དྲ་བ། > བོད་སྐྱོར། > ཚ་ཤོས།

བོད་ལྗོངས་ཀྱིས་ཁྱིམ་ཚང་སྨན་པའི་ཚོགས་པ7546བཙུགས་ཡོད།

སྤེལ་དུས 2020-05-21 ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་པ་པོ།

ཟླ5བའི་ཚེས19ཉིན་ནི“འཛམ་གླིང་ཁྱིམ་ཚང་སྨན་པའི་ཉིན་མོ”ཐེངས10བ་ཡིན་ཞིང་། ད་ལོའི་དྲིལ་བསྒྲགས་བརྗོད་བྱ་ནི“ཁྱིམ་ཚང་སྨན་པ་དང་ལག་གདེང་སྦྲེལ་ནས་མཉམ་དུ་རིམས་འགོག་བྱེད་པ”ཞེས་པ་དེ་ཡིན། གསར་འགོད་པས་བོད་ལྗོངས་འཕྲོད་བསྟེན་བདེ་ཐང་ཨུ་ཡོན་ལྷན་ཁང་ནས་རྒྱུས་ལོན་པ་ལྟར་ན། ཁྱིམ་ཚང་སྨན་པས་གན་རྒྱ་བཞག་སྟེ་རྒན་རྒོན་དང་། སྦྲུམ་མ། དབང་བོ་སྐྱོན་ཅན། ཡོང་སྒོ་དམའ་བའི་ཚོགས་སྤྱི་དང་ཡིག་ཚགས་དང་བྱང་བུ་བཟོས་པའི་ཁྱིམ་ཚང་དབུལ་བོ་སོགས་ཞབས་ཞུ་བྱ་ཡུལ་གལ་ཆེན་དང་གན་རྒྱ་བཞག་སྟེ་ཞབས་ཞུ་སྒྲུབ་བཞིན་ཡོད། མིག་སྔའི་བར་དུ། བོད་ལྗོངས་ཀྱིས་ཁྱིམ་ཚང་སྨན་པའི་ཚོགས་པ7546བཙུགས་ཡོད་ཅིང་། མི་ཐེངས་ཁྲི205ལྷག་ལ་གན་རྒྱ་བཞག་ཡོད་པ་དང་། གན་རྒྱ་ཁྱབ་ཚད61%ལ་སླེབས་ཏེ། གཙོ་གནད་མི་ཚོགས་ལ་གན་རྒྱ་འཇོག་པ་ཁྱབ་ཚད84.5%ལ་སླེབས་ཡོད།

2017ལོར་སྔོན་ཆད་ཀྱི་བོད་ལྗོངས་འཕྲོད་བསྟེན་འཆར་ལྡན་བུ་བཙའ་ཨུ་ཡོན་ལྷན་ཁང་གིས་བོད་ལྗོངས་ནོར་སྲིད་ཐིན་དང་། བོད་ལྗོངས་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་སོགས་སྡེ་ཁག7དང་མཉམ་དུ《བོད་རང་སྐྱོང་ལྗོངས་ཀྱིས་ཁྱིམ་ཚང་སྨན་པའི་གན་རྒྱ་འཇོག་པའི་ཞབས་ཞུ་ལག་བསྟར་བསམ་འཆར》འགྲེམ་གཏོང་བྱས་ཏེ། སྲིད་གཞུང་གིས་གཙོ་ཁྲིད་དང་། སྡེ་ཁག་གིས་མཐུན་སྦྱོར། སྤྱི་ཚོགས་ཞུགས་པའི་ཁྱིམ་ཚང་སྨན་པའི་གན་རྒྱ་འཇོག་པའི་ཞབས་ཞུ་ལམ་ལུགས་བཙུགས་ནས་ལམ་ལུགས་མ་ལག་གྲུབ་ཡོད་པ་རེད།

བོད་ལྗོངས་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གི་འབྲེལ་ཡོད་འགན་འཁུར་བས་ངོ་སྤྲོད་བྱས་པ་ལྟར་ན། བོད་ལྗོངས་ཀྱིས་ཁྱིམ་ཚང་སྨན་པའི་རུ་ཁག་འཛུགས་སྐྲུན་བྱེད་པར་གཙོ་བོ་ཀུན་ཤེས་སྨན་པ་དང་ནད་ཐོག་སྨན་པ། བོད་ལུགས་གསོ་རིག་གི་བདེ་སྲུང་སྨན་པ། བུད་མེད་བདེ་སྲུང་སྨན་པ། བྱིས་པའི་བདེ་སྲུང་སྨན་པ། ནད་གཡོག་སོགས་ཆེད་ལས་ལག་རྩལ་མི་སྣས་གྲུབ་པ་ཡིན། མིག་སྔའི་བར་དུ། བོད་ལྗོངས་ཀྱིས་ཁྱིམ་ཚང་སྨན་པའི་ཚོགས་པ7546བཙུགས་ཡོད་ཅིང་། མི་ཐེངས་ཁྲི205ལྷག་ལ་གན་རྒྱ་བཞག་ཡོད་པ་དང་། གན་རྒྱ་ཁྱབ་ཚད61%ལ་སླེབས་ཏེ། གཙོ་གནད་མི་ཚོགས་ལ་གན་རྒྱ་འཇོག་པ་ཁྱབ་ཚད84.5%ལ་སླེབས་ཡོད། དེ་མིན་ཡིག་ཚགས་དང་བྱང་བུ་བཟོས་པའི་དབུལ་ཕོངས་མང་ཚོགས་ཀྱིས་གན་རྒྱ་འཇོག་དགོས་ཚད་ཡོངས་རྫོགས་གན་རྒྱ་འཇོག་པ་མངོན་འགྱུར་བྱས་ཏེ། བདེ་ཐང་དབུལ་སྐྱོར་ཁྱིམ་ཚང་གཅིག་ཀྱང་མི་ལུས་པ་དང་མི་གཅིག་ཀྱང་མི་ཆད་པའི་བྱ་བ་ལེགས་པོར་བསྒྲུབ་རྒྱུ་ཡིན་པར་བསྟན། །