སི་ཕེན་མ་ཏེ་རི་རྐང་རྩེད་རུ་ཁག་གིས་བོད་ལྗོངས་ཀྱི་རྐང་རྩེད་པ་ཆུང་ཆུང་ཞིག་བློར་བབས་འདུག
སྤེལ་དུས 2017-08-24
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། གཡང་སྒྲོལ།
དབང་ཆེན་ནོར་བུ་དང་ཁོའི་རྩེད་གྲོགས་ཚོ།
ཆ་འཕྲིན་དུས་ཚགས་ཀྱིས་སྤེལ་བའི་གནས་ཚུལ་ལྟར་ན། ཟླ ༧ པའི་ཚེས ༦ ཉིན། པའེ་ཡུན་ཧྲན་རྐང་རྩེད་སྤོ་ལོ་ཐང་དུ་ཧེང་ཏ་རྐང་རྩེད་སྤོ་ལོའི་སློབ་གྲྭའི་བོད་ཀྱི་ན་གཞོན་རྐང་རྩེད་རུ་ཁག་དང་ཀོང་ཀྲུའུ་ ཧོའུ་ཡུའེ་ཡོན་སློབ་ཆུང་གི་དབྱར་གནང་གི་མཛའ་བརྩེའི་འགྲན་བསྡུར་སྤེལ་འདུག་ཅིང་། ཕྱོགས་གཉིས་ཀའི་ཛ་དྲག་གི་འགྲན་བསྡུར་བརྒྱུད། ཧེང་ཏ་རྐང་རྩེད་སྤོ་ལོ་སློབ་གྲྭ་བོད་ཀྱི་ན་གཞོན་རུ་ཁག་གིས༥∶༤ཡི་ཐོབ་འབྲས་ཀྱིས་རྒྱལ་ཁ་ལོན་འདུག
ཉིན་དེར། བོད་ཀྱི་ཉིང་ཁྲི་གྲོང་ཁྱེར་སློབ་གསོ་ཅུས་དང་ལུས་རྩལ་ཅུས་སོགས་ཀྱི་འགོ་ཁྲིད་དང་ཀོང་ཀྲུའུ་སྨན་ལས་སྡེ་ཚོགས་ཀྱི་འགོ་ཁྲིད་མང་པོ་ཡུལ་དངོས་འགྲན་བསྡུར་དུ་ཕེབས་ནས་ལུས་རྩལ་པ་ཆུང་ཆུང་དག་ལ་རྟིང་སྐུལ་བྱས་འདུག རྒྱུས་ལོན་བྱུང་པ་ལྟར་ན། ད་ལོའི་ལོ་འགོར་བོད་ཀྱི་ན་གཞོན་རྐང་རྩེད་སྤོ་ལོ་བ་བཞི་ལ་ཁེ་ལས་ཀྱིས་ཡིད་མཐུན་རོགས་སྐྱོར་བྱས་ནས་ཧེང་ཏ་རྐང་རྩེད་སྤོ་ལོའི་སློབ་གྲྭར་སློབ་གཉེར་དུ་མངགས་འདུག་ཅིང་། དེ་ནི་བོད་ཀྱི་སློབ་ཕྲུག་སྐོར་ཁག་དང་པོ་རེད། ཁོ་རང་ཚོ་ཆུང་དུས་ཕ་ཡུལ་ལུང་པར་རྐང་རྩེད་སྤོ་ལོའི་ལུས་རྩལ་ལ་རོལ་ཡོད་ཅིང་། མི་ཚེའི་ཕུགས་བསམ་ཡང་རྐང་རྩེད་སྤོ་ལོ་བ་གྲགས་ཅན་ཞིག་ཏུ་འགྱུར་རྒྱུ་དེ་རེད། མ་ཟད་ཝང་ལོ་ཅི་ཚོང་སྡེས་རོགས་སྐྱོར་བརྒྱུད་ཁོ་རང་ཚོ་བོད་ནས་འདི་གར་སློབ་གཉེར་དུ་ཡོང་ཐུབ་པ་བྱུང་།
ལོ་ཆུང་གཞོན་ནུ་བཞིའི་ཁྲོད། ལོ་ན་ཆུང་ཤོས་དབང་ཆེན་ནོར་བུ་ད་ལོ་ལོ ༡༠ ཡིན་ལ། མིག་སྔར་སི་ཕེན་གྱི་མ་ཏེ་རི་རྐང་རྩེད་སྤོ་ལོའི་སློབ་གྲྭར་བསྡུ་ལེན་བྱས་ཤིང་། དབྱར་གནང་རྗེས་སུ་སི་ཕེན་གྱི་མ་ཏེ་རི་ན་གཞོན་རུ་ཁག་ཏུ་ཞུགས་རྒྱུ་རེད།