སྐད་ཡིག་ཅིག་ཡིན་ན་ཐོག་མར་དེ་བཀོལ་སྤྱོད་བྱེད་སའི་སྤྱི་ཚོགས་ཀྱི་ཁོར་ཡུག་ཅིག་གམ་གསལ་བོར་བཤད་ན་དེ་བཤད་མཁན་གྱི་མི་སྣའི་ཚོགས་པ་སྟོབས་ལྡན་ཞིག་ཡོད་དགོས། འདི་ནི་སྐད་ཡིག་དེ་གནས་ཐུབ་པའི་རྨང་གཞི་ཡིན། བོད་ཡིག་འདི་མདོ་དབུས་མཐོ་སྒང་གི་རྒྱ་ཆེའི་བོད་རིགས་རོང་འབྲོག་མང་ཚོགས་ཀྱིས་རྒྱུན་དུ་བཀོལ་སྤྱོད་བྱས་ནས་མི་ལོ་སྟོང་ཕྲག་ནས་ཁྲི་ཕྲག་འགོར་ནའང་ད་དུང་སྔར་བཞིན་མ་ཉམས་པར་མུ་མཐུད་དུ་རང་གི་བརྡ་སྤྲོད་ཀྱི་ལག་ཆར་བྱེད་བཞིན་པ་ནི་བོད་ཡིག་གི་སྤྱི་ཚོགས་ཁོར་ཡུག་གཏན་འཁེལ་ཡོད་པའི་བདེན་དཔང་ཡིན་པས་ང་ཚོས་སྔར་མུས་ལྟར་སྲུང་འཛིན་དང་འཕེལ་རྒྱས་བཏང་ན་བྱ་བ་མང་པོ་ཞིག་རང་ཤུགས་ཀྱིས་ཐག་ཆོད་ཡོང་སྙམ། རྒྱུ་འདི་ལ་དམིགས་ནས་ལོ་རབས་བརྒྱད་ཅུ་ནང་མཚོ་སྔོན་མཚོ་ལྷོ་ཁུལ་ནས་ཁུལ་ཡོངས་ཀྱི་ལས་བྱེད་པུའུ་ནང་བོད་ཡིག་སྦྱོང་བའི་མཐོ་རླབས་ཤིག་འཕྱུར་མྱོང་། སྐབས་དེའི་བཀོལ་སྤྱོད་ཀྱི་སྒྲིག་ཁྲིམས་དག་ཞོལ་ན་བསམ་བཞིན་བཀོད་ཡོད་པ་དེར་གསལ།