མཐོ་རྒྱུགས་དུས་ཚོད་གཏན་འཁེལ་བྱས་འདུག
སྤེལ་དུས 2021-02-22
ཡོང་ཁུངས། སེམས་ཀྱི་ཞིང་ཁམས།
རྩོམ་པ་པོ།
ཚེས་༡༩ཉིན་སློབ་གསོ་པུས《༢༠༢༡ལོའི་མཐོ་སློབ་དཀྱུས་མའི་སློབ་བསྡུའི་ལས་དོན་ཡག་པོ་བསྒྲུབ་རྒྱུའི་སྐོར་གྱི་བརྡ་ཐོ》ཁྱབ་བསྒྲགས་བྱས་པ་དང་། ད་ལོའི་རྒྱལ་ཡོངས་གཅིག་གྱུར་ཡིག་རྒྱུགས་ཞིབ་ཕྲའི་སློབ་ཚན་རྒྱུགས་ལེན་པའི་དུས་ཚོད་བཀོད་སྒྲིག་ཁྱབ་བསྒྲགས་བྱས་པ་གཤམ་གསལ་ལྟར།
སློབ་ཚན་ཡིག་རྒྱུགས་ཞིབ་ཕྲའི་དུས་ཚོད་ནི་ཟླ་༦ཚེས་༧ཉིན་གྱི་ཆུ་ཚོད་༩:༠༠ནས་༡༡:༣༠བར་རྒྱ་ཡིག་དང་། ༡༥:༠༠ནས་༡༧:༠༠བར་རྩིས་རིག ཟླ་༦ཚེས་༨ཉིན་གྱི་ཆུ་ཚོད་༩:༠༠ནས་༡༡:༣༠བར་རིག་ཚན་ཕྱོགས་བསྡུས་དང་རྩིས་ཚན་ཕྱོགས་བསྡུས། ༡༥:༠༠ནས་༡༧:༠༠བར་ཕྱི་སྐད་དང་། ཕྱི་སྐད་ཉན་ཤུགས་ཀྱི་རྒྱུགས་ཡོད་པའི་རིགས་ཕྱི་སྐད་ཡིག་རྒྱུགས་མ་བླངས་གོང་བཀོད་སྒྲིག་བྱ་རྒྱུ་ཡིན་པ་དང་། ཞིང་ཆེན(རང་སྐྱོང་ལྗོངས་དང་གྲོང་ཁྱེར)ཁག་གི་ཡིག་རྒྱུགས་རིག་ཚན་གྱི་མིང་རྒྱལ་ཡོངས་དང་གཅིག་པའི་རིགས་ངེས་པར་དུ་རྒྱལ་ཡོངས་གཅིག་གྱུར་ཡིག་རྒྱུགས་དུས་ཚོད་དང་གཅིག་གྱུར་སྒོས་བཀོད་སྒྲིག་བྱ་དགོས། རྒྱུགས་ལེན་པའི་སློབ་ཚན་གྱི་ཞིབ་ཕྲའི་དུས་ཚོད་བཀོད་སྒྲིག་དེ་སློབ་གསོ་པུའི་ཡིག་རྒྱུགས་ལྟེ་གནས་ལ་ཐོ་འགོད་སྙན་སེང་ཞུས་རྗེས་ཡོངས་བསྒྲགས་བྱ་དགོས། ཞིང་ཆེན་རིམ་པའི་གཅིག་གྱུར་ཡིག་རྒྱུགས་དང་མཐོ་སློབ་ཀྱི་སློབ་བསྡུའི་ཡིག་རྒྱུགས་དུས་ཚོད་དེ་ཞིང་ཆེན་རིམ་པའི་སློབ་བསྡུ་ཨུ་ལྷན་དང་མཐོ་སློབ་ཁག་གིས་སློབ་གསོ་པུའི་འབྲེལ་ཡོད་བླང་བྱ་གཞིར་བཟུང་སྟེ་གཏན་འཁེལ་དང་ཁྱབ་བསྒྲགས་བྱ་དགོས།
རྩོམ་སྒྲིག་པ། སྣང་རྡོར།