ཀྲུང་གོའི་བོད་ལྗོངས་དྲ་བ། > སློབ་གསོ། > ཚ་ཤོས།

སྐར་མ་མིག་དམར་གྱི་གཞོགས་ངོས་འདྲ་པར་ཡོངས་བསྒྲཊ་བྱས་པ།

སྤེལ་དུས 2021-03-29 ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས། རྩོམ་པ་པོ།

སྤྱི་ཚེས་26ཉིན། རྒྱལ་ཁབ་འཇིག་རྟེན་འཕུར་སྐྱོད་ཅུད་ཀྱིས་རང་རྒྱལ་གྱི་མིག་དམར་འཚོལ་ཞིབ་ལས་འགན་ཐོག་མ་སྒྲུབ་མཁན་འཚོལ་ཞིབ་བྱེད་ཆས་གནམ་འདྲི་དང་པོ་རྟགས་ཅན་གྱིས་བླངས་པའི་སྐར་མ་མིག་དམར་གྱི་ཕྱེད་ལྷོ་མ་དང་བྱང་མའི་གཞོགས་ངོས་ཀྱི་པར་རིས་ཁག་2ཡོངས་བསྒྲགས་བྱས་ཡོད། པར་རིས་ཁྲོད་ཀྱི་སྐར་མ་མིག་དམར་ནི་ཟླ་ཕྱེད་དབྱིབས་དང་འདྲ་ཞིང་དེའི་ཕྱི་ངོས་ཀྱི་རི་མོ་གསལ་པོར་མཐོང་ཐུབ།

འཚོལ་ཞིབ་བྱེད་ཆས་གནམ་འདྲི་དང་པོ་རྟགས་ཅན་གྱིས་སྐར་མ་མིག་དམར་དང་བར་ཐག་སྤྱི་ལེ་ཁྲི་1.1ཡོད་པའི་ས་ནས་དབྱེ་འབྱེད་ནུས་པ་འབྲིང་བའི་པར་ཆས་（中分辨率相机）སྤྱད་དེ་སྐར་མ་མིག་དམར་ཧྲིལ་པོ་པར་དུ་བླངས་ཡོད། པར་ལེན་བཞིན་པའི་སྐབས་དེར་འཚོལ་ཞིབ་བྱེད་ཆས་དེ་མིག་དམར་གཞོགས་ངོས་ཀྱི་རྒྱབ་དབྱིངས་སུ་གནས་（ཉིན་མར་ཁ་ཕྱོགས་པ་དེ་མདུན་ཕྱོགས་ཡིན་པ་གཞིར་བྱས་པ）ཡོད་པས། དེས་སྐར་མ་མིག་དམར་གྱི་གཞོགས་ངོས་པར་དུ་བླངས་ཡོད་པ་རེད།

ས་གོ་ལ་ཕྱེད་ལྷོ་མའི་མཁའ་དབྱིངས་ནས་མཐོང་བའི་མིག་དམར་གྱི་གཟུགས་བརྙན།

ས་གོ་ལ་ཕྱེད་ལྷོ་མའི་གཟུགས་བརྙན་དེ་གནམ་འདྲི་དང་པོ་རྟགས་ཅན་གྱིས་དབྱེ་འབྱེད་ཚད་འབྲིང་བའི་པར་ཆས་ཀྱིས་པེ་ཅིང་གི་དུས་ཚོད་སྤྱི་ལོ་2021ལོའི་ཟླ་3ཚེས་16ཉིན་པར་བླངས་པ་དང་། སྐབས་དེར་འཁོར་སྐྱོད་ཆས་ཀྱི་མཐོ་ཚད་ཕལ་ཆེར་སྤྱི་ལེ་ཁྲི་1.12ཙམ་ཟིན་གྱི་ཡོད།

ས་གོ་ལ་ཕྱེད་བྱང་མའི་མཁའ་དབྱིངས་ནས་མཐོང་བའི་མིག་དམར་གྱི་གཟུགས་བརྙན།

ས་གོ་ལ་ཕྱེད་བྱང་མའི་གཟུགས་བརྙན་དེ་གནམ་འདྲི་དང་པོ་རྟགས་ཅན་གྱིས་དབྱེ་འབྱེད་ཚད་འབྲིང་བའི་པར་ཆས་ལ་བརྟེན་ནས་པེ་ཅིང་གི་དུས་ཚོད་སྤྱི་ལོ་2021ལོའི་ཟླ་3ཚེས་18ཉིན་པར་བླངས་པ་དང་། སྐབས་དེར་འཁོར་སྐྱོད་ཆས་ཀྱི་མཐོ་ཚད་ཕལ་ཆེར་སྤྱི་ལེ་ཁྲི་1.15ཙམ་ཟིན་གྱི་ཡོད།

མིག་སྔར་འཚོལ་ཞིབ་བྱེད་ཆས་གནམ་འདྲི་དང་པོ་རྟགས་ཅན་དེ་འཕུར་གྲུ་སོགས་ས་ཚིགས་ཀྱི་འཁོར་ལམ་དུ་འཁོར་སྐྱོད་བྱས་ནས་ཟླ་བ་གཅིག་ཙམ་འཁོར་བ་དང་། དེའི་དབྱེ་འབྱེད་ཚད་མཐོ་བའི་པར་ཆས་དང་། དབྱེ་འབྱེད་ཚད་འབྲིང་བའི་པར་ཆས། གཏེར་རྫས་འོད་ཤལ་དཔྱད་ཆས། སྐར་མ་མིག་དམར་གྱི་ནུས་ཚད་དབྱེ་ཞིབ་རིལ་རྡུལ་དཔྱད་ཆས། གྱེས་རྡུལ་དང་མ་ནིང་རིལ་རྡུལ་དབྱེ་ཞིབ་དཔྱད་ཆས། ཁབ་ལེན་རྩིས་ཆས་བཅས་སྔ་རྗེས་སུ་བེད་སྤྱད་དེ་སྐར་མ་མིག་དམར་ལ་འཚོལ་ཞིབ་ཚད་ལེན་བྱས་ནས་ཚན་རིག་གི་གྲངས་གཞི་མང་པོ་འཚོལ་བསྡུ་བྱས་ཡོད།

རྩོམ་སྒྲིག་པ། སྣང་རྡོར།