2022ལོའི་དུས་ཆེན་དང་གུང་གསེང་ཁག་ཅིག་བཀོད་སྒྲིག་བྱ་རྒྱུའི་སྐོར་གྱི་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི་བརྡ་ཐོ།
ཞིང་ཆེན་དང་། རང་སྐྱོང་ལྗོངས། ཐད་གཏོགས་གྲོང་ཁྱེར་བཅས་ཁག་གི་མི་དམངས་སྲིད་གཞུང་དང་། རྒྱལ་སྲིད་སྤྱི་ཁྱབ་ཁང་གི་པུའུ་ཨུ་ཁག ཐད་གཏོགས་ལས་ཁུངས་ཁག་བཅས་ལ་ཞུ་རྒྱུར།
རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད་ད་ཆ་2022ལོའི་གནམ་ལོ་གསར་ཚེས་དང་། དཔྱིད་གསར་དུས་ཆེན། དྭངས་གསལ་དུས་ཆེན། ངལ་རྩོལ་དུས་ཆེན། ལྔ་པའི་ཚེས་ལྔའི་དུས་ཆེན། ཟླ་མཆོད་དུས་ཆེན། རྒྱལ་སྟོན་དུས་ཆེན་བཅས་ཀྱི་ངལ་གསོའི་དུས་ཚོད་ལེགས་སྒྲིག་བྱ་རྒྱུའི་ཞིབ་ཕྲའི་བཀོད་སྒྲིག་བརྡ་ཐོ་གཏོང་རྒྱུ་གཤམ་གསལ།
གཅིག གནམ་ལོ་གསར་ཚེས་ཀྱི་སྐབས་སུ། 2022ལོའི་ཟླ་1ཚེས་1ཉིན་ནས་ཚེས་3ཉིན་བར་ངལ་གསོ་བྱ་རྒྱུ། བསྡོམས་པས་ཉིན་3ཡོད།
གཉིས། དཔྱིད་གསར་དུས་ཆེན། ཟླ་1ཚེས་31ཉིན་ནས་ཟླ་2ཚེས་6ཉིན་བར་ངལ་གསོ་བྱ་རྒྱུ། བསྡོམས་པས་ཉིན་7ཡོད། ཟླ་1པའི་ཚེས་29ཉིན（གཟའ་སྤེན་པ）དང་ཟླ་1ཚེས་30ཉིན（གཟའ་ཉི་མ）ལས་ཚོགས་སུ་ཞུགས་དགོས།
གསུམ། དྭངས་གསལ་དུས་ཆེན། ཟླ་4ཚེས་3ཉིན་ནས་ཚེས་5ཉིན་བར་ངལ་གསོ་བྱ་རྒྱུ། བསྡོམས་པས་ཉིན་3ཡོད། ཟླ་4པའི་ཚེས་2ཉིན་（གཟའ་སྤེན་པ）ལས་ཚོགས་སུ་ཞུགས་དགོས།
བཞི། ངལ་རྩོལ་དུས་ཆེན། ཟླ་4པའི་ཚེས་30ཉིན་ནས་ཟླ་5པའི་ཚེས་4ཉིན་བར་ངལ་གསོ་བྱ་རྒྱུ། བསྡོམས་པས་ཉིན་5ཡོད། ཟླ་4པའི་ཚེས་24ཉིན།（གཟའ་ཉི་མ）དང་ཟླ་5པའི་ཚེས་7ཉིན།（གཟའ་སྤེན་པ）ལས་ཚོགས་སུ་ཞུགས་དགོས།
ལྔ། ལྔ་པའི་ཚེས་ལྔའི་དུས་ཆེན། ཟླ་6ཚེས་3ཉིན་ནས་ཚེས་5ཉིན་བར་ངལ་གསོ་བྱ་རྒྱུ། བསྡོམས་པས་ཉིན་3ཡོད།
དྲུག ཟླ་མཆོད་དུས་ཆེན། ཟླ་9ཚེས་10ཉིན་ནས་ཚེས་12ཉིན་བར་ངལ་གསོ་ཉིན་གསུམ་འཇོག་རྒྱུ།
བདུན། རྒྱལ་སྟོན་དུས་ཆེན། ཟླ་10ཚེས་1ཉིན་ནས་ཚེས་7ཉིན་བར་ངལ་གསོ་བྱ་རྒྱུ། བསྡོམས་པས་ཉིན་7ཡོད། ཟླ་10ཚེས་8ཉིན（གཟའ་སྤེན་པ）དང་ཟླ་10ཚེས་9ཉིན（གཟའ་ཉི་མ）ལས་ཚོགས་སུ་ཞུགས་དགོས།
དུས་ཆེན་དང་ངལ་གསོའི་རིང་ས་ཁུལ་ཁག་དང་སྡེ་ཚན་ཁག་གིས་ལས་རེས་དང་། བདེ་འཇགས། སྲུང་སྐྱོབ། རིམས་ནད་སྔོན་འགོག་ཚོད་འཛིན་སོགས་ཀྱི་ལས་དོན་བཀོད་སྒྲིག་ཡག་པོ་བྱས་ནས་ཐོལ་བྱུང་དོན་རྐྱེན་ཚབས་ཆེན་འཕྲད་སྐབས་གཏན་འབེབས་ལྟར་དུས་ཐོག་ཏུ་སྙན་སེང་ཞུ་དགོས་པ་མ་ཟད་ཐག་གཅོད་འོས་འཚམ་བྱས་ནས་མི་དམངས་མང་ཚོགས་ཀྱིས་འཆམ་མཐུན་དང་དུས་བདེ་ངང་དུས་ཆེན་གྱི་གུང་གསེང་གཏོང་ཐུབ་པའི་འགན་ལེན་བྱེད་དགོས་པའི་བླང་བྱ་བཏོན་པ་རེད།
རྩོམ་སྒྲིག་པ། སྣང་རྡོར།
