ཀྲུང་གོའི་བོད་ལྗོངས་དྲ་བ། > མདུན་ཤོག > ཁྲིམས་གཞུང་མདའ་མོ།

⏯“མ་ཎི་དུང་སྒྲུབ”དང་འབུལ་བ་གཡོ་ལེན།

སྤེལ་དུས 2020-09-27 ཡོང་ཁུངས། ཁྲིམས་ལུགས་ཚགས་པར། རྩོམ་པ་པོ།

ཉེ་ཆར། ལྷ་ས་གྲོང་ཁྱེར་སྤྱི་བདེ་ཅུས་ཀྱིས་དད་ལྡན་མང་ཚོགས་རྣམས་ལ་དྲ་ལམ་ནས་སྒོར་མོ་བསླུ་བྲིད་བྱས་པའི་གྱོད་གཞི་ཞིག་རྩད་ཆོད་ཡོད་དེ། དོགས་ཡོད་ཉེས་ཅན་དཔལ་ཆེ་གེ་མོ་དང་འཇམ་ཆེ་གེ་མོ་གཉིས་ཀྱིས་མ་ཎི་དུང་སྒྲུབ་ཅེས་པའི་སྐད་འཕྲིན་ཚོགས་པ་ཞིག་བཙུགས་ཏེ། ཚོགས་པ་ནང་དུ་ཞུགས་ནས་ཁ་ཏོན་བྱས་ཚེ་རང་དགོན་པའི་བླ་མའི་བྱིན་རླབས་ཐོབ་པ་དང་། ད་དུང་དགོན་པ་ནང་དུ་སྐུ་འདྲ་བཞེངས་རྒྱུར་ཁ་གཡར་ནས་དད་ལྡན་མང་ཚོགས་ལག་ནས་སྒོར་མོ55000མགོ་སྐོར་བཏང་། ཁོ་གཉིས་ཀྱིས་སྒོར་མོ་ཁ་ཤས་བེད་སྤྱད་དེ་སྐུ་འདྲ་འགའ་བླུས་པ་ལས་ལྷག་སྒོར་ཚང་མ་སྒེར་སྤྱོད་བྱས། མིག་སྔར་དཔལ་ཆེ་གེ་མོ་དང་འཇམ་ཆེ་གེ་མོ་གཉིས་ཀྱིས་དྲ་རྒྱའི་སྟེང་མགོ་གཡོག་མགོ་སྐོར་བཏང་བས་ལྷ་ས་གྲོང་ཁྱེར་སྤྱི་བདེ་ལས་ཁུངས་ཀྱིས་ཁྲིམས་ལྟར་ཐག་གཅོད་བྱས། དོགས་ཡོད་ཉེས་ཅན་གྱིས་བཤད་རྒྱུར། རང་གི་ཁེ་ཕན་ལེན་པའི་དམིགས་ཡུལ་འགྲུབ་ཆེད་དགོན་པ་དང་སྐུ་འདྲ་ལ་ཁ་གཡར་ཏེ། ཚོགས་པའི་ནང་གི་མང་ཚོགས་ལ་མགོ་སྐོར་བཏང་བ་སོགས་ནག་ཉེས་བསགས་པར་འགྱོད་པ་ཆེན་པོ་སྐྱེས་ཡོད་ཟེར། མགོ་སྐོར་ཐེབས་པའི་མང་ཚོགས་ཀྱིས་བཤད་རྒྱུར། ཚོགས་གཙོ་གཉིས་ཀྱིས་རང་དོན་གྱི་ཆེད་དུ་ཚོགས་པའི་ནང་གི་མང་ཚོགས་ཚང་མར་མགོ་སྐོར་གཏོང་བ་ཡིན་པ་ཤེས་ཚེ་ང་རང་གིས་ཞལ་འདེབས་རྒྱག་མི་སྲིད་ཟེར། ཡང་གཞན་ཞིག་གིས་བཤད་རྒྱུར། གནས་ཚུལ་ངོ་མ་ད་ལྟ་གཞི་ནས་ཧ་གོ་བྱུང་། མགོ་སྐོར་ཐེབས་པ་ཤེས་རྗེས།འགྱོད་པ་ཆེན་པོ་སྐྱེས་བཞིན་ཡོད། རྗེས་ཕྱོགས་མང་ཚོགས་ཚང་མ་ཚོགས་པ་དེ་འདྲའི་རིགས་ཀྱི་ནང་དུ་མི་ཞུགས་པར་རེ་བ་ཆེན་པོ་ཡོད་ཟེར།

སྤྱི་བདེ་ལས་ཁུངས་ཀྱིས་རྒྱ་ཆེའི་མང་ཚོགས་ལ་སྐད་འཕྲིན་ཚོགས་པ་དང་། ཁྱེའུ་འཕྲིན་ཚོགས་པ། གྲོགས་ཚོམས་སོགས་སུ་ནད་པ་དང་། སྲོག་ཆགས་ཚེ་ཐར་གཏོང་བ་སོགས་ལ་རོགས་སྐྱོར་ཞལ་འདེབས་སློང་བ་ལ་ངེས་པར་ཡིད་གཟབ་དགོས་པར་གསལ་འདེབས་བྱེད་བཞིན་ཡོད།