ཁང་པའི་ནང་འཛུལ་ནས་འཕྲོག་བཅོམ་བྱས་པའི་གྱོད་གཞི་ཞིག་རྩད་ཆོད་འདུག
སྤེལ་དུས 2021-01-06
ཡོང་ཁུངས། ཞི་བདེའི་ལྷ་ས།
རྩོམ་པ་པོ། ཁྲིམས་གསལ་མེ་ལོང་།
ཟླ་12ཚེས་14ཉིན་གྱི་སྔ་དྲོར། ལྷ་ས་གྲོང་ཁྱེར་སྤྱི་བདེ་ཅུས་ཉེས་དོན་ཉེན་རྟོག་ཉིང་ལག་རུ་ཁག་གི་རུ་ཆེན་བཞི་པར་110བཀོད་འདོམས་ལྟེ་གནས་ཀྱིས་ཉེན་རྟོག་པ་གཏོང་དགོས་པའི་བཀའ་འབྱོར་བ་དང་། ཉེས་དོན་སྙན་སེང་ཞུ་མཁན་ཞིག་གིས་གྲྭ་བཞི་མངགས་གཏོང་ཁང་ལ་ཟླ་12ཚེས་14ཉིན་གྱི་ཐོ་རེངས་ཆུ་ཚོད་2པ་ཙམ་ལ། རང་དང་གྲོགས་པོ་སྡོད་སའི་བོགས་གཏོང་ཁང་པ་ཞིག་ཏུ་ཆ་རྒྱུས་མེད་པའི་སྐྱེས་པ་9འཛུལ་ནས་ཉེས་རྡུང་བཏང་བ་མ་ཟད། ཁ་པར་གསུམ་འཕྲོགས་སོང་ཞེས་ཉེས་དོན་སྙན་སེང་ཞུས། གྱོད་གཞི་འདིར་ལྷ་ས་གྲོང་ཁྱེར་སྤྱི་བདེ་ཅུས་ཏང་ཨུད་ཀྱི་མཐོང་ཧ་ཅང་ཆེན་པོ་བྱས་པ་དང་། ཉེན་རྟོག་པ་ཧྲག་འདེམས་བྱས་ནས་གྱོད་གཞི་དེ་རྩད་གཅོད་བྱས་པ་རེད།
གྱོད་གཞི་འདི་རྩད་མགྱོགས་པོ་ཆོད་པ་ལས། ཉེས་གསོག་པའི་ཁྲིམས་མེད་ལུངས་མེད་ཀྱི་བྱེད་སྤྱོད་ལ་རྡུང་རྡེག་ཚ་ནན་བཏང་ནས། 2021ལོའི་ཀྲུང་གོ་མིི་དམངས་ཉེན་རྟོག་པའི་དུས་ཆེན་ལ་ཕྱག་རྟགས་ཕུལ་བ་མ་ཟད། ལྷ་སའི་སྤྱི་བདེས་ཁྲིམས་སྐྱོང་ཀྲུང་གོ་ཧུར་ཐག་སྐྲུན་པའི་ཆོད་སེམས་ཀྱང་གང་ལེགས་མངོན་ཡོད།
རྩོམ་སྒྲིག་པ། བདེ་སྒྲོལ།