གྲོང་སྡོད་ལས་དོན་མི་སྣའི་འཚོ་བ་དང་ལས་ཀའི་གླ་ཕོགས་འཕར་འདུག
སྤེལ་དུས 2021-02-05
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། པདྨ་ཚེ་རིང་གིས་བསྒྱུར།
གྲོང་སྡོད་ལས་དོན་རུ་ཁག་གི་རུ་མིའི་འཚོ་བའི་ཆུ་ཚད་མཐོ་རུ་བཏང་ནས་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཐུགས་ཁུར་དང་གཅེས་སྐྱོང་དོན་ཐོག་ཏུ་ནན་ཏན་འཁྱོལ་བ་ཡོང་ཆེད། བོད་རང་སྐྱོང་ལྗོངས་ནོར་སྲིད་ཐིང་དང་། བོད་རང་སྐྱོང་ལྗོངས་ལེགས་གཏོད་ལེགས་བརྩོན་དང་རྨང་བརྟན་དམངས་ཕན་བྱེད་སྒོའི་འགོ་ཁྲིད་ཚོ་ཆུང་གཞུང་དོན་ཁང་གིས《གྲོང་སྡོད་ལས་དོན་རུ་ཁག་གི་རུ་མིའི་འཚོ་བའི་ཁ་གསབ་ཚད་གཞི་ལེགས་སྒྲིག་བྱ་རྒྱུའི་སྐོར་གྱི་བརྡ་སྦྱོར》པར་འགྲེམས་བྱས་པ་རེད།
2021ལོའི་ཟླ་དང་པོའི་ཚེས1ཉིན་ནས་བཟུང་། གྲོང་སྡོད་ལས་དོན་རུ་ཁག་གི་རུ་མིའི་འཚོ་བའི་ཁ་གསབ་ཚད་གཞི་ལེགས་བཅོས་བྱས་པ་གཤམ་གསལ་ལྟར་ཡིན།
རིགས་གཉིས་པའི་ས་ཁུལ་དུ་ཉིན་རེ་མི་རེར་སྒོར52.5ཡིན་པ་ནས་ཉིན་རེ་མི་རེར་སྒོར70བར་མཐོ་རུ་གཏོང་རྒྱུ།
རིགས་གསུམ་པའི་ས་ཁུལ་དུ་ཉིན་རེ་མི་རེར་སྒོར70.2ཡིན་པ་ནས་ཉིན་རེ་མི་རེར་སྒོར90བར་མཐོ་རུ་གཏོང་རྒྱུ།
རིགས་བཞི་པའི་ས་ཁུལ་དུ་སྨི5000མན་དུ་ཉིན་རེ་མི་རེར་སྒོར88.8ཡིན་པ་ནས་ཉིན་རེ་མི་རེར་སྒོར110བར་མཐོ་རུ་གཏོང་རྒྱུ།
རིགས་བཞི་པའི་ས་ཁུལ་དུ་སྨི5000(སྨི5000ཚུད་པ)ཡན་དུ་ཉིན་རེ་མི་རེར་སྒོར92ཡིན་པ་ནས་ཉིན་རེ་མི་རེར་སྒོར120བར་མཐོ་རུ་གཏོང་རྒྱུ།
གྲོང་སྡོད་ཀྱི་འཚོ་བའི་ཁ་གསབ་ཚད་གཞི་ལེགས་བསྒྲིགས་བྱས་པ་དེས་གྲོང་སྡོད་ལས་དོན་མི་སྣའི་འཚོ་བ་དང་ལས་ཀའི་གླ་ཕོགས་སྔར་བས་ཇེ་ལེགས་སུ་ཕྱིན་པ་དང་། གྲོང་སྡོད་ལས་བྱེད་པའི་ལས་སྒྲུབ་ཀྱི་སྤྲོ་སེམས་འཕེལ་བར་བྱས་པས་གྲོང་སྡོད་ལས་བྱེད་པར་སྐུལ་ལྕག་གཏོང་བའི་ལམ་སྲོལ་འཐུས་ཚང་དུ་བཏང་ཞིང་། གྲོང་ཚོར་བཅའ་སྡོད་ལས་བྱེད་པས་དབུལ་སྐྱོར་འཐབ་ས་དང་པོར་ལས་སྒྲུབ་ལས་གཏོད་བྱེད་པར་སྐུལ་ལྕག་དང་རྒྱབ་སྐྱོར་བྱེད་པ་ལ་དོན་སྙིང་གལ་ཆེན་ལྡན་ཡོད།
རྩོམ་སྒྲིག་པ། བདེ་སྒྲོལ།