ལྷ་སའི་སྐྱེས་པ་ཞིག་གིས་ཐ་མག་རྫུན་མ་བཙོངས་པས་འཛིན་བཟུང་བྱས་འདུག
སྤེལ་དུས 2021-03-29
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ། པདྨ་ཚེ་རིང་གིས་བསྒྱུར།
ཉེ་ཆར་ལྷ་ས་གྲོང་ཁྱེར་སྤྱི་བདེ་ཅུས་ཀྱི་དཔལ་འབྱོར་ཉེས་གསོག་མྱུལ་ཞིབ་ཉིང་ལག་རུ་ཁག་གིས་སྐྱེས་པ་ཞིག་གིས་ཡུན་རིང་པོར་གྲོང་ཁྱེར་འདི་གར་ཐ་མག་རྫུན་མ་བཙོང་བཞིན་ཡོད་པ་ཤེས་རྟོགས་བྱུང་།
ཁུངས་སྣེ་འདི་ལ་གཞིགས་ནས་ལྷ་ས་གྲོང་ཁྱེར་སྤྱི་བདེ་ཅུས་ཀྱི་མྱུལ་ཞིབ་ཉིང་ལག་རུ་ཁག་གིས་མྱུར་དུ་ཧྲག་བསྡུས་ཉེན་རྟོག་པ་སྒྲིག་འཛུགས་བྱས་ནས་བརྟག་དཔྱད་དཔང་ལེན་གྱི་ལས་ཀ་རྣམས་བསྒྲུབས། མི་དམངས་ཉེན་རྟོག་པས་ཞིབ་དཔྱད་རགས་ཙམ་བྱས་པ་བརྒྱུད་ཁུངས་སྣེ་འདི་ཧ་ལམ་དོན་དངོས་དང་ཡོངས་སུ་མཐུན།
[ཤ་ཚའི་དྲན་སྐུལ།]
གཅིག ཐ་མག་རྫུན་མའི་ཁྲོད་ཀྱི་འཚིག་སྣུམ་འདུས་ཚད་ནི་ཚད་ལས་ཚབས་ཆེན་བརྒལ་ཡོད་པས་ཐ་མག་འཐེན་མཁན་གྱི་ལུས་ཕུང་ལ་གནོད་འཚེ་ཐེབས་སླ།
གཉིས། ཐ་མག་རྫུན་མ་ཐོན་སྐྱེད་བྱེད་སྐབས་ཀྱི་རྒྱུ་ཆ་གཞན་པའི་སྤུས་ཚད་ལ་འགན་ལེན་མི་ཐུབ་པ་དང་སྤུས་ཚད་ཧ་ཅང་ཞན་པས་རྒྱུ་ཆ་དེ་དག་གིས་མིའི་ལུས་ཁམས་བདེ་ཐང་ལ་གནོད་སྐྱོན་ཚབས་ཆེན་བཟོ་སྲིད།
གསུམ། ཐ་མག་རྫུན་མ་ལ་སྣོར་མའི་སྦགས་བཙོག་ཐེབས་སླ་བས་དུ་དུག་གི་ཞོར་སྐྱོན་ཇེ་ཆེར་འགྲོ་སྲིད།
ཐ་མག་རྫུན་མ་བཟོ་ཚོང་བྱེད་པའི་བྱ་སྤྱོད་ཐེར་འདོན་གོང་ཞུ་བྱེད་ན110དང12313ལ་ཁ་པར་གཏོང་རོགས།
རྩོམ་སྒྲིག་པ། བདེ་སྒྲོལ།