བོད་རྒྱ་སྐད་གཉིས་ཀྱི་མཉེན་ཆས་ཁག་ཅིག་ལ་བྱ་དགའ་ཐོབ་པ།
སྤེལ་དུས 2019-12-23
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
སྤྱི་ཟླ་12པའི་ཚེས་18ཉིན་རྒྱལ་ཁབ་དྲ་འཕྲིན་གཞུང་ལས་ཁང་སྒུལ་གཏོང་དྲ་རྒྱའི་དོ་དམ་ཅུས་དང་མཚོ་སྔོན་ཞིང་ཆེན་དྲ་འཕྲིན་གཞུང་ལས་ཁང་། སི་ཁྲོན་ཞིང་ཆེན་དྲ་འཕྲིན་གཞུང་ལས་ཁང་བཅས་ཀྱི་མཛུབ་སྟོན་འོག་གཉེར་བའི་བོད་རྒྱ་སྐད་གཉིས་ཀྱི་ཉེར་སྤྱོད་མཉེན་ཆས་འཚོལ་བསྡུ་བྱེད་སྒོ་སྐབས་གསུམ་པ་ཁྲེན་ཏུའུ་རུ་བདེ་བླག་ངང་མཇུག་སྒྲིལ་བ་རེད།
ཚོགས་རའི་ཡུལ་དངོས།
བྱེད་སྒོར་ཞུགས་པའི་འབྲེལ་ཡོད་འགོ་ཁྲིད་མི་སྣ།
ཐེངས་འདིའི་བྱེད་སྒོའི་གཙོ་བསྒྲུབ་ཚན་པས་འབྲེལ་ཡོད་འགོ་ཁྲིད་དང་སློབ་ཆེན་གྱི་དགེ་རྒན་ཆེན་མོ། བོད་སྐད་ཡིག་གི་ཆེད་མཁས་པ་སོགས་གདན་འདྲེན་ཞུས་ཏེ་དཔྱད་འདེམས་ཚོགས་པ་བཙུགས་པ་བརྒྱུད། ཁྱོན་བསྡོམས་མཉེན་ཆས་83ལས་36ལ་དྲ་རྒྱའི་འདེམས་ཤོག་འཕེན་པའི་གྲས་སུ་བདམས་པ་དང་། འདེམས་ཤོག་འཕང་བ་བརྒྱུད་མཐར་ཕུལ་བྱུང་ཉེར་སྤྱོད་མཉེན་ཆས19གཏན་འབེབས་བྱས་ཞིང་། མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གངས་ལྗོངས་མེ་ལོང་སོགས་ལ་ཕུལ་བྱུང་ཉེར་སྤྱོད་མཉེན་ཆས་ཀྱི་བྱ་དགའ་ཐོབ་ཡོད་པ་རེད།
འབྲེལ་ཡོད་མི་སྣས་མཉེན་ཆས་ལ་གཟིགས་བཞིན་པ།
བྱ་དགའ་ཐོབ་པའི་འཐུས་མིས་བྱ་དགའ་ལེན་བཞིན་པ།
ཤེས་རྟོགས་བྱུང་བར་གཞིགས་ན། བྱེད་སྒོ་འདི་དུས་ཡུན་ཟླ་བ་6ལྷག་ལ་བརྒྱུད་དེ་སློབ་གསོ་དང་སྨན་བཅོས། ཡུལ་སྐོར། གློག་རྡུལ་ཚོང་ར་སོགས་ཁྱབ་ཁོངས་མང་པོའི་དགོས་མཁོ་སྐོང་བར་དམིགས་ནས་མི་རྣམས་ལ་སྔར་ལས་རིན་ཐང་ལྡན་པའི་མཉེན་ཆས་ཤེས་རྟོགས་བྱུང་བ་དང་། འདི་ལས་བོད་ལྗོངས་དང་གཞན་མཚོ་སྔོན་སོགས་བོད་ཁུལ་གྱི་དཔལ་འབྱོར་རིག་གནས་འཕེལ་རྒྱས་ལ་སྐུལ་འདེད་དང་། མང་ཚོགས་ཀྱི་བསམ་པའི་འཚོ་བ་ཕུན་སུམ་ཇེ་ཚོགས་སུ་གཏོང་བ་སོགས་ལས་དོན་ལ་རྒྱབ་སྐྱོར་བཅས་བྱ་ཐུབ་པ་རེད།
ཚོགས་རའི་ཟུར་ཞིག
བྱ་དགའི་ལེགས་སྐྱེས།