སྲོལ་ཡིག་འདིར་ཚང་མས་འདེམས་ཤོག་འཕངས་ནས་གྲོས་འཆམ་བྱུང་འདུག
སྤེལ་དུས 2020-01-13
ཡོང་ཁུངས། བོད་ལྗོངས་ཉིན་རེའི་ཚགས་པར།
རྩོམ་པ་པོ།
2020ལོའི་ཟླ་1ཚེས་11ཉིན་གྱི་ཕྱི་དྲོའི་ཆུ་ཚོད་16དང་སྐར་མ་12ལ། རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པའི་ཚང་འཛོམས་གྲོས་ཚོགས་ཐེངས་ལྔ་པའི་ཐོག 《བོད་རང་སྐྱོང་ལྗོངས་མི་རིགས་མཐུན་སྒྲིལ་ཡར་ཐོན་དཔེ་བཟང་ཁུལ་གཏོད་པའི་སྲོལ་ཡིག》ལ་སྤ་སེ་ཆ་ཚང་གི་ཐོག་ནས་གྲོས་འཆམ་བྱུང་འདུག
ཚོགས་ར།
《སྲོལ་ཡིག》ཏུ་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱས་པ་དང་། མི་རིགས་མཐུན་སྒྲིལ་ཡར་ཐོན་བྱ་གཞག་སྐོར་གྱི་ཏང་དང་རྒྱལ་ཁབ་ཀྱི་ཐབས་ཇུས་བཀོད་སྒྲིག་གལ་ཆེན་དང་བླང་བྱར་བརྩི་སྲུང་ཞུས་ནས། རང་ལྗོངས་ཀྱི་མི་རིགས་མཐུན་སྒྲིལ་ཡར་ཐོན་ལས་དོན་གྱི་ཉམས་མྱོང་གྲུབ་འབྲས་དང་ཟུང་འབྲེལ་བྱས་ཏེ། རྒྱལ་ཁབ་ལས་ཁུངས་དང་། སྤྱི་ཚོགས་རྩ་འཛུགས། སྤྱི་དམངས་མི་སྒེར་བཅས་ཀྱིས་མི་རིགས་མཐུན་སྒྲིལ་ཡར་ཐོན་ཐད་སྐུལ་འདེད་གཏོང་བའི་འགན་འཁྲི་དང་འོས་འགན་ཚད་ལྡན་བཟོས་ཡོད། དེར་བརྟེན། 《སྲོལ་ཡིག》ལས་མིག་སྔའི་རང་ལྗོངས་ཀྱི་ཞི་མཐུན་བརྟན་ལྷིང་གི་དུས་རབས་ཀྱི་ཁྱད་ཆོས་མངོན་གྱི་ཡོད་ལ། སྤྱི་ཚོགས་ཀྱི་ཕྱོགས་ཁག་གི་བྱ་སྤྱོད་ལ་ཡུན་རིང་དང་རྒྱུན་མཐུད་ངང་ཁྲིད་སྟོན་བྱས་ནས། རང་ལྗོངས་འདི་ཉིད་རྒྱལ་ཡོངས་ཀྱི་སྔོན་ཐོན་གྱི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་ཁུལ་གཏོད་པར་ཁྲིམས་ལུགས་ཀྱི་འགན་ལེན་ཡང་ཐུབ་པ་མཚོན་གྱི་ཡོད།
ཚོགས་ར།
ཤེས་རྟོགས་བྱུང་བར་གཞིགས་ན།《སྲོལ་ཡིག》འདི་2020ལོའི་ཟླ་5ཚེས་1ཉིན་ནས་ལག་ལེན་བསྟར་རྒྱུ་རེད་འདུག
རྩོམ་སྒྲིག་པ། བདེ་སྒྲོལ།