ཁྲུང་ཆིང་གྲོང་ཁྱེར་ཝན་ཀྲོའུ་ཁུལ་འབྲི་ཆུའི་ཟམ་ཆེན་གཉིས་པའི་སྟེང་བགྲོད་པའི་སྤྱི་སྤྱོད་རླངས་འཁོར་ཞིག་འབྲི་ཆུའི་ནང་དུ་ལྷུང་བ། མཚོ་སྔོན་གོར་མོ་གྲོང་ཁྱེར་འབྲི་ཆུའི་ཆུ་འགོ་གྲོང་ཚོར་ཕར་རོགས་ཚུར་གཅེས་ཀྱིས་བདེ་སྐྱིད་ལྡན་པའི་འཚོ་བ་སྐྱེལ་བ། དཔལ་དགེའི་ཆུ་བསྐྱིལ་མཚེའུའི་འཕྲིན་གསར། འབྲི་ཆུའི་འགག་འཁྱིལ་མཚེའུ་གཞི་རྩའི་ཆ་ནས་རྒྱུན་རྣམ་སླར་གསོ་བྱུང་བ་དང་རོགས་སྐྱོབ་གོ་རིམ་ལྡན་པའི་ངང་བྱེད་བཞིན་ཡོད་པ། གནས་མཆོག་ལྷ་སར་མཐུན་སྒྲིལ་མེ་ཏོག་རབ་ཏུ་བཞད་། ཆོས་དབྱིངས་སྐྱིད་ཀྱིས་ཡང་རྒྱལ་སྤྱིའི་འགྲན་སྡུར་ལས་ཨང་དང་པོ་བླངས། ཀྲུང་གོའི་མི་རིགས་སྐད་ཡིག་ཡིག་སྒྱུར་ཅུས་ཀྱིས་བོད་ཡིག་རིག་ནུས་ཡིག་སྒྱུར་མཉེན་ཆས་ཁྱབ་སྤེལ་ཚོགས་འདུ་སྤོས་ལྡན་གྲོང་དུ་འཚོགས་པ། ཚོགས་ཆེན་བཅུ་དགུ་པའི་དགོངས་དོན་མཛུབ་ཁྲིད་དུ་བྱས་ཏེ། ཆོས་ལུགས་དང་སྤྱི་ཚོགས་རིང་ལུགས་ཀྱི་སྤྱི་ཚོགས་གཉིས་འཚམ་མཐུན་ཡོང་པ་བྱ་དགོས། ནུབ་བྱང་དགེ་འོས་སློབ་ཆེན་གྱིས་དགེ་འོས་སློབ་མ་བགྲང་ལས་འདས་པ་བསྐྱངས་པ། གཞིས་རྩེ་གྲོང་ཁྱེར་གྱི་གཞུང་ལམ་ཐོག་རླངས་འཁོར་ཤར་གཏོང་ཐུབ་ཚད་སྤྱི་ལེ་ཁྲི་1.7ཟིན་པ།
ཀྲུང་གོའི་བོད་ལྗོངས་དྲ་བ། > མདུན་ཤོག > པར་རིས་གསར་འགྱུར།

ཀྲུང་དབྱང་མི་རིགས་སློབ་ཆེན་གྱིས་རྗེ་ཙོང་ཁ་པ་རྗེས་དྲན་གྱི་རིག་གཞུང་བགྲོ་གླེང་ཚོགས་འདུ་སྐབས་དགུ་པ་སྤེལ་བ།

སྤེལ་དུས 2018-12-04 ཡོང་ཁུངས། མི་དམངས་དྲ་བ། རྩོམ་པ་པོ། སངས་སྐྱབས་ཀྱིས་བསྒྲིགས།
           མི་དམངས་དྲ་བའི་འཕྲིན། ཟླ་12ཚེས་2ཉིན་(བོད་ཟླ་10ཚེས་25ཉིན་)གྱི་དགོང་མོར། སློབ་མའི་གསར་གཏོད་དང་ལག་ལེན་གྱི་ནུས་པ་རིམ་གྱིས་གསོ་སྐྱོང་བྱས་ཏེ། རིག་གཞུང་གི་ཁོར་ཡུག་ལེགས་པོ་དང་སློབ་སྲོལ་ལེགས་པོ་འཛུགས་སྐྲུན་ལ་ཤུགས་སྣོན་བྱ་ཆེད། ཀྲུང་དབྱང་མི་རིགས་སློབ་ཆེན་གྱི་བོད་རིག་པ་ཞིབ་འཇུག་གླིང་གིས་གཙོ་སྒྲུབ་གནང་ཞིང་། བོད་རིག་པ་ཞིབ་འཇུག་གླིང་གི་ཞིབ་འཇུག་སློབ་མའི་ཚོགས་པས་འགན་སྒྲུབ་བྱས་པའི་རྗེ་ཙོང་ཁ་པ་རྗེས་དྲན་གྱི་རིག་གཞུང་བགྲོ་གླེང་ཚོགས་འདུ་སྐབས་དགུ་པ་ཀྲུང་དབྱང་མི་རིགས་སློབ་ཆེན་གྱི་ཐོག་ཁང་ནུབ་མའི་རིག་གཞུང་སྙན་སྒྲོན་ཚོམས་ཆེན་སྟེང་མ་རུ་སྤེལ་བ་རེད། 
           སྐབས་འདིའི་རིག་གཞུང་བགྲོ་གླེང་ལ་ཁྱོན་ལས་རིམ་དྲུག་ཡོད་པ་སྟེ། ལས་རིམ་དང་པོ། ཚོགས་འདུའི་དབུ་འབྱེད་མཛད་སྒོ་སྟེ། མདོ་འཛིན་པས་ཚོགས་འདུའི་ནང་དོན་དང་ཚོགས་ཞུགས་དགེ་རྒན་དག་ངོ་སྤྲོད་གནང་ཞིང་། དགེ་རྒན་ཆེན་མོ་གོ་ཤུལ་གྲགས་པ་འབྱུང་གནས་ཀྱིས་ཤིས་ཚིག་ཕུལ་བ་དང་། ལས་རིམ་གཉིས་པ། 《རྟེན་འབྲེལ་བསྟོད་པ》སྙན་མོ་ངག་གི་མཆོད་པ་སྟེ། བོད་རིག་པ་ཞིབ་འཇུག་གླིང་གི་དངོས་གཞི་སློབ་མའི་ལོ་རིམ་གསུམ་པའི་འཛིན་གྲྭ་ཡོངས་ཀྱིས་མཉམ་དུ་བློ་ནས་རྗེ་ཙོང་ཁ་པས་མཛད་གནང་བའི་《རྟེན་འབྲེལ་བསྟོད་པ》གྱེར་འདོན་བྱས། ལས་རིམ་གསུམ་པ། རིག་གཞུང་བགྲོ་གླེང་ཕྲ་ཞིབ་རིག་པའི་བྲོ་གར(དང་པོ)ཏེ། ཚོགས་ཞུགས་དཔྱད་རྩོམ་སྙན་ཞུ་བས་དཔྱད་རྩོམ་སྙན་ཞུ་གནང་བ་དང་། ཚོགས་སུ་ཕེབས་པའི་དགེ་རྒན་གྱིས་དཔྱད་བརྗོད་གནང་། ལས་རིམ་བཞི་བ། སྙན་ངག་གྱེར་འདོན་སྤོབས་པའི་གདོང་གི་ང་རོ་སྟེ། སློབ་མ་བཅུ་ཡིས《རྒྱལ་མོ་ཚ་བ་རོང་》ཞེས་པ་གྱེར་འདོན་བྱས། ལས་རིམ་ལྔ་བ། རིག་གཞུང་བགྲོ་གླེང་ཕྲ་ཞིབ་རིག་པའི་བྲོ་གར(གཉིས་པ)ཏེ། ཚོགས་ཞུགས་དཔྱད་རྩོམ་སྙན་ཞུ་བས་དཔྱད་རྩོམ་སྙན་ཞུ་གནང་བ་དང། དགེ་རྒན་གྱིས་དཔྱད་བརྗོད་གནང་། ལས་རིམ་དྲུག་པ། ཚོགས་འདུའི་མཇུག་བསྡུས་མཛད་སྒོ་སྟེ། བོད་རིག་པ་ཞིབ་འཇུག་གླིང་གི་འགོ་ཁྲིད་དང་དགེ་རྒན་ཚོས་དཔྱད་རྩོམ་འགྲན་བསྡུར་གྱི་བྱ་དགའ་གནང་བ་དང་། གླིང་གཙོ་གཞོན་པ་འབྲུག་ལྷས་སློབ་གླིང་གི་ཚབ་ཏུ་མཇུག་སྡོམ་གསུང་བཤད་གནང་ནས་སྐབས་འདིའི་རིག་གཞུང་བགྲོ་གླེང་བདེ་བླག་ངང་མཇུག་སྒྲིལ་ཡོད།