ལྷ་མོའི་སྒྱུ་རྩལ་ལ་གསོན་ཤུགས་གསར་པ་རྒྱས།
སྤེལ་དུས 2018-12-07
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ། རྡོ་རྗེས་བསྒྲིགས།
འདི་ནི་རང་སྐྱོང་ལྗོངས་ལྷ་མོ་ཚོགས་པའི་འཁྲབ་སྟོན་པས་སྲོལ་རྒྱུན་གྱི་ལྷ་མོ་འཁྲབ་པའི་གནས་ཚུལ་ཡིན་པ།
ཀྲུང་གོའི་བོད་ལྗོངས་དྲ་བའི་འཕྲིན། ཉིན་ཤས་གོང་། རྒྱལ་ཁབ་སྒྱུ་རྩལ་ཐེབས་རྩའི་གར་སྟེགས་ཟློས་གར་ཆུང་གྲས་ཀྱི་རོགས་སྐྱོར་རྣམ་གྲངས《ལྷ་མོའི་ཞལ་འབག་གླུ་གར་མཚན་ཚོགས》ལྷ་ས་ལྷ་མོའི་སྒྱུ་རྩལ་ལྟེ་གནས་སུ་འཁྲབ་སྟོན་བྱས་པ་དང་། རང་སྐྱོང་ལྗོངས་ལྷ་མོ་ཚོགས་པས་ལྟད་མོ་བ་ཚོར་ལྷ་མོའི་འཁྲབ་ཚན་ལེགས་གྲས་མང་པོ་འཁྲབ་པ་རེད། མཚན་ཚོགས་ནང་ལྷ་མོའི་འཁྲབ་གཞུང་བརྒྱད་ཀྱི་ཞལ་འབག་ཧ་ལམ་ཚུད་ཡོད་པ་རེད། 2006ལོར། ལྷ་མོ་འདི་ཉིད་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་མིང་གཞུང་ཁག་དང་པོའི་ནང་ཚུད་དེ་བོད་ཀྱི་རིག་གནས་ཀྱི“འགྱུར་རྡོ་གསོན་པོ”ཞེས་པའི་མཚན་སྙན་ཐོབ།
