དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > མདུན་ཤོག > པར་རིས་གསར་འགྱུར།

མཚོ་ལྷོ་ཁུལ་མི་རིགས་མཐུན་སྒྲིལ་གཟེངས་བསྟོད་ཚོགས་འདུ་དང་རྒྱལ་སྟོན་བསུ་བའི་རིག་རྩལ་སྤྲོ་ཚོགས་ཆེན་མོ་ཆབ་ཆ་རུ་བསྡུས།

སྤེལ་དུས 2019-08-21 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། དོན་ཚེ།
        ཀྲུང་གོའི་བོད་ལྗོངས་དྲ་བའི་འཕྲིན། སྟོན་ཟླ་བརྒྱད་པའི་མཚོ་ལྷོ། དགའ་སྟོན་གྱི་ཡོ་ལང་རྣམ་པར་ཡོངས་སུ་རྒྱས་ཤིང་། རིགས་སོ་སོའི་བུ་བུ་མོ་རྣམས་ཀྱིས་གླུ་དང་བྲོ་ཡི་སྟངས་སྟབས་བསྒྱུར་ཏེ་རྒྱལ་ཁབ་དབུ་བརྙེས་ནས་ལོ་འཁོར་བདུན་ཅུ་ལོན་པར་སྤྲོ་བས་བསུས་བྱུང་། ད་ལོ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་འཁོར་བདུན་ཅུ་ལོན་པ་དང་། མཚོ་སྔོན་བཅིངས་འགྲོལ་ཐོབ་ནས་ལོ་འཁོར་བདུན་ཅུ་ལོན་པའི་ལོ་ཡིན། ལོ་ངོ་བདུན་ཅུའི་རིང་ལ། རླབས་ཆེ་བའི་ཀྲུང་གོ་གུང་ཁྲན་ཏང་གི་འགོ་ཁྲིད་འོག་ཏུ། ཀྲུང་གོ་མི་དམངས་ཀྱིས་ཡར་ལངས་ནས་འབྱོར་ཕྱུག་དང་། འབྱོར་ཕྱུག་ནས་སྟོབས་ཆེན་དུ་བསྒྱུར་བའི་རླབས་ཆེན་མཆོངས་སྐྱོད་མངོན་འགྱུར་བྱས།

        སྤྱི་ཟླ8པའི་ཚེས19ཉིན་གྱི་དགོང་མོ། མི་རིགས་མཐུན་སྒྲིལ་ལ་བསྟོད་གླུ་བླངས་ཏེ་རླབས་ཆེན་མེས་རྒྱལ་གྱི་དྲིན་དྲན་པའི་མཚོ་ལྷོ་བོད་རིགས་རང་སྐྱོང་ཁུལ་མི་རིགས་མཐུན་སྒྲིལ་ཡར་ཐོན་གཟེངས་བསྟོད་ཚོགས་འདུ་དང་རྒྱལ་སྟོན་བསུ་བའི་རིག་རྩལ་དགོང་ཚོགས་དེ་མཚོ་ལྷོ་ཁུལ་གསེར་ཆེན་རྫོང་ཆབ་ཆར་གཟབ་རྒྱས་ངང་བསྡུས། གླུ་གཞས་སྙན་མོ་དང་བསྟུན་ནས་དགོང་ཚོགས་ཀྱི་མགོ་བརྩམས་ཤིང་། དགོང་ཚོགས་ཧྲིལ་བོར《མཐུན་སྒྲིལ་མདུན་སྐྱོད་ཀྱི་མཚོ་ལྷོ་གསར་བ》དང《རང་བྱུང་ཁམས་ཀྱི་ལེགས་སྐྱེས》《མཇལ་འཛོམས་ལས་ཀྱི་རྒྱན་ཡིན》ཞེས་ཚན་པ་གསུམ་གྱིས་གྲུབ་པ་དང་། ཨ་རྩེད་དང་རྒྱན་གོས་ཤོམ་འགྲོ། གླུ་གར་སོགས་སྣ་ཚོགས་འཁྲབ་སྟོན་བྱས་ལ། ཁྱད་དུ་འཕགས་པའི་འཁྲབ་སྟོན་སྣ་ཚོགས་ཀྱིས་ཁུལ་ཡོངས་ཀྱི་རིགས་སོ་སོའི་མང་ཚོགས་ཀྱིས་འཆམ་མཐུན་ཁྱིམ་གཞིས་བསྐྲུན་པ་དང་། བབ་ཆགས་ཀྱི་མཛའ་བརྩེ་ཕྱི་རུ་ངོམ། འདིས་ཁུལ་ཡོངས་ཏང་གི་འགོ་ཁྲིད་འོག་བྱུང་བའི་འགྱུར་ལྡོག་ཆེན་མོ་དང་རིགས་སོ་སོའི་མི་དམངས་མང་ཚོགས་མཐུན་སྒྲིལ་དང་དྲིན་དྲན་པའི་རྣམ་པ་མཚོན་པར་བྱས།  དེ་མིན་མཚོ་ལྷོ་ཞེས་རིག་གནས་ཀྱི་གཏིང་ཟབ་ཅིང་དཔངས་མཐུག་པའི་འཛིན་མ་འདི་རུ། རྒྱལ་ཡོངས་སུ་མིང་དུ་གྲགས་པའི་གཞས་པ་གཞས་མ་མང་པོ་ཞིག་འཚར་ལོངས་བྱུང་ཡོད། ཁོ་ཚོས་རང་ཉིད་ཀྱི་ཁྱད་དུ་འཕགས་ཤིང་ཡིད་དུ་འོང་བའི་དབྱངས་རྟས་ཕ་ཡུལ་གླུ་རུ་ལེན་ཞིང་། རང་ཉིད་ཀྱི་དགེ་མཚན་ལ་བརྟེན་ནས་མཚོ་ལྷོ་དྲིལ་སྒྲོག་བྱེད་པ་དང་། མཚོ་ལྷོ་མཚམས་སྦྱོར་བྱས་ཏེ། མཚོ་ལྷོའི་སྙན་གྲགས་ཀྱི་བ་དན་ཕྱོགས་སུ་མཐོན་པོར་བསྒྲེངས། ཁོ་ཚོ་ཁྲོད་ཀྱི་འཐུས་ཚབ་རིན་ཆེན་སྒྲོལ་མ་དང་པདྨ་བསམ་འགྲུབ། འབྲུག་བྱམས་ཚེ་རིང་གསུམ་ཕྱོགས་སོ་སོ་ནས་འདི་གར་ཕེབས་ཏེ། ཕ་ཡུལ་ལ་སྙན་མོ་ངག་གིས་གཞས་གླུ་འབུལ་ཞིང་། ཕ་ཡུལ་གྱི་གསོ་སྐྱོང་དུངས་ཞེན་ལྷུག་གེར་བརྗོད།

        དགོང་ཚོགས་ཡུལ་དངོས་སུ་ད་དུང་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་འཛུགས་སྐྲུན་བྱེད་པའི་བྱ་འགུལ་ཁྲོད་གཟེངས་སུ་ཐོན་པའི་དཔེ་མཚོན་ཐུན་མོང35དང་མི་སྒེར64ལ་གཟེངས་རྟགས་དང་བྱ་དགའ་གནང་སྟེ།  ཁོ་ཚོས་མི་རིགས་མཐུན་སྒྲིལ་ལ་སྐུལ་འདེད་དང་སྤྱི་ཚོགས་འཆམ་མཐུན་བདེ་འཇགས་ཐད་ཐོན་པའི་བྱས་རྗེས་ལ་ཁས་ལེན་དང་གདེང་འཇོག་ཆེན་པོ་བྱས།

        ཉེ་བའི་ལོ་འགའི་རིང་། མཚོ་ལྷོ་ཁུལ་གྱིས་མཉམ་དུ་མཐུན་སྒྲིལ་འཕེལ་རྒྱས་དང་མཉམ་དུ་དར་སྤེལ་གཏོང་བའི་བརྗོད་དོན་ལ་གཞིགས་ཏེ། ཕྱོགས་ཡོངས་ནས་ཏང་གི་མི་རིགས་སྲིད་ཇུས་དངོས་འབེབ་དང་མི་རིགས་མཐུན་སྒྲིལ་ཡར་ཐོན་གསར་འཛུགས་བྱ་བ་ནན་གྱིས་སྤེལ་བ་དང་། ཁུལ་ཡོངས་ཀྱི་གོང་འོག་ཀུན་ཏུ་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་ལག་བསྟར་མཐིལ་ཕྱིན་བྱེད་ཅིང་། “འདུ་ཤེས་བཞི”ཇེ་བརྟན་དུ་གཏོང་བ་དང་། “ཡིད་ཆེས་བཞི”འགྱུར་བ་མེད་པ། “སྲུང་སྐྱོང་གཉིས”ལེགས་པོར་བསྒྲུབས་ཏེ། “ལྔ་བཞི་འཐབ་ཇུས”ལག་བསྟར་བྱེད་པ་དང་། “སྔོན་འགྲོ་གཅིག་དང་སྤུས་ལེགས་གཉིས”ཀྱི་འཐབ་ཇུས་བཀོད་སྒྲིག་ལ་སྐུལ་འདེད་བྱས་ཐོག  རིག་གནས་ཡིད་ཆེས་སྲ་བརྟན་དུ་བཏང་ཞིང་། ས་ཁུལ་གྱི་བརྗེ་རེས་དང་མཉམ་འདྲེས་ལ་ཤུགས་བསྣན་ཏེ། དེང་རབས་ཅན་གྱི་ཁྱད་ཆོས་དང་ས་གནས་ཀྱི་ཁྱད་ཆོས། མི་རིགས་ཀྱི་ཁྱད་ཆོས་ལྡན་པའི་རིག་གནས་ཐོན་རྫས་གང་ལེགས་བསྐྲུན་གྱིན་ཡོད།