དགུན་དུས་བོད་ལྗོངས་སུ་གནས་སྐོར་དུ་ཡོང་མཁན་རིམ་བཞིན་ཇེ་མང་དུ་གྱུར། གྲོང་ཚོར་དགུན་ཁའི་གུང་གསེང་གི་གསབ་སྦྱོང་འཛིན་གྲྭ་གཉེར་བ། མཚོ་སྔོན་གྱིས་ཆུ་བོ་དང་མཚོའི“གང་བྱུང་བཞིའི” གནད་དོན་756དག་ཐེར་བྱས་པ། བདེན་འཚོལ་དུས་དེབ་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་ལོ་རྒྱུས་དངོས་གཙོ་རིང་ལུགས་རྒྱུན་འཁྱོངས་ཀྱིས་དེང་རབས་ཀྲུང་གོའི་མར་ཁེ་སི་རིང་ལུགས་འཕེལ་རྒྱས་ཀྱི་མཐོ་ཚད་གསར་པ་རྒྱུན་ཆད་མེད་པར་གཏོད་དགོས་ཞེས་པ་སྤེལ་བ། བོད་རང་སྐྱོང་ལྗོངས་སྲིད་གྲོས་སྐབས་བཅུ་གཅིག་པའི་ཚོགས་འདུ་ཐེངས་གསུམ་པ་གཟབ་རྒྱས་ངང་འགོ་ཚུགས་པ། མང་ཚོགས་ཀྱི“མགྲིན་ཚབ་པ”ཡག་པོ་ཞིག་བྱེད་ཀྱི་ཡིན། “པེ་ཅིང་དུ་འཛོམས་པ”ཞེས་པའི་སྐབས་དང་པོའི་རྒྱལ་སྤྱིའི་ཐང་གའི་སྒྱུ་རྩལ་འགྲེམས་སྟོན་དང་འཛམ་གླིང་ཐང་གའི་སྒྱུ་རྩལ་ཚོགས་ཆེན་པེ་ཅིང་དུ་གཟབ་རྒྱས་ངང་སྤེལ་བ། 2019ལོའི་རྒྱལ་ཡོངས་ཕུལ་བྱུང་དགེ་རྒན་གྱི་གཟེངས་རྟགས་ཐོབ་མཁན་དགེ་རྒན་ལྷ་རྩེ་རྒྱལ། “ཕྱིར་སྐྱོད་དཀའ་བའི”དཀའ་གནད་བསལ་བས་མང་ཚོགས་ལ་སྟབས་བདེ་བྱུང་བ། མང་ཚོགས་ཚོའི་བདེ་ཐང་གི་སྲུང་སྐྱོང་པ།
ཀྲུང་གོའི་བོད་ལྗོངས་དྲ་བ། > མདུན་ཤོག > པར་རིས་གསར་འགྱུར།

ལོ100སྔོན་གྱི་ཨུ་རུ་སུའི་རི་མོ་བ་ཞིག་དང་ཧི་མ་ལ་ཡའི་གཏམ་རྒྱུད།

སྤེལ་དུས 2020-11-20 ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ། པདྨ་ཚེ་རིང་།
ཤམ་བྷ་ལ་འཚོལ་བ། 
Nicholas Roerich
          ཆེས་ཐོག་མར་བོད་ལྗོངས་འབྲི་མཁན་གྱི་ཨུ་རུ་སུའི་རི་མོ་པ་ནི་སུ་ཞིག་ཡིན་ནམ།    
          འཛམ་གླིང་སྐྱེ་བོ་ཀུན་གྱིས1923ལོར་ཉི་ཀུའུ་ལ་སི•ལུའོ་ལེ་ཧོ)NicholasRoerich)ཡིས་བོད་ལྗོངས་སུ་ཤམ་བྷ་ལ་འཚོལ་བ་བྱས་པ་ནི་ཨུ་རུ་སུའི་མིས་བོད་ལྗོངས་གསར་རྩོམ་བྱེད་འགོ་བརྩམས་པར་འདོད། དོན་དངོས་ཐོག་དེའི་སྔོན་དུ་ཧི་མ་ལ་ཡས་རླབས་ཆེན་གྱི་ཨུ་རུ་སུའི་སྒྱུ་རྩལ་པ་ཞིག་གི་ཡིད་དབང་འཕྲོག་པ་སྟེ། ཁོང་གིས་བྲིས་པའི་རི་བོ་ཧི་མ་ལ་ཡ་དེ་ལུའོ་ལེ་ཧོ་(罗列赫)ལས་ཀྱང་ལོ་བཅུ་ཕྲག་ཁ་ཤས་ཀྱིས་སྔ་བ་ཡོད། 
          ཡིན་ནའང་ལོ150ཡི་རྗེས་ཀྱི་རི་བོ་ཧི་མ་ལ་ཡར་ཁོང་གི་མཚན་བཞག་མེད། 
ཧི་མ་ལ་ཡ་བརྒྱུད་པ། 
Vasily Vereshchagin

རི་བོ་ཧི་མ་ལ་ཡའི་གངས། 1874ལོ་ནས1876ལོའི་བར། རས་ངོས་སྣུམ་ཚོན་རི་མོ།
རི་བོ་ཧི་མ་ལ་ཡའི་རི་རྩེ་མཐོ་ཤོས། 1875ལོར། རས་ངོས་སྣུམ་ཚོན་རི་མོ།
          གངས་རིས་བརྗེད་ལ་ཉེ་བའི་ཨུ་རུ་སུའི་སྒྱུ་རྩལ་པ་དེའི་མིང་ལ་ཝ་ཞི་ལི•ཝེ་ལེ་ཧྲི་ཁྲ་ཅིན)VasilyVereshchagin1842ལོ་ནས1904ལོའི་བར།(ཟེར་ཞིང་། ཁོང་ནི་ལོ་རྒྱུས་ཐོག་ཆེས་ཕུལ་དུ་བྱུང་བའི་ཨུ་རུ་སུའི་གཡུལ་འགྱེད་རི་མོ་བའི་གྲས་ཤིག་ཡིན་པ་དང་། ཁོང་གི་སྒྱུ་རྩལ་གསར་རྩོམ་ལ་ཡོ་རོབ་གླིང་ཧྲིལ་པོར་གྲུབ་འབྲས་ཧ་ཅང་ཆེན་པོ་ཐོབ་ཡོད། 
          Vereshchaginལགས་ཀྱི་ཚེ་མཇུག་གི་ལོ་བཅུའི་ནང་འགྲེམས་སྟོན་ཐེངས30ལྷག་ཙམ་གཉེར་བ་མ་ཟད། སྐབས་དེ་དུས་འཛམ་གླིང་ཐོག་ཆེས་བཀྲག་མདངས་ཆེ་བའི་རི་མོའི་གླེང་སྟེགས་ཁྲོད་འགྲེམས་སྟོན་བྱས་པས་གོ་ལ་ཧྲིལ་པོར་མཚན་སྙན་ཐོབ་ཡོད། 
སོ་ལོ་མོན་གྱང་། 1885ལོར། རས་ངོས་སྣུམ་མཚོན་རི་མོ།
          རི་མོ་འབྲི་བ་ལས་གཞན་ཁོང་གིས་ད་དུང་མི་རིགས་ཀྱི་ལོ་རྒྱུས་དང་ཚད་ལྡན་ཡིག་ཆའི་རི་མོ་དང་རྩོམ་རིག་བརྩམས་ཆོས་འབོར་ཆེན་གསར་རྩོམ་བྱས་ཤིང་། ཁོང་སྐུ་གཤེགས་རྗེས་ཀྱི་དུས་རབས་གཅིག་ལྷག་ཙམ་གྱི་རིང་སྒྱུ་རྩལ་པ་དང་། པར་ལེན་པའམ་ཡང་ན་གསར་འགྱུར་ལས་དོན་པའི་ཁྲོད་ཁོང་དང་འདྲ་བར་དངོས་སུ་དམག་འཁྲུག་དང་འགལ་བ་སྣ་ཚོགས་བརྒྱུད་མྱོང་ཞིང་། མཐོང་སྣེ་སྣ་ཚོགས་ཀྱི་སྒོ་ནས་དེ་དངོས་སུ་ཟིན་ཐོར་བཀོད་ཡོད་མཁན་གཅིག་ཀྱང་མེད་པ་རེད།

དམག་འཁྲུག་ཕམ་པ། རྣམ་ཤེས་བདེ་བར་བྱེད་པའི་རོལ་དབྱངས། 1878ལོ་ནས1879ལོའི་བར། རས་ངོས་སྣུམ་མཚོན་རི་མོ།
          Vereshchaginགྱིས་སྒྱུ་རྩལ་ལ་བརྟེན་ནས་བཏོན་མི་ཆོག་པའི་གནད་དོན་དེ་དག་དྲིས་ནས། སྐད་ཆ་བཤད་མི་ཐུབ་པའི་མི་རྣམས་ཀྱི་ཆེད་དུ་སྒྲ་འབྱིན་པ་རེད། སྒྱུ་རྩལ་པ་ཞིག་ཡིན་པའི་ངོས་ནསVereshchaginཐ་ན་སྐབས་དང་པོའི་ནོ་པེར་ཞི་བདེའི་བྱ་དགའི་འོས་འདེམས་མི་སྣའི་མིང་ཐོར་ཚུད་མྱོང་།

Almyk chapel 1869ལོ་ནས1870ལོའི་བར། རས་ངོས་སྣུམ་མཚོན་རི་མོ།
          གལ་ཏེ་རི་མོར་བྲིས་པའི་དམག་འཁྲུག་ནི་མིའི་རིགས་མཉམ་གནས་ཀྱི་དུས་གནས་དང་ཁོར་ཡུག་ལས་བྱུང་བ་ཡིན་ན། ཧི་མ་ལ་ཡ་དང་འཕྲད་པ་ནི་དེ་བསVereshchagindཡི་ཐོག་མའི་བསམ་འདུན་ལས་བྱུང་བ་ཞིག་རེད།

རི་བོ་ཧི་མ་ལ་ཡའི་ས་སྲོད། 1875ལོར། རས་ངོས་སྣུམ་ཚོན་རི་མོ།
          1873ལོར་ཨེ་ཤ་ཡ་ཤར་མའི་ས་ཁུལ་གྱི་མིའི་རིགས་རིག་པའི་དཔྱད་གཞི་འཚོལ་སྡུད་བྱ་ཆེདVereshchaginཧི་མ་ལ་ཡའི་ས་ཁུལ་དུ་བསྐྱོད་པ་དང་འབྲེལ་དེ་གར་ལོ་གཉིས་རིང་ཡུལ་སྐོར་བྱས་པ་དང་ལམ་རྒྱུད་ཀྱི་རགས་བྲིས་དཔེ་རིས150ལྷག་ཙམ་འགྲུལ་བཞུད་དེའི་ཞིབ་ཅིང་ཕྲ་བའི་ཟིན་ཐོར་གྱུར་ཡོད། དེ་དང་ཆབས་ཅིག་ཁོང་ཡང་བོད་ལྗོངས་སུ་སྐྱོད་སྔ་ཤོས་ཀྱི་ཨུ་རུ་སུའི་མིའི་གྲས་ཤིག་རེད། 
          ཧི་མ་ལ་ཡའི་མཛེས་ལྗོངས་ལ་ཡིད་ཆགས་པའི་དབང་གིས1884ལོར་ཁོང་སླར་ཡང་རྒྱ་གར་དུ་ལོག་ནས་འཚོལ་ཞིབ་གནང་བ་རེད། 

དབང་ཕྱུག་ལྷ་ཁང་། 1874ལོ་ནས1876ལོའི་བར། རས་ངོས་སྣུམ་ཚོན་རི་མོ།
          ཐོག་མའི་འགྲུལ་བཞུད་ནང་ཁོང་དང་ཆུང་མ་གཉིས་མཉམ་དུ་ཧྲེང་པི་ཏེ་པའོ(圣彼得堡)ནས་རྡོག་ཐོན་བྱས་ཏེ་ཅུན་ཧྲི་ཐན་ཏིང་པའོ་དང་། ཨེ་ཅིབ། ཧི་མ་ལ་ཡ་བཅས་ཀྱི་རི་རྒྱུད་བརྒྱུད་མཐར་བོད་ལྗོངས་སུ་འགྲུལ་བཞུད་མཇུག་འགྲིལ་བ་རེད། ཉེན་ཁ་ཆེ་ལ་ལམ་ཐག་རིང་བའི་ལམ་བར་རྒྱུན་དུ་རྔ་མོང་ངམ་ཡང་ན་རྟ་ལ་ཞོན་དགོས་པ་དང་སྐབས་འགར་ཐ་ན་རྐང་ཐང་མར་ཡུལ་སྐོར་བྱ་རྒྱུ་ལས་མ་འདས།
          ཁོ་ཚོས་ཧི་མ་ལ་ཡའི་ས་ཁུལ་དུ་རྒྱ་ཆེ་བའི་ལྟ་སྐོར་བྱས་པ་དང་ཟླ་བ་འགའི་དུས་ཚོད་བཀོལ་ནས་རི་ཁུལ་གྱི་ས་དབྱིབས་བྲིས་པ་རེད། 

སངས་རྒྱས་ཆོས་ལུགས་ཀྱི་དགོན་པའི་ལྷ་ཆེན་པོ་གསུམ། 1875ལོར། རས་ངོས་སྣུམ་ཚོན་རི་མོ།
          བཟའ་ཟླ་དེ་གཉིས་ཀྱིས་ད་དུང་སྔོན་ཆད་འབྲས་ལྗོངས་ཀྱི་མཚོ་ངོས་ལས་མཐོ་ཚད་སྨི་སྟོང་ཚོ4ཡོད་པའིDzongriརི་རྩེར་འཛེག་རྩིས་བྱས་ཤིང་། སྟབས་མ་ལེགས་པ་ཞིག་ལ་དེ་ནི་ཟླ་བ་དང་པོ་ཡིན་པས་གྲང་ངར་ཆེ་བའི་གནམ་གཤིས་ཁྲོད་དཀའ་ངལ་དེ་འདྲ་ཁྱད་བསད་བྱེད་ཐུབ་མཁན་ཕལ་ཆེར་གཅིག་ཀྱང་མེད། ཁོང་ཚོ་ཡང་ཅུང་ཙམ་མིན་ན་གངས་འཁྱག་གི་ཁྲོད་དུ་ཚེ་སྲོག་ཤོར་སོང་། 

ཁ་ཆེ་ནས་ལ་དྭགས་བར་གྱི་འཁྱགས་ཀླུང་། 1875ལོར། རས་ངོས་སྣུམ་ཚོན་རི་མོ།
          དྲོད་ཚད་ཀླད་ཀོར་མན་གྱི་ཚོད་བགམ་ཐེག་དགོས་པ་ཕུད། Vereshchaginད་དུང་ཉེན་ཁ་ཆེ་བའི་རི་སྐྱེས་སྲོག་ཆགས་ལ་འཕྲད་པ་དང་། གཡང་གཟར་ཁོར་ཡུག་ཁྲོད་སྟབས་ལེགས་ནས་སྲོག་ཉེན་ལས་ཐར་བ་དང་། ཐ་ན་ཚ་བའི་ཁུལ་དུ་འདར་ནད་འགོས་པ་སོགས་ཉེན་ཁ་དེ་དག་ཡོད་ཚད་ཀྱིས་ཀྱང་ཁོའི་འཚོལ་ཞིབ་ཀྱི་སྤྲོ་སེམས་ཇེ་ཞན་དུ་བཏང་མེད། 
          ཧི་མ་ལ་ཡའི་ས་ཁུལ་དུVereshchaginགྱིས་སྔར་ཐོས་མ་མྱོང་བའི་རང་བྱུང་མཛེས་ལྗོངས་དང་ཕུན་སུམ་ཚོགས་པའི་རིག་གནས་ཀྱི་ནང་དོན་མཐོང་བྱུང་། ཁོང་གིས་རྒྱལ་ཁབ་གཞན་གྱི་ས་གཞིའི་ཚོན་མདངས་བཀྲ་བ་དང་ས་དབྱིབས་སྣ་མང་ཁྲོད་ལང་ལོང་དུ་འཕྱུར་བའི་ཚོར་བ་རྙེད་པ་རེད། ས་གནས་དེ་གའི་མི་རྣམས་གཞན་དང་མི་འདྲ་བའི་རིག་གནས་གོམས་སྲོལ་དང་། འཚོ་བའི་ཁོར་ཡུག་དང་དེ་བཞིན་དགོན་པའི་འཛུགས་སྐྲུན་བཅས་ཚང་མ་Vereshchaginགྱི་འདྲ་བཤུས་བྱ་ཡུལ་རེད།
དངོས་ཡོད་རིང་ལུགས་ཀྱི་སློབ་དཔོན་གྱིས་བྲིས་པའི་དུས་རབས19པའི་དགོན་པ། 
Vasily Vereshchagin 

Indian motif  1875ལོར། རས་ངོས་སྣུམ་ཚོན་རི་མོ།

ལ་དྭགསHemisཀྱི་དགོན་པ། 1875ལོར། རས་ངོས་སྣུམ་ཚོན་རི་མོ།

ལ་དྭགས་ཀྱི་རྗེས་ཤུལ། 1875ལོར། རས་ངོས་སྣུམ་ཚོན་རི་མོ།

རྡོ་རྗེ་གླིང་གི་ནང་བསྟན་དགོན་པ། འབྲས་ལྗོངས། 1874ལོར།

འབྲས་ལྗོངས་ཀྱི་དགོན་པ། 1875ལོར། རས་ངོས་སྣུམ་མཚོན་རི་མོ། 
          སྐབས་དེའི་རྙོག་འཛིང་ཆེ་བའི་རྒྱལ་སྤྱིའི་ཁོར་ཡུག་འོག་རྒྱ་གར་ནི་དབྱིན་ཇིའི་མངའ་ཁོངས་ཡིན་པ་མ་ཟད། ཨུ་རུ་སུ་དང་དབྱིན་ཇིའི་དབར་ད་དུང་འགྲན་རྩོད་ཀྱི་འབྲེལ་བ་ཡོད་ཀྱང་དབྱིན་ཇིའི་སྲིད་གཞུང་གིས་ཁོང་རྒྱ་གར་དུ་འཛུལ་ཆོག་པ་དང་འབྲེལ་རང་མོས་ངང་བསྐྱོད་ཆོག་པའི་ཆོག་མཆན་སྤྲད་པ་རེད།
རྒྱ་གར་བརྒལ་བའི་འགྲུལ་བཞུད། 
Vasily Vereshchagin 

ཁུའུ་ཐུའུ་ཕུ་ཐ﹙库图卜塔﹚ཉེ་འགྲམ་གྱི་སྒོ་ཆེན། 1875ལོར། རས་ངོས་སྣུམ་ཚོན་རི་མོ།

ཝུའུ་ཏའེ་ཕུའུ﹙乌代浦﹚མཚེའུ་ཐོག་གི་རྡོ་ཀ་མ་རུའི་འབུར་བརྐོས་གྲུ་ཁ། 1874ལོར། རས་ངོས་སྣུམ་ཚོན་རི་མོ།

ཝུའུ་ཏའེ་ཕུའུ﹙乌代浦﹚སྤྱི་གླིང་གི་རྡོ་ཀ་མ་རུའི་བར་ཁྱམས་ཀྱི་བསིལ་ཁང་། 1874ལོར། རས་ངོས་སྣུམ་ཚོན་རི་མོ།

          ཁོང་གིས་མོང་མའེ་ནས་འགོ་བཙུགས་ཏེ་སྔ་རྗེས་སུ་ཀུའུ་ཅི་ལ་ཐེ་མངའ་སྡེ་དང་ལ་ཅ་སི་ཐན་མངའ་སྡེ་ལ་འབྱོར་བ་དང་། དེ་ནས་རྡི་ལི་དང་ཨ་ཀོ་ལར་བསྐྱོད་དེ་ཁ་ཆེ་དང་ལ་དྭགས་བརྒྱུད་ནས་མཐར་བོད་ལྗོངས་སུ་འབྱོར་བ་རེད། 
ཆེས་ཐོག་མར་བོད་ལྗོངས་སུ་འབྱོར་པའི་ཨུ་རུ་སུའི་མི། 
Vasily Vereshchagin 

བོད་ལྗོངས་ཀྱི་མི། 1874ལོ་ནས1876ལོའི་བར། རས་ངོས་སྣུམ་མཚོན་རི་མོ།

ནོར་གནག  1875ལོར། རས་ངོས་སྣུམ་ཚོན་རི་མོ།
          1878ལོརVereshchaginགཞོན་དུས་སློབ་སྦྱོང་བྱེད་སྐབས་སྡོད་སའི་ཕ་རི་སིར་ལོག་པ་དང་། ཁོང་གིས་ཧི་མ་ལ་ཡ་ས་ཁུལ་དུ་གསར་རྩོམ་བྱས་པའི་གཞན་ཡུལ་གྱི་མཛེས་ལྗོངས་དེར་མགྱོགས་མྱུར་ངང་མི་མང་པོས་དོ་སྣང་བྱུང་སྟེ། སྐད་གྲགས་ཆེ་བའི་སྒྱུ་རྩལ་གྱི་ཡིད་མཐུན་རོགས་སྐྱོར་པ་ཕ་ཝེར•ཐེ་ལེ་ཅི་ཁོ་ཧྥུ)PavelTretyakov)ཡིསVereshchaginགྱིས་བྲིས་པའི་རི་མོར་སྤྲོ་སྣང་ཆེན་པོ་སྐྱེས་པ་མ་ཟད། ཁོང་གི་བརྩམས་ཆོས་མང་པོ་ཞིག་ཉར་ཚགས་བྱས་ཡོད། 

ས་སྲོས་ཀྱི་ཨ་པུ་རི་བོའི་ཆི་ནཱ་ཆོས་ལུགས་ཀྱི་ལྷ་ཁང་ནང་གི་ཀ་བའི་བར་ཁྱམས། 1874ལོ་ནས1876ལོའི་བར། རས་ངོས་སྣུམ་མཚོན་རི་མོ།

བྲག་རྡོའི་ཁྲོད་ཀྱི་ལྷ་ཁང་། 1875ལོར། རས་ངོས་སྣུམ་ཚོན་རི་མོ།

མ་ཎི་འཁོར་ལོ། 1875ལོར།  རས་ངོས་སྣུམ་མཚོན་རི་མོ།
   Vereshchaginནི་ཧི་མ་ལ་ཡའི་ས་ཁུལ་གྱི་འཚོ་བ་དང་ཡུལ་ལྗོངས་མཚོན་པའི་སྒྱུ་རྩལ་པ་སྔ་ཤོས་ཀྱི་གྲས་ཤིག་ཡིན་པ་དང་། ཁོང་གིས་ཤར་ཕྱོགས་རིང་ལུགས་ཀྱི་རི་མོའི་ཉམས་འགྱུར་དེ་མཐོ་ཚད་གསར་བ་ཞིག་ཏུ་འཕེལ་རྒྱས་སུ་བཏང་ཡོད། 
  ས་བདག་དང་སྐུ་དྲག་གི་བུ་ཡིན་པའི་ཆ་ནསVereshchaginནི་དམག་དོན་དང་ཕྱི་འབྲེལ་ལས་དོན་ལ་ཞུགས་རྒྱུའི་རེ་བ་བཅངས་ཡོད་མོད། འོན་ཀྱང་མཛེས་རྩལ་ལ་སྤྲོ་བ་ཆེན་པོ་ཡོད་པ་དང་མདུན་ལམ་རྒྱ་ཆེན་པོ་ལྡན་པའི་འབྱུང་འགྱུར་གྱི་དམག་དཔོན་དེ་མཚོ་དམག་སློབ་གླིང་ནས་ཐོན་རྗེས་འཕྲལ་མར་སྒྱུ་རྩལ་སློབ་གླིང་དུ་སོང་ནས་མིང་ཐོ་བཀོད་པ་རེད། 

ཁྱབ་འཇུག་གི་སྐུ་བརྙན། 1874ནས1876ལོར། རས་ངོས་སྣུམ་ཚོན་རི་མོ།
          སྒྱུ་རྩལ་སློབ་གླིང་དུVereshchaginགྱིས《ཡིའུ་ལི་ཞི་སིས་ཕེ་ནེ་ལོ་ཕུའུ་ཡི་གཉེན་སློང་མཁན་བསད་པ》ཞེས་པར་བརྟེན་ནས་དངུལ་གྱི་བྱ་དགའི་རྟགས་མ་ཐོབ་ཀྱང་མཇུག་མཐར་ཁོས་རི་མོ་འདི་མེད་བརླག་ཏུ་བཏང་བ་སྟེ། དུས་ཕྱི་མའི་གནའ་གཞུང་རིང་ལུགས་ཀྱི་རི་མོ་འབྲི་སྟངས་དེ་ནི་ཁོང་ལ་དགོས་འདོད་པའི་མཚོན་སྟངས་དངོས་མ་ཡིན། 
          དེ་རྗེས་ཕ་རི་སིར་སླེབས་རྗེས་ཁོང་གིས་སྐབས་དེ་དུས་ཀྱི་སྒྱུ་རྩལ་པ་ཡག་ཤོས་ཤིག་ཏེ་རེང•ལའེ་ཨང•ཅེ་ལུའོ་མུའུ)Jean-LYonGerume)ལགས་དགེ་རྒན་ལ་བརྟེན་ཅིང་། དེ་ལྟར་ཡིན་ནའང་། Vereshchaginགྱིས་འདོད་བློ་ཡོངས་རྫོགས་སྐོང་ཐུབ་པའི་རི་མོ་ཞིག་སྔར་བཞིན་མ་རྙེད ། 

Kalmyk-lama    1873ལོར།   རས་ངོས་སྣུམ་ཚོན་རི་མོ།
          སྐབས་དེར་སྒྱུ་རྩལ་པས་དེ་བས་ཀྱང་དངོས་ཡོད་ཀྱི་བགྲོད་ལམ་ཞིག་གཏོད་རྒྱུའི་ཐག་བཅད། 
          སྟབས་ལེགས་པ་ཞིག་ལVereshchaginགྱིས་དངོས་སུ་ཤར་ཕྱོགས་ཀྱི་ས་ཁོངས་མི་འདྲ་བའི་ཡུལ་སྲོལ་གོམས་འདྲིས་ལ་ཉམས་ལེན་བྱེད་པར་ཕྱིན་པ་དེས་ཁོང་གི་རི་མོར་ཐུན་མོང་མ་ཡིན་པའི་བདེན་དངོས་རང་བཞིན་སྦྱིན་ཡོད། ཁོང་གིས་འཕྲིན་ཡིག་ཅིག་གི་ནང་དུ“ང་རང་ཕ་རི་སི་ནས་བྲོས་ཐར་པ་དེ་ནི་བཙོན་ཁང་ཞིག་གི་ནང་ནས་བཅིངས་འགྲོལ་ཐོབ་པ་དང་འདྲ་བར་ངས་གཏུམ་དྲག་གི་མེ་ལྕེ་བཀོལ་དེ་རི་མོ་འབྲི་འགོ་རྩོམ་རྒྱུ་ཡིན་ཞེས་བྲིས་ཡོད།

རི་བོ་ཧི་མ་ལ་ཡའི་ཉི་མ་ནུབ། 1875ལོར། རས་ངོས་སྣུམ་ཚོན་རི་མོ།
          ལོ་བརྒྱའི་རྗེས་སུVereshchaginགྱིས་བྲིས་པའི་ཧི་མ་ལ་ཡའི་རི་རྒྱུད་དང་། རི་ཁུག  གནའ་བོའི་ཧིན་རྡུའི་ཆོས་ལུགས། ཆི་ནཱ་ཆོས་ལུགས་ཀྱི་དགོན་པ། སངས་རྒྱས་ཆོས་ལུགས་ཀྱི་དགོན་པ་སོགས་ལ་ཕྱིར་མིག་བལྟས་ཚེ། ཡུན་གཏན་ཕུན་སུམ་ཚོགས་པའི་ས་གཞི་འདིས་ད་དུང་འགྲུལ་བཞུད་པ་རབས་དང་རིམ་པ་ལ་བློ་སྒོ་འབྱེད་བཞིན་ཡོད། 
རྩོམ་སྒྲིག་པ། བདེ་སྒྲོལ།