དམར་ཕྱིའི་པར་ཆས་ལས་གསའ་ཡི་འཚོ་སྡོད་རྣམ་པ་པར་དུ་བླངས།
སྤེལ་དུས 2023-01-18
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ཉེ་ཆར། མཚོ་སྔོན་དབུས་ལམ་རྫོང་དུར་ལམ་མཚེའུ་ཡི་རྒྱལ་ཁབ་འདམ་རའི་སྤྱི་གླིང་དུ་བཙུགས་པའི་དམར་ཕྱིའི་པར་ཆས་སུ་གསའ་ཞིག་པར་དུ་བླངས་ཡོད།
དེའི་ཁྲོད་དུ་གསའ་ཞིག་བྲག་རྡོའི་བར་གསེང་དུ་རང་གི་མངའ་ཁོངས་ཀྱི་ས་ཆར་རྟགས་རྒྱག་བཞིན་ཡོད་པ་དང་། པར་གཞན་དེར་གསའ་གཉིས་ཀྱིས་ཕན་ཚུན་འདེད་རེས་བྱས་ནས་སྐྱེ་སྟོབས་ངོམ་བཞིན་ཡོད།
མཚོ་སྔོན་དབུས་ལམ་རྫོང་དུར་ལམ་མཚེའུ་ཡི་རྒྱལ་ཁབ་འདམ་རའི་སྤྱི་གླིང་གི་སྣོད་བཅུད་ཁོར་ཡུག་སྣ་མང་ཕུན་སུམ་ཚོགས་ཤིང་། དེ་ནི་མཚོ་བོད་མཐོ་སྒང་གི་མཐོ་གྲང་མཚེའུ་ཡི་འདམ་རའི་སྐྱེ་དངོས་སྣ་མང་རང་བཞིན་ཁྱབ་འགྱེད་ཀྱི་ས་ཁོངས་གལ་ཆེན་ཞིག་ཡིན་ལ། རི་སྐྱེས་སྲོག་ཆགས་ཀྱི་འཚོ་གནས་བྱ་ཡུལ་གྱི་ཞིང་ཁམས་ཤིག་ཀྱང་རེད། རྒྱུས་ལོན་བྱུང་བར་གཞིགས་ན། 2022ལོའི་ཟླ7པ་ནས་བཟུང་དུར་ལམ་མཚེའུ་ཡི་རྒྱལ་ཁབ་འདམ་རའི་སྤྱི་གླིང་དུ་དམར་ཕྱིའི་པར་ཆས་ཀྱིས་གསའ་ཡི་འགུལ་སྤྱོད་ཀྱི་བརྙན་པར་ཐེངས་མང་པར་དུ་བླངས་ཡོད།
གསའ་ནི་རྒྱལ་ཁབ་ཀྱི་རིམ་པ་དང་པོའི་སྲུང་སྐྱོང་སྲོག་ཆགས་ཡིན་པ་དང་། མཐོ་སྒང་གི་སྣོད་བཅུད་ཁྲོད་ཀྱི་སྲོག་ཆགས་གཙོ་བོ་ཞིག་ཡིན་པས“གངས་རིའི་རྒྱལ་པོ”ཞེས་མཚན་གསོལ་ཡོད། མཚོ་སྔོན་དབུས་ལམ་རྫོང་དུར་ལམ་མཚེའུ་ཡི་རྒྱལ་ཁབ་འདམ་རའི་སྤྱི་གླིང་བཙུགས་པ་ནས་བཟུང་ཉེ་འཁོར་གྱི་ཁོར་ཡུག་སྲུང་སྐྱོང་ཐད་གྲུབ་འབྲས་མངོན་གསལ་དོད་པོ་ཐོབ་པ་དང་། འདམ་རའི་སྣོད་བཅུད་ནུས་པ་དང་སྣོད་བཅུད་མ་ལག་གི་འཁོར་འབྲེལ་ནུས་ལྡན་ངང་སླར་གསོ་ཐུབ་པས། གསའ་ཡང་དེའི་རྒྱུད་ཀྱི“རྟག་རྒྱུན་མགྲོན་པོ”ཞིག་ཏུ་གྱུར་ཡོད།
རྩོམ་སྒྲིག་པ། སྣང་རྡོར།
