དཔྱིད་གསར་དུས་ཆེན་དང་བོད་ཀྱི་ལོ་སར་གཉིས་ལྷན་དུ་ཁེལ་བའི་དུས་བཟང་འདིར། གསར་འགོད་པ་ལྷ་ས་གྲོང་ཁྱེར་ཁྲེང་ཀོན་ཆུས་ལྔ་སྲུང་གཅིག་བསྡུས་བསྙེན་བཀུར་ཞབས་ཞུ་ལྟེ་གནས་སུ་ཕྱིན་ནས། སྤོ་བོ་ལགས་དང་རྨོ་བོ་ལགས་དང་ལྷན་དུ་ལོ་སར་གྱི་དུས་སྟོན་བརྗེད་པར་དཀའ་བ་ཞིག་ལ་རོལ།
སྤོ་བོ་ལགས་དང་རྨོ་བོ་ལགས་ཀྱིས་ལོ་སར་རོལ་བཞིན་པའི་རྣམ་པ།
སྤོ་བོ་ལགས་དང་རྨོ་བོ་ལགས་ཀྱིས་ལོ་སར་རོལ་བཞིན་པའི་རྣམ་པ།
“ང་རང་ཁྲེང་ཀོན་ཆུས་ལྔ་སྲུང་གཅིག་བསྡུས་བསྙེན་བཀུར་ཞབས་ཞུ་ལྟེ་གནས་སུ་ཡོང་ནས་ལོ་མང་པོ་ཕྱིན་སོང་། ལྟོ་གོས་དང་འགྲོ་འདུག་ཚང་མར་སེམས་ཁྲལ་གཅིག་ཀྱང་བྱེད་དགོས་མི་འདུག འགོ་ཁྲིད་དང་ལས་བཟོ་བ་གང་ཡིན་རུང་ང་ཚོར་ཧ་ཅང་བྱམས་པོ་འདུག་པས། ངའི་སེམས་པ་སྤྲོ་བས་ཁེངས་ཡོད། འདིར་རྒན་པ་རྣམས་ཀྱི་སྐུ་གཟུགས་བདེ་ཐང་དང་། ཚེ་ཐག་རིང་བའི་སྨོན་འདུན་ཞུ་བ་དང་ཆབས་ཅིག་ལོ་གསར་ལ་བཀྲ་ཤིས་བདེ་ལེགས་ཞུ།” རྨོ་བོ་བཀྲ་སངས་ལགས་ཀྱིས་སྤྲོ་བས་ངང་དེ་ལྟར་བཤད།
བསྙེན་བཀུར་ཞབས་ཞུ་ལྟེ་གནས་ཀྱི་འགན་ཁུར་བས་སྤོ་བོ་ལགས་དང་རྨོ་བོ་ལགས་ལ་འཚམ་འདྲི་གནང་བཞིན་པ།
བསྙེན་བཀུར་ཞབས་ཞུ་ལྟེ་གནས་ཀྱི་ལས་བཟོ་བའི་མཉམ་པར།
རྒན་པ་རྣམས་ལ་སྔར་ལས་ལྷག་པར་གཅེས་སྐྱོང་བྱས་ཏེ། རྒན་པ་ལ་བསྙེན་བཀུར་དང་རྒན་པ་ལ་དགའ་ཞེན། རྒན་པ་ལ་རོགས་རམ་བཅས་བྱེད་པའི་ཀྲུང་ཧྭའི་སྲོལ་རྒྱུན་བཟང་སྤྱོད་དར་སྤེལ་བཏང་ནས། ཁོ་ཚོར་ལོ་འདིའི་རིང་ལ་ཏང་དང་སྲིད་གཞུང་གི་བྱམས་སྐྱོང་ཚོར་དུ་འཇུག་ཆེད། བསྙེན་བཀུར་ཞབས་ཞུ་ལྟེ་གནས་ཀྱིས་རྒན་པ་རྣམས་ལ་དུས་ཆེན་གྱི་འཚམ་འདྲི་གནང་བར་མ་ཟད། ལོ་སར་གྱི་སྨོན་འདུན་མཚོན་པའི་དར་དཀར་དང་འཚམ་འདྲིའི་ཁུག་དམར་ཡང་གནང་བ་རེད།
རྩོམ་སྒྲིག་པ། རིག་གྲོལ།
