ཆོན་ཧུང་ཁྲན་གྱིས་གསེར་གྱི་རྟགས་མ་ཨང22པ་དེ་བླངས་པ།
སྤེལ་དུས 2024-08-09
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ད་ལྟ་མཇུག་འགྲིལ་མ་ཐག་པའི་ཕ་རི་སིའི་ཨོ་རྩལ་འགྲན་ཚོགས་ཀྱི་བུད་མེད་ཆུ་མཆོང་སྨི10ཡི་རྟིང་རྩོད་འགྲན་བསྡུར་ཁྲོད། ཀྲུང་གོའི་བདམས་ཐོན་པ་ཆོན་ཧུང་ཁྲན་ལ་གསེར་གྱི་རྟགས་མ་ཐོབ་ཡོད།
ཟླ8པའི་ཚེས6ཉིན། ཀྲུང་གོའི་བདམས་ཐོན་པ་ཆོན་ཧུང་ཁྲན་གྱིས་འགྲན་བསྡུར་བྱེད་བཞིན་པ།
རེས་སྐོར་དང་པོ་མཇུག་སྒྲིལ་རྗེས། ཆོན་ཧུང་ཁྲན་ལ་སྐར་མ90རག་པས། དྲ་ཐོག་ཏུ་སྐད་གྲགས་ཆོད། དྲ་གྲོགས་ཀྱིས།“དངོས་གནས་རྩེད་མོ་རྩེད་པ་ནང་བཞིན་རེད་འདུག རྫིང་བུའི་ཆུ་ཡང་ཧང་སངས་འདུག”ཅེས་བཤད།
ད་ཐེངས་ཀྱི་འགྲན་བསྡུར་ཁྲོད། ཀྲུང་གོའི་བདམས་ཐོན་པ་ཁྲེན་ཡུས་ཞི་ལ་དངུལ་གྱི་རྟགས་མ་ཐོབ་པ་རེད།
ཟླ8པའི་ཚེས6ཉིན། ཀྲུང་གོའི་བདམས་ཐོན་པ་ཁྲེན་ཡུས་ཞིས་འགྲན་བསྡུར་བྱེད་བཞིན་པ།
དེ་སྔོན། ཆོན་ཧུང་ཁྲན་དང་ཁྲེན་ཡུས་ཞི་ཕ་རི་སིའི་ཨོ་རྩལ་འགྲན་ཚོགས་སུ། བུད་མེད་མི་གཉིས་ཡི་སྨི10ཆུ་མཆོང་སྟེགས་བུར་གསེར་གྱི་རྟགས་མ་ཐོབ།
འགྲན་བསྡུར་ལ་དྲ་གྲོགས་ཀྱིས་གདེང་འཇོག་འདི་ལྟར་བྱས་པ་སྟེ། “སྙིང་ལ་ཕན་པའི་འགྲན་བསྡུར་ཞིག་རེད།”“ཚང་མས་ཐལ་མོ་རྡེབ་ཞོར་དང་ངུ་ཞོར་དུ། གཅུང་མོ་གཉིས་དངོས་གནས་གྱོང་པོ་བྱུང”ཞེས་བཤད་པ་རེད། ད་དུང་དྲ་གྲོགས་ཀྱིས་བཤད་རྒྱུར།“གཅུང་མོ་གཉིས་ལ་མི་གཞན་དབར་གནམ་སའི་ཁྱད་པར་ཆོད་འདུག དངོས་གནས་གྱོང་པོ་བྱུང”“གོ་མེད་ཚོར་མེད་ཀྱི་ངང་ལ་ཁོ་ཚོ་ཆུ་ལ་མཆོངས་ཚར་བ་རེད།”
མིག་སྔའི་བར། ད་ཐེངས་ཀྱི་ཨོ་རྩལ་འགྲན་ཚོགས་སུ། ཀྲུང་གོའི“ཕུགས་འདུན་རུ་ཁག”གིས་མི་གཉིས་རྣམ་གྲངས་ཀྱི་གསེར་གྱི་རྟགས་མ4བླངས་པ་རེད།
