ཀྲུང་གོའི་བོད་ལྗོངས་དྲ་བའི་འཕྲིན། ཟླ8པའི་ཚེས9ཉིན། “སེམས་མཐུན་མཉམ་གཏོད། མཐའ་མཚམས་ལ་དྲོ་སྐྱིད་སྦྱིན་པ”ཞེས་པའི་སྤྱི་ཕན་བྱེད་སྒོ་ཆེ་གྲས་ཅི་ལིན་ཞིང་ཆེན་ཡན་པན་ཁྲའོ་ཞན་རིགས་རང་སྐྱོང་ཁུལ་ཨན་ཐུའུ་རྫོང་དུ་སྤེལ་འགོ་ཚུགས།
ཐེངས་འདིའི་བྱེད་སྒོའི་དམིགས་ཡུལ་ནི་མཐའ་མཚམས་མི་རིགས་ས་ཁུལ་གྱི་མི་དམངས་དེ་བས་བདེ་ཐང་ཡོང་བར་བྱས་ནས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བ་དང་། འཕྲལ་སྡོམ་རྩལ་ནུས་རོགས་སྐྱོབ་ཤེས་བྱར་ཤུགས་སྣོན་བརྒྱབ་སྟེ། ཨན་ཐུའུ་རྫོང་གི་སྨན་བཅོས་འཕྲོད་བསྟེན་བྱ་གཞག་འཕེལ་རྒྱས་ལ་སྟོབས་ཤུགས་སྣོན་གཏོང་ཆེད་རེད།
མཛད་སྒོའི་ཡུལ་དངོས།
འགོ་འཛུགས་མཛད་སྒོའི་ཐོག་ཏུ་ཨན་ཐུའུ་རྫོང་ཨུད་ཀྱི་ཧྲུའུ་ཅི་གཞོན་པ་དང་རྫོང་དཔོན་ཀྲེང་ཀྲེས་ཤིས་ཚིག་སྒྲོན་སྐབས་སུ་ལས་རིགས་ཁག་གི་གཅེས་སེམས་མི་སྣས་ད་ཐེངས་ཀྱི་བྱེད་སྒོར་སྤྲོ་བ་ཆེན་པོས་ཞུགས་པར་སྤྲོ་སེམས་འཁོལ་པོས་དགའ་བསུ་དང་ལྷག་བསམ་ཟོལ་མེད་ཀྱིས་ཐུགས་རྗེ་ཆེ་ཞུས་ཤིང་། ཁོང་གིས། ད་ཐེངས་ཀྱི་སྤྱི་ཕན་བྱེད་སྒོའི་དོན་སྙིང་སྤྱིར་བཏང་གཏན་ནས་མིན་ལ། ས་གནས་དེ་གའི་མི་དམངས་ཀྱི་འཚོ་བའི་སྤུས་ཚད་མཐོ་རུ་གཏོང་རྒྱུར་དགེ་མཚན་ལྡན་པའི་ནུས་པ་གལ་ཆེན་ཡང་ཐོན་རྒྱུ་རེད་ཅེས་བཤད།
པེ་ཅིང་སེམས་མཐུན་མཉམ་གཏོད་སྤྱི་ཕན་ཐེབས་རྩ་ལྷན་ཚོགས་ཀྱི་དྲུང་ཆེ་ལུའོ་ཁྲང་ཁྲུན་གྱིས་གཏམ་བཤད་སྤེལ་སྐབས་ཐེངས་འདིའི་བྱེད་སྒོའི་གནས་ཚུལ་དང་རིན་ཐང་སྒོར་ཁྲི220ཅན་གྱི་རི་བའི་སྨན་རྫས་ཞལ་འདེབས་ཕུལ་རྒྱུའི་ཞིབ་ཕྲའི་གནས་ཚུལ་ངོ་སྤྲོད་བྱས།
མཛད་སྒོའི་ཡུལ་དངོས་སུ་སྨན་རྫས་ཞལ་འདེབས་འབུལ་བཞིན་པ།
ཐེངས་འདིའི་བྱེད་སྒོའི་ཆེད་མཁས་པ་དང་བླངས་པའི་འཐུས་མི་དང་། རྒྱལ་སའི་གསོ་རིག་སློབ་ཆེན་ཞོར་གཏོགས་པེ་ཅིང་ཏི་ཐན་སྨན་ཁང་གཅིན་ལམ་ཕྱི་ནད་ཚན་ཁག་གི་ཀྲུའུ་རེན་སྨན་པ་ཅི་ཧྲི་ཆིས། ཆེད་མཁས་ཚོགས་པས་སྦྱངས་པའི་ཤེས་བྱ་དག་སྤྱད་དེ་ནུས་ཤུགས་ཡོད་རྒུས་ཨན་ཐུའུ་རྫོང་གི་སྨན་བཅོས་ཞབས་ཞུར་ཆེད་ལས་ཤེས་བྱ་དང་སྟོབས་ཤུགས་སྐྱེས་སུ་ཕུལ་ནས་བློ་གཅིག་སེམས་གཅིག་གིས་ས་གནས་དེ་གའི་མང་ཚོགས་ལ་སྤུས་ལེགས་ཀྱི་སྨན་བཅོས་བློ་འདྲི་དང་སྨན་བཅོས་ཞབས་འདེགས་ཞུ་རྒྱུ་ཡིན་ཞེས་བཤད།
གཞན་ཡང་པེ་ཅིང་སེམས་མཐུན་མཉམ་གཏོད་སྤྱི་ཕན་ཐེབས་རྩ་ལྷན་ཚོགས་ཀྱིས་ད་དུང་ཨན་ཐུའུ་རྫོང་མེ་ཟོན་རོགས་སྐྱོབ་རུ་ཆེན་གྱི་རིམ་པ་དང་པོའི་མེ་ཟོན་བ་ཝང་ཁོ་ཤིན་དང་རིམ་པ་བཞི་པའི་མེ་ཟོན་བ་ཀྲོའུ་གོ་ཆིང་རྒྱལ་སྲུང་སློབ་གསོའི་དགེ་རྒན་དང་འཕྲལ་སྡོམ་རོགས་སྐྱོབ་གསོ་སྦྱོང་དགེ་རྒན་དུ་གདན་ཞུ་བྱས་ནས། བྱེད་ཐབས་དེས་ཐེབས་རྩ་ལྷན་ཚོགས་དེའི་ལས་དོན་མི་སྣའི་འཕྲལ་སྡོམ་རོགས་སྐྱོབ་ནུས་པ་དང་རྒྱལ་སྲུང་སློབ་གསོའི་ཆུ་ཚད་མཐོ་རུ་གཏོང་ཆེད་རྒྱབ་སྐྱོར་ནུས་ལྡན་བྱས་ཡོད།
མཛད་སྒོ་མཇུག་འགྲིལ་རྗེས་དང་བླངས་པ་ཚོ་ཁག་གཉིས་སུ་བགོས་ནས་ཁག་གཅིག་གིས་མེ་ཟོན་བཀོད་འཐབ་པ་དང་། དྲག་ཆས་ཉེན་རྟོག་དཔོན་དམག དམག་ཞབས་ཐིམ་པའི་དམག་མི་བཅས་ལ་འོས་འགན་སྨན་བཅོས་བྱས་ཏེ་ཁོང་ཚོར་དྲོ་སྐྱིད་དང་ཐུགས་ཁུར་སྦྱིན་པ་དང་། ཁག་གཞན་དེས་མེ་ཟོན་རིག་ཚན་གྱི་ནང་སྦྱོང་ནང་ཞུགས་ནས་ཆུ་འགོག་དང་། མེ་འགོག ཡོམ་འགོག་སོགས་འཕྲལ་སྡོམ་རོགས་སྐྱོབ་ཀྱི་འབྲེལ་ཡོད་རྩལ་ནུས་གསོ་སྦྱོང་བྱས།
ཉིན་དེའི་ཕྱི་དྲོར། དང་བླངས་པ་ཁག་གཅིག་ཨན་ཐུའུ་རྫོང་མི་དམངས་སྨན་ཁང་དུ་འོས་འགན་སྨན་བཅོས་དང་སློབ་ཁྲིད་རྣམ་པའི་ནད་ཁང་བརྟག་དཔྱད་སོགས་བྱེད་པར་བསྐྱོད་པ་དང་། དང་བླངས་པ་ཁག་གཅིག་ཨན་ཐུའུ་རྫོང་ཧྲི་མོན་གྲོང་རྡལ་ཅིན་ཁྲེང་གྲོང་ཚོར་འོས་འགན་སྨན་བཅོས་དང་དུད་ཚང་དུ་འཚམས་འདྲིར་བསྐྱོད་དེ་གྲོང་མིའི་ཁྱིམ་དུ་སྙིང་ཉེ་བའི་སྨན་བཅོས་ཞབས་འདེགས་ཞུས་ཡོད།
ཤེས་རྟོགས་བྱུང་བར་གཞིགས་ན། དེ་རྗེས་ཀྱི་བྱེད་སྒོའི་ཁྲོད“དམག་དར་ལྷབ་ལྷུབ་ཏུ་གཡོ། མཐའ་མཚམས་སུ་བརྩེ་བ་བཅངས”ཞེས་པའི་རྒྱལ་སྲུང་སློབ་གསོའི་བརྗོད་དོན་གཙོ་བོའི་བྱེད་སྒོ་སྤེལ་ནས། མེ་ཟོན་རོགས་སྐྱོབ་རུ་ཆེན་གྱི་བཀོད་འཐབ་པས་དང་བླངས་པ་ཚོར་དམག་དོན་དང་ལུས་ཟུང་སྦྱོང་བརྡར་བྱས་ཏེ་ཚང་མའི་རྒྱལ་སྲུང་འདུ་ཤེས་ཟབ་ཏུ་དང་དམག་དོན་བྱང་ཚད་མཐོ་རུ་གཏང་རྒྱུ་རེད།
ཨན་ཐུའུ་རྫོང་མི་དམངས་སྨན་ཁང་གི་སྨན་དོན་མི་སྣས། ཐེངས་འདིའི“སེམས་མཐུན་མཉམ་གཏོད། མཐའ་མཚམས་ལ་དྲོ་སྐྱིད་སྦྱིན་པའི”ཨན་ཐུའུ་རུ་བསྐྱོད་པའི་སྤྱི་ཕན་བྱེད་སྒོ་ཆེ་གྲས་དེ་དྲོ་སྐྱིད་ལྡན་པའི་ཉི་འོད་དང་འདྲ་བར་སྤྱི་ཚོགས་ལས་རིགས་ཁག་གིས་མཐའ་མཚམས་མི་རིགས་ས་ཁུལ་ལ་ཟོལ་མེད་བརྩེ་སེམས་དང་རྒྱབ་སྐྱོར་ཤུགས་ཆེན་བྱས་པ་གང་ལེགས་མངོན་ཡོད་ལ། སྨན་བཅོས་བདེ་ཐང་སོགས་ཁྱབ་ཁོངས་སུ་ཨན་ཐུའུ་རྫོང་ལ་ཡར་རྒྱས་དང་འཕེལ་རྒྱས་མངོན་གསལ་དོད་པོ་ཡོང་བར་རམ་འདེགས་ནུས་ལྡན་བྱས་ནས། ཨན་ཐུའུ་རྫོང་གི་འབྱུང་འགྱུར་ལ་འཆར་གཞི་ཡག་པོ་ཞིག་བཀོད་དེ་གནས་དེར་གསོན་ཤུགས་གསར་པ་འཕེལ་བར་བྱ་རྒྱུ་རེད་ཅེས་བཤད།
རྩོམ་སྒྲིག་པ། དཔལ་གཡང་།
