2024ལོའི་ཡར་ཀླུང་རིག་གནས་ཡུལ་སྐོར་དུས་ཆེན་གྱི་ཚོང་འགུགས་མ་འདྲེན་དང་འོས་སྦྱོར་ངོ་སྤྲོད་ཚོགས་འདུ་ལྷོ་ཁ་རུ་འཚོགས།
སྤེལ་དུས 2024-09-03
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ཀྲུང་གོའི་བོད་ལྗོངས་དྲ་བའི་འཕྲིན། ཟླ8པའི་ཚེས31ཉིན། 2024ལོའི་ཡར་ཀླུང་རིག་གནས་ཡུལ་སྐོར་དུས་ཆེན་གྱི་ཚོང་འགུགས་མ་འདྲེན་དང་འོས་སྦྱོར་ངོ་སྤྲོད་ཚོགས་འདུ་ལྷོ་ཁ་གྲོང་ཁྱེར་སྣེ་གདོང་ཆུས་སུ་འཚོགས་ཤིང་། ཚོགས་འདུའི་ཐོག་རྣམ་གྲངས32ལ་གན་རྒྱ་བཞག་པར་ཚོད་དཔག་བྱས་ན་མ་དངུལ་སྒོར་དུང་ཕྱུར45.59ཟིན་གྱི་ཡོད།
ཚོགས་འདུའི་ཡུལ་དངོས།
ཐེངས་འདིའི་ཚོང་འགུགས་མ་འདྲེན་དང་འོས་སྦྱོར་ངོ་སྤྲོད་ཚོགས་འདུར“ཡར་ཀླུང་ལ་མ་འཇོག་བྱེད། འབྱུང་འགྱུར་གཉིས་ཕན་ཡོང”ཞེས་པ་བརྗོད་དོན་གཙོ་བོར་བྱས་པ་དང2024ལོའི་ཡར་ཀླུང་རིག་གནས་ཡུལ་སྐོར་དུས་ཆེན་ལས་སྟེགས་སུ་བྱས་ཏེ། ཁ་གཏད་བོད་སྐྱོར་ཞིང་ཆེན་དང་། གྲོང་ཁྱེར། དེ་བཞིན་བོད་ལྗོངས་ཕྱི་ནང་གི་ཁེ་ལས་ཀྱི་འཐུས་མི་དང་སྐུ་མགྲོན་འོས་སྦྱོར་ངོ་སྤྲོད་ཚོགས་འདུར་གདན་དྲངས་པ་དང་། འོས་སྦྱོར་ཚོགས་འདུར་ཞུགས་པའི་ཁེ་ལས200ལྷག་ཙམ་ཟིན་ཡོད། ལྷོ་ཁ་གྲོང་ཁྱེར་སྲིད་གཞུང་གི་ཧྲི་ཀྲང་གཞོན་པ་ཧན་ལེང་གིས་ཚོགས་འདུ་གཙོ་སྐྱོང་གནང་བ་དང་། ལྷོ་ཁ་གྲོང་ཨུད་ཀྱི་རྒྱུན་ཨུ་དང་རྒྱུན་ལས་ཧྲི་ཀྲང་གཞོན་པ་མུའུ་ཡུང་ཝུན་གྱིས་ཤིས་ཚིག་གསུངས་ཤིང་། ལྷོ་ཁ་གྲོང་ཁྱེར་མ་འཇོག་སྐུལ་སྤེལ་ཅུས་ཏང་ཙུའི་ཧྲུའུ་ཅི་བུ་ཆུང་གིས་ཚོང་འགུགས་མ་འདྲེན་གྱི་འོས་སྦྱོར་གནང་ལ། ཁེ་ལས་ཀྱི་འཐུས་མིའང་གཏམ་བཤད་ནང་ཞུགས་ནས་ལྷོ་ཁ་འཛུགས་སྐྲུན་བྱེད་པའི་ཆོད་སེམས་དང་ཡིད་ཆེས་མཚོན་པར་བྱས།
སྐུ་མགྲོན་ཚོས་ལྷོ་ཁ་གྲོང་ཁྱེར་གྱི་ཚོང་འགུགས་མ་འདྲེན་གྱི་དྲིལ་བསྒྲགས་བརྙན་ཐུང་ལ་ལྟ་བཞིན་པ།
གན་རྒྱ་འཇོག་པའི་ཡུལ་དངོས།
འབྱུང་འགྱུར། ལྷོ་ཁ་གྲོང་ཁྱེར་གྱིས་དེང་རབས་ཅན་གྱི་ཐོན་ལས་འཛུགས་སྐྲུན་ལ་སྐུལ་འདེད་ཤུགས་ཆེན་བཏང་ནས་ས་མཐོའི་སྐྱེ་དངོས་དང་། ཁྱད་ལྡན་རིག་གནས་ཡུལ་སྐོར། ལྗང་མདོག་བཟོ་ལས། ཚོང་དོན་ཟོག་འགྲེམས། མཐོ་གསར་གྲངས་འཛིན། དེང་རབས་ཞབས་ཞུའི་ལས་རིགས། ནུས་རྒྱུ་གཙང་མ་སོགས་ཀྱི་ཐོན་ལས་ཧུར་ཐག་བསྐྲུན་ནས་ཐོན་ཁུངས་ཀྱི་ལེགས་ཆ་དང་ཁྱད་ལྡན་ཐོན་ལས་ཀྱི་ལེགས་ཆ་འདོན་སྤེལ་བྱས་ཏེ། སྙིང་རུས་གཏན་འཁྱོངས་ཀྱིས་ལྷོ་ཁ་གྲོང་ཁྱེར་གྱི་དཔལ་འབྱོར་དང་སྤྱི་ཚོགས་ཀྱི་རྒྱུན་མཐུད་འཕེལ་རྒྱས་ལ་སྐུལ་འདེད་གཏོང་བའི་ཐད་གྲུབ་འབྲས་གསར་པ་རྒྱུན་ཆད་མེད་པར་ཐོབ་པར་བྱ་རྒྱུ་རེད།
རྩོམ་སྒྲིག་པ། དཔལ་གཡང་།
