བོད་ལྗོངས་ཀྱི་ནུས་རྒྱུ་གཙང་མའི་གློག་ཕྱིར་གཏོང་བྱེད་ཚད་་་
སྤེལ་དུས 2024-10-23
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
2015ལོར“བོད་ལྗོངས་ནས་གློག་ཕྱིར་གཏོང”ཐེངས་དང་པོར་བྱས་པ་ནས་བཟུང་། 2024ལོའི་ཟླ9པའི་ཚེས30ཉིན་བར་བོད་ལྗོངས་ཀྱིས་རིམ་རྩིས་བྱས་ན་ནུས་རྒྱུ་གཙང་མ་ཕྱིར་གཏོང་བྱེད་ཚད་ཆན་ཝ་ཆུ་ཚོད་དུང་ཕྱུར154.22ཟིན་ཏེ། རང་རྒྱལ་གྱི་ཧྭ་ཏུང་དང་། ཧྭ་ཀྲུང་། ཧྭ་བྱང་། ནུབ་བྱང་། ལྷོ་ནུབ་སོགས་ས་ཁུལ་དུ་ཁྱབ་ནས་ཚད་ལྡན་རྡོ་སོལ་ཏུན་ཁྲི473ཙམ་སྤྱོད་མི་དགོས་པ་དང་། དབྱང་གཉིས་ཐཱན་འགྱུར་ཏུན་ཁྲི1324ཙམ་དང་དབྱང་གཉིས་མུ་ཟི་ཏུན་ཁྲི36ཙམ་ཉུང་དུ་བཏང་ཞིང་། བོད་ལྗོངས་ཡོངས་ཀྱི་ནུས་རྒྱུ་གཙང་མའི་གློག་གཏོང་ཚད99%ལྷག་ཙམ་ཟིན་ནས་ནུས་རྒྱུ་གཙང་མའི་གློག་ཤུགས་སྤྱིའི་ཆ་ནས་མཁོ་འདོན་ཐུབ་ནས་རྒྱལ་ཡོངས་ཀྱི་ནུས་རྒྱུ་གཙང་མའི་གློག་གཏོང་ཚད་ཀྱི་བསྡུར་གྲངས་བཟུང་ཚད་མཐོ་ཤོས་ཀྱི་ཞིང་ཆེན་རིམ་པའི་གློག་དྲ་ཞིག་ཏུ་གྱུར་ཡོད།
ཉེ་བའི་ལོ་ཤས་རིང་། བོད་ལྗོངས་ཀྱི་གློག་དྲ་རིམ་སྤོར་མྱུར་པོ་བྱུང་ནས་བོད་ལྗོངས་ཡོངས་ཀྱི་ནུས་རྒྱུ་གཙང་མ་མགྱོགས་མྱུར་འཕར་རྒྱུར་སྣེ་ཁྲིད་ཐུབ་སྟེ2024ལོའི་ཟླ9པ་བར་འཛུགས་སྐྲུན་མ་དངུལ་སྒོར་དུང་ཕྱུར881ཙམ་ལེགས་གྲུབ་བྱུང་ཞིང་། གློག་ཤུགས་ཀྱི་གློག་འདོན་འཕྲུལ་འཁོར་ནས་གློག་འདོན་ཚད་བསྡོམས་འབོར་ཆན་ཝ་ཁྲི717.6ཟིན་པ་དེ2012ལོ་ལས་ཆན་ཝ་ཁྲི616.3འཕར་ཡོད། མིག་སྔར་བོད་ལྗོངས་སུ་ཆུ་གློག་གིས་གཙོ་བོ་བྱེད་པ་དང་། ས་འོག་ཚ་ནུས་དང་། རླུང་ནུས། ཉི་ནུས་སོགས་ནུས་མང་ཕན་ཚུན་ཁ་གསབ་བྱེད་པའི་ཕྱོགས་བསྡུས་ནུས་ཁུངས་མ་ལག་གསར་པ་ཞིག་ཆགས་ཡོད།
རྒྱ་ཆེའི་ཞིང་འབྲོག་ཁུལ་གྱི་གློག་སྤྱོད་དགོས་མཁོ་སྐོང་ཆེད། གློག་མེད་པའི་ས་ཁུལ་གྱི་གློག་ཤུགས་འཛུགས་སྐྲུན་སྒྱུར་བཀོད་དང“རེས་སྐོར་གསར་པའི་གྲོང་གསེབ་ཀྱི་གློག་དྲ་སྒྱུར་བཀོད་རིམ་སྤོར་གྱི‘ལོ་གཉིས་ཀྱི་འགག་སྒྲོལ་དམག་འཐབ’“བོད་ལྗོངས་ཀྱི‘ཁུལ་གསུམ་དང་ཁུལ་གསུམ’གྱི་ཤིན་ཏུ་དབུལ་བའི་ས་ཁུལ་གྱི་གློག་དྲ་འཛུགས་སྐྲུན”སོགས་དམངས་ཕན་ལས་གྲྭ་བརྒྱུད། བོད་ལྗོངས་ཀྱི་གློག་དྲ་གཙོ་བོར་གློག་མཁོ་འདོན་བྱ་རྒྱུ་དེ2012ལོའི་རྫོང（ཆུས）40ནས2023ལོར་བོད་ལྗོངས་ཡོངས་ཀྱི་རྫོང(གྲོང་ཁྱེར་དང་ཆུས)74དང་ཞང་གྲོང་གཙོ་བོར་ཁྱབ་པ་དང་། གློག་མཁོ་འདོན་མི་འབོར་ཁྲི175ནས་མི་ཁྲི350ལྷག་ཙམ་བར་མང་དུ་ཕྱིན་ནས་གློག་མཁོ་འདོན་བློས་འགེལ་ཆོག་པའི་ཚད99.48%བར་མཐོ་རུ་ཕྱིན་ཡོད།
དེ་དང་ཆབས་ཅིག ས་མཐོའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་གློག་སྤྱོད་དགོས་མཁོ་སྐོང་བའི་རྨང་གཞིའི་ཐོག བོད་ལྗོངས་ཀྱིས་གློག་དྲ་ཆུ་རྒྱས་པའི་དུས་ཀྱི་བོད་ལྗོངས་ཀྱི་གློག་ཕྱིར་གཏོང་ལམ་བུ་རིམ་བཞིན་བཏོད་ཡོད། མིག་སྔར་མཚོ་བོད་ཐད་རྒྱུག་གི་དུས་ཐེངས་གཉིས་པའི་རྒྱས་སྐྲུན་ལས་གྲྭ་སོགས་གཙོ་གནད་ལས་གྲྭ་ཁག་གཅིག་མགྱོགས་མྱུར་སྐྲུན་བཞིན་ཡོད་ལ། བོད་ལྗོངས་ཀྱི་ས་བབ་མཐོ་བ་དང་ཆེས་མཐོ་གནོན་གྱི་ཐད་རྒྱུག་གློག་གཏོང་དང་གཞི་ཁྱོན་ཆེ་བའི་ནུས་རྒྱུ་གསར་པའི་དྲ་སྦྲེལ་སོགས་ཁྱབ་ཁོངས་སུ་ལག་རྩལ་གྱི“མི་མེད་ཁུལ”དང“གནམ་གཅལ”ལ་ཐོན་བཞིན་ཡོད། སྔོན་དཔག་བྱས་ན། 2050ལོར་སླེབས་སྐབས་བོད་ལྗོངས་སུ་ནུས་རྒྱུ་གཙང་མ་ཕྱིར་གཏོང་གི་ཆེས་མཐོ་གནོན་གྱི་གློག་གཏོང་བགྲོད་ལམ10ཡན་ཆགས་ནས་ལོར་ཕྱིར་གཏོང་གློག་ཚད་ཆན་ཝ་ཆུ་ཚོད་དུང་ཕྱུར་ཁྲི0.5ལས་བརྒལ་ཏེ་རྒྱལ་ཡོངས་ལ་ཐཱན་ཉུང་གི་དམིགས་ཚད་མངོན་འགྱུར་བྱ་རྒྱུར་ཞབས་འདེགས་ཞུ་ཐུབ་རྒྱུ་རེད།
