སང་ལོ་ནས་ཁྲེང་ཏུའུ་ནས་གཟི་ཚ་སྡེ་དགུ་བར་ལམ་ཡུན་ཆུ་ཚོད4ལས་མི་དགོས།
སྤེལ་དུས 2024-11-15
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ཟླ11པའི་ཚེས12ཉིན། G8513ལམ་ཐིག་གི་སི་ཁྲོན་ཅིའུ་མེན་མྱུར་བགྲོད་གཞུང་ལམ་གྱི་གཟི་ཚ་སྡེ་དགུ་ནས་མན་དབྱང་བར་གྱི་ལམ་བུའི（གཤམ་དུ“ཅིའུ་མེན་མྱུར་བགྲོད་གཞུང་ལམ”ཞེས་བསྡུ་རྒྱུ）ཕུག་ལམ་ཕྱོགས་གཉིས་སུ་ཤར་གཏོང་ཐུབ་པ་དང་། རྣམ་གྲངས་འཛུགས་སྐྲུན་ཐད་ལ་ཚད་བརྒལ་རང་བཞིན་གྱི་འཕེལ་རྒྱས་བྱུང་ཡོད། ཕུག་ལམ་དེ་ནི་ཅིའུ་མེན་མྱུར་བགྲོད་གཞུང་ལམ་གྱི་དཀའ་གནད་ཆེ་ཤོས་ཀྱི་ཚོད་འཛིན་རང་བཞིན་གྱི་ལས་གྲྭ་ཞིག་ཡིན་ཞིང་། ཧྲུའུ་ཏའོ་ཚོགས་པ་སི་ཁྲོན་མཐོ་རིམ་ཀུང་སིས་གཙོ་ཁྲིད་ཀྱིས་མ་དངུལ་བཏང་བ་དང་། ཀྲུང་གོ་འགྲིམ་འགྲུལ་འཛུགས་སྐྲུན་མ་རྐང་ཚད་ཡོད་ཀུང་སི་དང་པོའི་ཀུང་སི་བདུན་པ་སོགས་ཚན་པས་སྐྲུན་འགན་འཁུར་བ་ཞིག་རེད། དེའི་སྤྱིའི་རིང་ཚད་ལ་སྤྱི་ལེ6ལས་མེད་ནའང་ཕུག་ལམ་འདྲུ་བ་ཁོ་ནར་ལོ་དྲུག་འགོར་བ་དང་། ལམ་ཐིག་ཧྲིལ་པོ་ཤར་གཏོང་ཐུབ་པའི་ཕུག་ལམ་གྱི་གྲས་ཤིག་ཀྱང་རེད།
ཨོ་ལི་ཀྲའེ་ཕུག་ལམ།
ཨེ་ལི་ཀྲའེ་ཕུག་ལམ་ནི་མན་དབྱང་གྲོང་ཁྱེར་ཕིང་ཝུའུ་རྫོང་ཁོངས་སུ་གནས་པ་དང་། གཡོན་གྱི་རིང་ཚད་ལ་སྨི6063.5དང་གཡས་ཀྱི་ལམ་ཐིག་ཧྲིལ་པོར་སྨི6054ཡོད་ཅིང་།ཁ་གྱེས་རྣམ་པའི་ཕུག་ལམ་རིང་པོ་ཞིག་རེད། “ཕུག་ལམ་དེ་ཆག་གྲུམ་དུ་གྱུར་པའི་ཁུལ་ལྔ་བརྒྱུད་ཡོད་པ་དངVརིམ་པའི་རྡོ་གཡམ་གྱི་བསྡུར་གྲངས་ཝ99.6%ཟིན། ས་གཤིས་ཀྱི་གནོད་འཚེ་རྒྱུན་པར་ཐོན་གྱི་ཡོད། ཉིན་རེར་ཆུ་སྨི་རྒྱ་དཔངས་གྲུ་བཞི་མ་ཁྲི1.4བཞུར་བ་དེ་ཚད་ལྡན་གྱི་ཆུ་རྐྱལ་རྫིང་བུ་བདུན་དང་མཚུངས་ཀྱི་ཡོད”ཕུག་ལམ་ལ“མཐོ་བ་ལྔ”ཡོད་པ་སྟེ། ཨར་ལས་ཀྱི་དཀའ་ཚད་མཐོ་བ་དང་། གློ་བུར་དུ་ཆུ་དོན་པའི་ཉེན་ཁ་ཆེ་བ། བདེ་འཇགས་ཀྱི་ཉེན་ཁ་ཆེ་བ། ཨར་ལས་བཟོ་རྩལ་གྱི་བླང་བྱ་མཐོ་བ། ཆུ་སྲུང་ཚད་ཀྱི་བླང་བྱ་མཐོ་བ་བཅས་ཀྱི་ཁྱད་ཆོས་ལྡན་ཡོད། ལྷག་དོན་དུ་མན་དབྱང་ལམ་དུམ་ནི་བྲག་རི་གཡང་གཟར་གྱི་ཁྲོད་དུ་གནས་པ་དང་འཛུགས་སྐྲུན་ལ་རོགས་འདེགས་བྱ་ཆེད་བཟོས་པའི་ཁྲོན་པ་ནི་སྐྱེལ་འདྲེན་གྱི་བགྲོད་ལམ་གཅིག་པུ་དེ་ཡིན།
ཕུག་ལམ་འཛུགས་སྐྲུན་གྱི་དཀའ་གནད་ལ་དམིགས་ཏེ་འཛུགས་སྐྲུན་ལ་ཞུགས་མཁན་གྱིས་ལས་ཁུངས་དག་གིས་ཐུན་མོང་ཐོག་འགག་སྒྲོལ་དང་། ཨར་ལས་ཀྱི་ཇུས་གཞི་རྒྱུན་ཆད་མེད་པར་ལེགས་སུ་གཏོང་བ། ཨར་ལས་ཀྱི་མྱུར་ཚད་བརྟན་པོའི་ངང་སྐུལ་འདེད་བཏང་ཡོད། མཉེན་རྡོའི་ཕུག་ལམ་གྱི་སྒུལ་རྣམ་ཨར་ལས་ལ་དམིགས་པའི་འབྲེལ་ཡོད་བཟོ་ལས་བཅའ་ཁྲིམས་ནང་། ཞིང་ཆེན་རིམ་པའི་བཟོ་ལས་བཅའ་ཁྲིམས1དང་། ཁེ་བེད་བདག་ཐོབ་གསར་པ4ཞིང་ཆེན་དང་པུའུ་རིམ་པའིQC（སྤུས་ཚད་ཚོད་འཛིན）གྱི་གྲུབ་འབྲས4བཅས་ཐོབ་ཡོད།
ཨར་ལས་བྱ་ཡུལ།
“ཨོ་ལི་ཀྲའེ་ཕུག་ལམ་ནི་ཨར་ལས་ཀྱི་དཀའ་ཚེགས་དང་ལག་རྩལ་གྱི་རྙོག་འཛིང་ཤིན་ཏུ་ཆེ་བས། དེ་སྔོན་ངས་འཛུགས་སྐྲུན་ནང་ཞུགས་པའི་ཕུག་ལམ་ལས་དཀའ་ངལ་ཆེ་ཤེས་དེ་རེད”ཅེས་ཀྲུང་གོ་འགྲིམ་འགྲུལ་འཛུགས་སྐྲུན་མ་རྐང་ཚད་ཡོད་ཀུང་སིའི་གཞུང་ལམ་ཅུས་དང་པོའི་ཀུང་སི་བདུན་པའི་ཅིའུ་མེན་མྱུར་བགྲོད་གཞུང་ལམ་རྣམ་གྲངས་ཀྱི་ཅིང་ལི་ཝང་ཁྲའོ་ཡིས་མྱོང་ཚོར་ཟབ་མོའི་ངང་དེ་ལྟར་བཤད། འདས་ཟིན་པའི་ལོ6ལྷག་ཙམ་གྱི་འཛུགས་སྐྲུན་ཁྲོད་དུ། ཁོང་གནས་སའི་རྣམ་གྲངས་ཚོགས་པས་བྲག་རྡོའི་མཐའ་འཁོར་དུ་ཕྱོགས་ཡོངས་ནས་ཞིབ་འཇུག་བྱས་པ་དང་། རིང་ཚད་འཇལ་བ་དང་གསང་བའི་མ་ལག་གི་གཏིང་རྡོ་དབྱུག་པ། སྔོན་བརྒལ་དོ་དམ་འགྱིག་ཤོག་དྲོད་ཁང་དང་སྔོན་བརྒལ་འདྲེན་སྦུག་ཆུང་བ་སོགས་ཀྱི་བྱ་ཐབས་བརྒྱུད་ཕུག་ལམ་དེ་སྔོག་འདོན་ཐུབ་པ་བྱས་ཡོད། ལྷག་དོན་དུ“བཙིར་ཙམ་བྱས་པ་ཐག་ཐལ་བར་གྱུར་བ་དང་ཆུ་ལ་ཐུག་མ་ཐག་འདམ་ལ་འགྱུར་བའི”གས་སྲུབས་ཆེན་པོའི་ས་རྒྱུད་ལས་བརྒལ་སྐབས་རྣམ་གྲངས་ཚོགས་པས་ཆེད་མཁས་ཚོགས་ཆུང་གི་མཛུབ་ཁྲིད་འོག་མཐོ་སློབ་དང་། ཁེ་ལས་བཅས་དང་མཉམ་ལས་བྱས་ཏེ་མཉམ་འབྲེལ་ཐོག་གསར་གཏོད་འགག་སྒྲོལ་གྱིས“སྐས་རིམ་གསུམ་གྱི་ལྟེ་བར་འཇོག་པའི་ཐབས་ལམ”ལག་ལེན་བསྟར་ནས་གས་སྲུབས་ས་རྒྱུད་བདེ་བླག་ངང་བརྒལ་ཡོད།
ཅིའུ་མེན་མྱུར་བགྲོད་གཞུང་ལམ་གྱི་སྤྱིའི་རིང་ཚད་ལ་སྤྱི་ལེ244ཡོད་པ་དང་། ཟམ་པ་དང་ཕུག་ལམ་གྱི་བསྡུར་ཚད82%ཟིན་པ། ཟམ་པ127དང་ཕུག་ལམ45ཡོད་ཅིང་། མིག་སྔར་ཟམ་པ126ལེགས་གྲུབ་ཟིན་པ་དང་ཕུག་ལམ42ཀྱི་འཛུགས་སྐྲུན་གྱི་ལས་འགན་ལེགས་གྲུབ་ཟིན་ནས་སང་ལོར་ལམ་ཐིག་ཧྲིལ་པོར་རླངས་འཁོར་ཤར་གཏོང་ཐུབ་རྒྱུའི་འཆར་གཞི་ཡོད་པ་རེད། སྐབས་དེ་དུས་སུ། ཁྲེང་ཏུའུ་ནས་གཟི་ཚ་སྡེ་དགུ་བར་གྱི་རླངས་འཁོར་གྱི་ལམ་ཐག་དེ་སྔའི་ཆུ་ཚོད8ནས་ཆུ་ཚོད4བར་ཐུང་དུ་འགྲོ་རྒྱུ་མ་ཟད། ནུབ་ནས་ཀན་སུའུ་དང་། མཚོ་སྔོན། ཤིན་ཅང་བཅས་ཀྱི་མྱུར་བགྲོད་གཞུང་ལམ་དང་སྦྲེལ་ནས་སི་ཁྲོན་ནས་ཐོན་པའི་བགྲོད་ལམ་ཆེན་པོ་ཞིག་ཏུ་འགྱུར་བ་དང་། སི་ཁྲོན་ནི་“རྒྱུད་གཅིག་ལམ་གཅིག”འཛུགས་སྐྲུན་ནང་མགྱོགས་མྱུར་ཞུགས་པ་དང་གཟི་ཚ་སྡེ་དགུའི་འགྲིམ་འགྲུལ་དང་ཡུལ་སྐོར་མཉམ་འདྲེས་འཕེལ་རྒྱས་ལ་སྐུལ་འདེད་གཏོང་བར་དགེ་མཚན་ལྡན་པའི་དོན་སྙིང་ལྡན་ཡོད།
