ལྷན་སྐྱེས་སྙིང་ནད་ཕོག་པའི་བྱིས་པར་རིན་མེད་གཤགས་བཅོས་བྱས་པ།
སྤེལ་དུས 2024-11-22
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ཀྲུང་གོའི་བོད་ལྗོངས་དྲ་བའི་འཕྲིན། ད་ལོའི་ཟླ7པར། པེ་ཅིང་གི་སེམས་མཐུན་མཉམ་གཏོད་སྤྱི་ཕན་ཐེབས་རྩ་ལྷན་ཚོགས་ཀྱིས་རྒྱལ་སའི་སྨན་བཅོས་ཆེད་མཁས་ཚོགས་ཆུང་དང་མཉམ་དུ་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དུ་ལྷན་སྐྱེས་སྙིང་ནད་ཕོག་པའི་བྱིས་པར་སྤྱི་ཕན་བརྟག་དཔྱད་བྱེད་པར་བསྐྱོད། པེ་ཅིང་དུ་རོགས་སྐྱོབ་དང་ལེན་བྱེད་པར་སྐྱོད་མཁན་ཁག་དང་པོ་ཡིན་པའི་དཀར་མཛེས་ཁུལ་དཔལ་ཡུལ་རྫོང་གི་བུ་མོ་སྒྲོལ་མ（མིང་ཚབ）ནི་ཨ་མ་དང་མཉམ་དུ་ཟླ11པའི་ཚེས18ཉིན་པེ་ཅིང་དུ་བདེ་བླག་ངང་འབྱོར། ཟླ11པའི་ཚེས19ཉིན། སྒྲོལ་མ་ཡིས་རྒྱལ་སའི་གསོ་རིག་སློབ་ཆེན་ཞོར་གཏོགས་པེ་ཅིང་ཨན་ཀྲེན་སྨན་ཁང་དུ་གཤགས་བཅོས་དང་ལེན་བྱས། དེ་ནི་ད་ཐེངས་ཀྱི་སྤྱི་ཕན་བྱེད་སྒོའི་ཁྲོད་བདེ་བླག་ངང་ལག་བསྟར་བྱས་པའི་གཤགས་བཅོས་ཐེངས་དང་པོ་དེ་རེད།
རྒྱལ་སའི་གསོ་རིག་སློབ་ཆེན་གྱི་ཞོར་གཏོགས་པེ་ཅིང་ཨན་ཀྲེན་སྨན་ཁང་གི་བྱིས་པའི་སྙིང་ནད་ཁོག་ནད་ཚན་ཁག་གི་ཀྲུའུ་རེན་གཞོན་པ་ཝང་ཞའོ་ཧྥང(དཀྱིལ)གིས་སྒྲོལ་མ(གཡས)ཁྲིད་དེ་འདྲེན་སྦུག་ཁང་དུ་བསྐྱོད་པ་དང་། སྒྲོལ་མའི་ཨ་མ་ལ་སྒོ་འགྲམ་དུ་བློ་བདེའི་ངང་སྒུག་རྒྱུའི་མངགས་བཅོལ་བྱེད་བཞིན་པ།
རྒྱལ་སའི་གསོ་རིག་སློབ་ཆེན་ཞོར་གཏོགས་པེ་ཅིང་ཨན་ཀྲེན་སྨན་ཁང་གི་ཝང་ཞའོ་ཧྥང(མདུན་གྱི་དང་པོ)གིས་གཤགས་བཅོས་བྱེད་རིང་སྒྲ་འདས་བརྟག་དཔྱད་བྱེད་བཞིན་པ།
རྒྱལ་སའི་གསོ་རིག་སློབ་ཆེན་ཞོར་གཏོགས་པེ་ཅིང་ཨན་ཀྲེན་སྨན་ཁང་གི་ཝང་ཞའོ་ཧྥང་སོགས་ཀྱིས་གཤགས་བཅོས་བྱེད་རིང་དཔྱི་རུས་ཀྱི་སྡོད་རྩར་སྦུ་གུ་རྒྱུ་བཞིན་པ།
གཤགས་བཅོས་བྱས་ཚར་རྗེས་སྒྲོལ་མའི་ཨ་མ་དང་། སྒྲོལ་མ། སྨན་པ་བཅས་ཀྱིས་ཁ་བརྡ་བྱེད་བཞིན་པ།
རྒྱུས་ལོན་བྱུང་པ་ལྟར་ན། ད་ཐེངས་ཀྱི་བྱེད་སྒོ་འདི་ཡིས་དཀར་མཛེས་ཁུལ་དང་རྔ་བ་ཁུལ་གྱི་ལྷན་སྐྱེས་སྙིང་ནད་དང་སྒལ་ཚིགས་ཕྱོགས་གཅིག་གུག་པའི་ནད་པ9ལ་གཤགས་བཅོས་བྱས་ནས་ཁོང་ཚོར་བདེ་ཐང་སླར་གསོ་བྱུང་བར་རོགས་རམ་བྱེད་རྒྱུ་ཡིན་པ་རེད། ནད་པ་ཚང་མའི་སྨན་རིན་དང་ལམ་རིན་ཡོངས་རྫོགས་པེ་ཅིང་སེམས་མཐུན་མཉམ་གཏོད་སྤྱི་ཕན་ཐེབས་རྩ་ལྷན་ཚོགས་ཀྱིས་འགན་འཁུར་རྒྱུ་ཡིན་པ་རེད།
