ལོ་༦༠སོན་སྐབས་རླངས་འཁོར་གཏང་ཆོག་མིན་ཐད་དྲ་ཐོག་དུ་བདེན་རྫུན་དཔོག་དཀའ་བའི་དྲིས་ལན་འདྲ་མིན་སྣ་ཚོགས་ཡོད་ལ། དེ་དག་གིས་ལོ་ཆེ་བའི་ཁ་ལོ་བ་ཚོ་སོམ་ཉིའི་དྲ་བར་ཚུད་དུ་བཅུག་ཡོད། དོན་ངོ་མར་ལོ་༦༠བསླེབས་ན་རླངས་འཁོར་བཏང་ཆོག་གི་ཡོད་ཀྱང་། དེའི་ཐད་ཡིད་གཟབ་བྱ་དགོས་པ་ཁག་ཅིག་འདུག་སྟེ། རུ་དཔོན་གཞོན་པ་ཆུང་བདག་ལགས་ཀྱིས།
ལོ་༦༠ཧྲིལ་པོའམ་དེའི་ཡན་གྱི་ཁ་ལོ་བ་ཚོའི་ལག་འཁྱེར་Aརིམ་པ་དང་Bརིམ་པ་ཡིན་ན་ཡིན་གཅིག་Cརིམ་པར་དབབ་དགོས། ཡིད་གཟབ་བྱ་དགོས་པ་ཞིག་ནི། ཁ་ལོ་བའི་ལག་ཁྱེར་ནང་བཀོད་པའི་དུས་བཀག་ལྟར་དུས་ཐོག་ཏུ་ལག་ཁྱེར་ངེས་པར་དུ་བརྗེ་དགོས།
གཞན་ཡང་། རྒན་ཆུང་བདག་ལགས་ཀྱིས་དགུང་ལོ་༧༠བསླེབས་ཀྱང་རླངས་འཁོར་བཏང་ཆོག་པ་དང་། དེའི་ཐད་ཡིད་གཟབ་བྱ་དགོས་པའི་སྐོར་གསལ་འགྲེལ་གནང་འདུག
མཇུག་ཏུ་རྩོམ་སྒྲིག་པས་ལོ་ན་༦༠ཡན་གྱི་ཁ་ལོ་བ་རྣམས་ལ་རང་གཞན་ཀུན་གྱི་བདེ་འཇགས་ཆེད། རང་ཉིད་ཀྱི་ལུས་པོའི་བདེ་ཐང་གི་ཆ་རྐྱེན་ལ་གཞིགས་ཏེ་རླངས་འཁོར་ཚད་རན་ཙམ་གཏང་རྒྱུའི་དྲན་སྐུལ་ཞུ་རྒྱུ་ཡིན།
རྩོམ་སྒྲིག་པ། བདེ་སྒྲོལ།