2020ལོའི་ལོ་སྟོད་ཀྱི་སློབ་གྲྭ་འབྲིང་ཆུང་དགེ་རྒན་གྱི་ཐོབ་ཐང་ལག་ཁྱེར་ཡིག་རྒྱུགས་ལོ་སྨད་དུ་མཉམ་དུ་གཏོང་རྒྱུའི་སྐོར་གྱི་སྤྱི་བསྒྲགས།
རྒྱལ་ཁབ་རིམས་ནད་སྔོན་འགོག་དང་ཚོད་འཛིན་ལས་དོན་གྱི་ཐབས་ཇུས་བཀོད་སྒྲིག་གཞིར་བཟུང་། རྒྱ་ཆེའི་རྒྱུགས་སྤྲོད་སློབ་མ་དང་ཡིག་རྒྱུགས་ལ་ཞུགས་མཁན་ལས་དོན་མི་སྣའི་ཚེ་སྲོག་གི་བདེ་འཇགས་དང་གཟུགས་གཞིའི་བདེ་ཐང་འགན་ལེན་ཏན་ཏིག་བྱ་ཆེད། ཞིབ་འཇུག་བྱས་པ་བརྒྱུད། 2020ལོའི་ལོ་སྟོད་ཀྱི་སློབ་གྲྭ་འབྲིང་ཆུང་དགེ་རྒན་གྱི་ཐོབ་ཐང་ལག་ཁྱེར་ཡིག་རྒྱུགས་ནར་འགྱངས་བྱས་ནས་ལོ་སྨད་དུ་མཉམ་དུ་གཏོང་རྒྱུའི་གཏན་འབེབས་བྱས་ཡོད། ལོ་སྟོད་དུ་མིང་ཐོ་བཀོད་ནས་དངུལ་སྤྲད་པའི་རྒྱུགས་སྤྲོད་སློབ་མས་2020ལོའི་ལོ་སྨད་དུ་ཡིག་རྒྱུགས་གཏོང་བའམ་ཡང་ན་དངུལ་སློག་པའི་རེ་བ་འདོན་ཆོག་པ་དང་། དུས་འགོར་ཡིག་ཚད་ལོན་པའི་རྒྱུགས་འབྲས་དང་ཚད་ལོན་དཔང་ཡིག་གི་གོ་ཆོད་དུས་ཡུན་ལོ་གཅིག་རིང་དུ་གཏོང་རྒྱུ་ཡིན། གཏན་འབེབས་ཞིབ་ཕྲ་ཀྲུང་གོའི་སློབ་གསོ་རྒྱུགས་ལེན་དྲ་བ(www.neea.edu.cn)ལ་དོ་སྣང་བྱེད་རོགས། ལོ་སྟོད་ཀྱི་དགེ་རྒན་གྱི་ཐོབ་ཐང་ངོས་འཛིན་གཏན་འཁེལ་གྱི་ལས་དོན་ཞིང་ཆེན(རང་སྐྱོང་ལྗོངས་དང་གྲོང་ཁྱེར)ཁག་གིས་ཞིང་ཆེན་དེ་རང་གི་རིམས་ནད་སྔོན་འགོག་དང་ཚོད་འཛིན་གྱི་དུས་བབ་གཞིར་བཟུང་དུས་ཚོད་ཞིབ་ཕྲ་གཏན་འཁེལ་བྱེད་དགོས།
རྒྱུགས་སྤྲོད་སློབ་མར་ཤུགས་རྐྱེན་ཐེབས་ཤུགས་ཆུང་དུ་བཏང་ནས་མཐོ་སློབ་སློབ་ཐོན་སློབ་མའི་ལས་ཞུགས་ལ་སྐུལ་མ་གཏོང་ཆེད། རྒྱལ་སྲིད་སྤྱི་ཁྱབ་ཁང་གིས་མོས་མཐུན་བྱས་པ་བརྒྱུད་མི་སྤྱི་པུའུ་དང་སློབ་གསོ་པུའུ་སོགས་སྡེ་ཚན་བདུན་གྱིས་བཀྲམ་པའི《ཏོག་གསར་གློ་ཚད་རིམས་ནད་ཀྱི་ཤུགས་རྐྱེན་ལ་ཁ་གཏད་བཅག་ནས་ལས་རིགས་ཐོབ་ཐང་ཁག་གཅིག་ལ“སྔོན་ལ་ལས་ཀར་ཞུགས་པ་དང་། དེ་རྗེས་ལག་ཁྱེར་ལེན་པའི་ཡིག་ཚད་གཏོང་བའི”དུས་མཚམས་རང་བཞིན་གྱི་བྱེད་ཐབས་ལག་ལེན་བསྟར་རྒྱུའི་སྐོར་གྱི་བརྡ་ཐོ》(མི་སྤྱི་པུའུ་ཡིས་བཀྲམ〔2020ལོའི〕ཡིག་ཨང་24པ)ཡི་གཏན་འབེབས་གཞིར་བཟུང་། སློབ་གྲྭ་འབྲིང་ཆུང་དང་། བུ་བཅོལ་ཁང་། འབྲིང་རིམ་ལས་རིགས་ལག་རྩལ་སློབ་གྲྭ་བཅས་ཀྱི་དགེ་རྒན་གྱི་ཐོབ་ཐང་ཐད“སྔོན་ལ་ལས་ཀར་ཞུགས་པ་དང་། དེ་རྗེས་ལག་ཁྱེར་ལེན་པའི་ཡིག་ཚད་གཏོང་བའི”དུས་མཚམས་རང་བཞིན་གྱི་བྱེད་ཐབས་ལག་ལེན་བསྟར་རྒྱུ་དང་།
ཚང་མས་བསམ་ཤེས་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུ།
སློབ་གསོ་པུའུ་ནས།
2020ལོའི་ཟླ་4ཚེས་24ཉིན།
རྩོམ་སྒྲིག་པ། བདེ་སྒྲོལ།