ལྷ་ས་ནས་གཞིས་རྩེ་བར་གྱི་མེ་འཁོར་གཏོང་ཐེངས་མང་དུ་གཏོང་རྩིས་འདུག
སྤེལ་དུས 2020-06-12
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
གསར་འགོད་པས་ལྷ་ས་མེ་འཁོར་བབས་ཚུགས་ནས་ཤེས་རྟོགས་བྱས་པར། འགྲུལ་པ་མེ་འཁོར་ལ་སྡོད་པའི་དགོས་མཁོ་སྐོང་ཆེད། གཟའ་འཁོར་འདིའི་གཟའ་མཇུག་ནས་བཟུང་། ལྷ་ས་ནས་གཞིས་རྩེ་བར་གནས་སྐབས་འགྲུལ་སྐྱེལ་མེ་འཁོར་ཐེངས་Z9801/2མང་དུ་གཏོང་རྒྱུ་དང་། རྐུབ་སྟེགས་དཀྱུས་མའི་སྤ་སེའི་རིན་གོང་སྒོར་40.5ཡིན་པ་རེད།
ལྷ་ས་ནས་གཞིས་རྩེ་བར་རྒྱུན་གཏན་གྱི་མེ་འཁོརZ8801/2དང་Z8803/4ཁག་སོ་སོར་གཏོང་གི་ཡོད། ཟླ་6པ་ནས་བཟུང་། གནས་སྐབས་འགྲུལ་སྐྱེལ་མེ་འཁོར་Z9801/2མང་དུ་གཏོང་རྒྱུ་དང་། མེ་འཁོར་གཏོང་བའི་ཞིབ་ཕྲའི་དུས་ཚོད་ནི་ཟླ་6ཚེས་12ནས་14ཉིན་བར་དང་། ཚེས་19ནས་21ཉིན་བར། ཚེས་24ནས་27ཉིན་བར་བཅས་ཡིན་པ་དང་། དེ་ཡང་གཟའ་འཁོར་རེའི་གཟའ་པ་སངས་ནས་གཟའ་ཉི་མ་བར་དང་ལྔ་པའི་ཚེས་ལྔའི་གུང་གསེང་རིང་ཡིན་ཞིང་། ལྷ་ས་ནས་གཞིས་རྩེ་དང་གཞིས་རྩེ་ནས་ལྷ་ས་བར་ཕྱོགས་གཉིས་ཀར་གཏོང་རྒྱུ་རེད།
མེ་འཁོར་གཏོང་བའི་དུས་ཚོད་ནི་མེ་འཁོར་Z9801ལྷ་ས་ནས་ཆུ་ཚོད་14:00ལ་གཏོང་རྒྱུ་དང་ཆུ་ཚོད་16:50ལ་གཞིས་རྩེར་འབྱོར་གྱི་ཡོད། མེ་འཁོར་Z9802གཞིས་རྩེ་ནས་ཆུ་ཚོད་17:28ལ་གཏོང་རྒྱུ་དང་ཆུ་ཚོད་20:13ལ་ལྷ་སར་འབྱོར་གྱི་ཡོད།
ཤ་ཚའི་དྲན་སྐུལ།
ལྷ་ས་མེ་འཁོར་བབས་ཚུགས་ཀྱི་ལས་དོན་མི་སྣས་དྲན་སྐུལ་བྱས་དོན། ཕྱིར་སྐྱོད་ཀྱི་དགོས་མཁོ་ཡོད་པའི་འགྲུལ་པས་སྔ་སྣུར་དུ་12306དྲ་སྦྲེལ་དང་། ཁ་པར95105105 མེ་འཁོར་བབས་ཚུགས་ཀྱི་སྤ་སེ་འཚོང་ས། དེ་བཞིན་མེ་འཁོར་སྤ་སེ་ཚབ་ཚོང་ས་ཚིགས་བཅས་ནས་སྤ་སེ་ཉོས་ཏེ་འགྲོ་སྐྱོད་ཀྱི་དུས་ཚོད་ལུགས་མཐུན་ངང་བཀོད་སྒྲིག་བྱེད་དགོས།