སྒྲིག་འགལ་ངང་གཞུང་གི་རླངས་འཁོར་བེད་སྤྱད་པ་གསལ་བསྒྲགས་བྱས་འདུག
སྤེལ་དུས 2020-06-29
ཡོང་ཁུངས། སེམས་ཀྱི་ཞིང་ཁམས།
རྩོམ་པ་པོ།
ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་དོན་འཁྱོལ་གཏིང་ཟབ་ཡོང་ཆེད་དང་། ཕྱོགས་ཡོངས་ནས་རང་སྐྱོང་ལྗོངས་ཏང་ཨུད་ཀྱི་སྤྱོད་ཚུལ་བཞི་ཡོ་བསྲང་བཅོས་སྐྱོང་གཏིང་ཟབ་བྱེད་པའི་བཀོད་སྒྲིག་ལག་བསྟར་བྱེད་པ། སྤྱོད་ཚུལ་བཞིའི་གནད་དོན་སླར་ཡང་བསྐྱར་ལོག་མི་འབྱུང་བར་བྱེད་ཆེད། རང་སྐྱོང་ལྗོངས་སྒྲིག་ཨུད་ལྟ་ཨུད་ཀྱིས་ལྔ་བའི་ཚེས་ལྔའི་དུས་ཆེན་གྱི་སྐབས་སུ་སྒྲིག་འཛུགས་བྱས་ཏེ། ལྟ་སྐུལ་ཞིབ་བཤེར་བྱས་པའི་ཁྲོད་ཤེས་རྟོགས་བྱུང་བ་ལྟར་ན་གཞུང་གི་རླངས་འཁོར་བོད་B༩༣༠༢༣དང་བོད་ E༩༡༠༠༤གཉིས་སྒྲིག་འགལ་ངང་བཀོད་སྤྱོད་བྱས་པའི་གནས་ཚུལ་འདུག
རྗེས་མར་རང་སྐྱོང་ལྗོངས་སྒྲིག་ཨུད་ལྟ་ཨུད་ཀྱིས་ཞིབ་བཤེར་བྱས་པའི་ཁྲོད་ཤེས་རྟོགས་བྱུང་བའི་གནས་ཚུལ་ཁུངས་སྣེ་དེ། ལས་བྱེད་དོ་དམ་དབང་ཚད་ལྟར་འབྲེལ་ཡོད་སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་ཀྱིས་བརྟག་ཞིབ་ཐག་གཅོད་བྱེད་པར་སྤྲོད་པ་དང་། རྗེས་མར་སྒྲིག་ཁྲིམས་ཅི་ལྟར་ལག་བསྟར་བྱས་ན་དེ་ལྟར་ནན་ཏན་ཡིན་པ་དང་། སྔར་བཞིན་སྐུང་འཐེན་མི་བྱེད་པར། དེ་ལས་ལྡོག་སྟེ་སྒྲིག་འགལ་ཁྲིམས་འགལ་ཡིན་ན་ཐག་གཅོད་ནན་མོ་བྱས་ཏེ་མིང་བཀོད་ནས་གསལ་བསྒྲགས་བྱ་རྒྱུ་རེད།