ཀྲུང་གོ་འཛད་སྤྱོད་པའི་མཐུན་ཚོགས་ཀྱིས་རྒྱ་ཆེའི་འཛད་སྤྱོད་པར་གྲོས་འགོ་བཏོན་དོན།
བཟའ་བཏུང་འཕྲོ་བརླག་གཏོང་མི་རུང་།
སྤེལ་དུས 2020-08-27
ཡོང་ཁུངས། ཤིན་ཧྭ་གསར་འགྱུར་ཁང་།
རྩོམ་པ་པོ།
ཉེ་དུས། ཀྲུང་གོ་འཛད་སྤྱོད་པའི་མཐུན་ཚོགས་ཀྱིས་རྒྱ་ཆེའི་འཛད་སྤྱོད་པར་གྲོན་ཆུང་ནི་གཟི་བརྗིད་ཡིན་པ་གོང་དུ་བཀུར་ནས་བཟའ་བཏུང་འཕྲོ་བརླག་མི་གཏོང་བ་དང་། ལྗང་མདོག་གྲོན་ཆུང་གི་འཛད་སྤྱོད་ལག་ལེན་པ་དང་། ཁྱབ་སྤེལ་བ། ལྟ་སྐུལ་བ་བཅས་ཧུར་ཐག་བྱེད་དགོས་ཞེས་གྲོས་འགོ་བཏོན་པ་རེད།
ཀྲུང་གོ་འཛད་སྤྱོད་པའི་མཐུན་ཚོགས་ཀྱིས་རྒྱ་ཆེའི་འཛད་སྤྱོད་པ་རྣམས་ལ་གྲོས་འགོ་བཏོན་དོན། བཟའ་བཏུང་འོས་འཚམ་བྱས་ན་བདེ་ཐང་ལ་ཕན་པར་བརྟེན། རང་ཁྱིམ་དུ་བཟས་ན་ཡང་འདྲ། ཡང་ན་ཕྱིར་མཉམ་དུ་ཟ་བའམ་ཡང་ན་ཕྱི་ནས་ཟ་མ་ཉོ་བ་གང་ཡིན་རུང་། ཟས་འདང་ཙམ་གྱིས་ཆོག་པ་ནི་གོམས་སྲོལ་དུ་བྱས་ནས“སྡེར་གཙང་བྱ་སྤྱོད”དར་སྲོལ་ཞིག་ཏུ་ཆགས་པར་བྱེད་དགོས། ལུགས་མཐུན་གྱི་ཟས་ཟ་བ་ལས་བདག་མེད་སྲོག་ཆགས་ཀྱི་ཤ་རིགས་མི་ཟ་བ་དང་། འཕྲོ་བརླག་མི་གཏོང་བ། འགྲན་བསྡུར་མི་བྱེད་པ། ངོམ་འཕྱར་མི་བྱེད་པ་བཅས་བྱས་ཏེ་ལྗང་མདོག་གྲོན་ཆུང་གི་འཛད་སྤྱོད་ལག་ལེན་པ་ཧུར་ཐག་བྱེད་དགོས།
ཀྲུང་གོ་འཛད་སྤྱོད་པའི་མཐུན་ཚོགས་ཀྱིས་རྒྱ་ཆེའི་བཟའ་བཏུང་ཁེ་ལས་དག་ལ་འབོད་སྐུལ་བྱས་དོན། གཡོས་སྦྱོར་ཚད་འབེབས་ཀྱི་ཚད་གཞི་འཐུས་སྒོ་ཚང་དུ་བཏང་ནས་བཟའ་བཏུང་གི་མཁོ་སྤྲོད་སྤུས་ཚད་ལེགས་སུ་གཏོང་བ་དང་། ཕྱོགས་ཡོངས་དང་། ལུགས་མཐུན། ཡང་དག་བཅས་ཀྱི་སྒོ་ནས་བཟའ་བཏུང་གི་ཆ་འཕྲིན་འདོན་པ། འཛད་སྤྱོད་པར་དགོས་མཁོ་ལྟར་ཟས་སྡེབ་སྦྱོར་དང་། ཚད་འབོར་ལྟར་ཉོ་མཁན་ལ་ཡང་སྟབས་བདེ་བསྐྲུན་ནས་འཛད་སྤྱོད་པར་གྲོན་ཆུང་ངང་ཟས་ཉོ་བ་དང་འཕྲོ་བརླག་གཏན་འགོག་བྱེད་པར་ཁྲིད་སྟོན་བྱེད་དགོས།