ཉེ་དུས་གྲོང་མི་ཞིག་ལ་ཁ་པར་ཨང་གྲངས“96110”བྱས་པ་ཞིག་སླེབས་པར། ཁོ་པས་ཁ་བསླུས་རྒྱག་མཁན་གྱི་ཁ་པར་རེད་སྙམ་ནས་ལེན་མེད། དོན་དུ་བདེན་རྫུན་དབྱེ་བ་མི་འབྱེད་པར་འདི་ལྟར་བྱས་ཚེ་ཉེན་ཁ་ཧ་ཅང་ཆེན་པོ་ཞིག་རེད་འདུག གང་ཡིན་ཟེར་ན། ཁ་པར་དེ་སླེབས་དུས་ཁྱེད་ལ་གློག་འཕྲིན་དང་དྲ་རྒྱའི་ཁ་བསླུས་ཐེབས་བཞིན་ཡོད་པ་མཚོན་གྱི་ཡོད།
“96110”ནི་རྒྱལ་ཡོངས་ཀྱི་གཅིག་གྱུར་གྱི་སྔོན་ཚུད་ཉེན་བརྡ་གཏོང་བ་དང་། བཀག་སྡོམ་བསླབ་བྱ་བྱེད་པ། བློ་འདྲི་བྱེད་པ་བཅས་ཀྱི་ཁ་པར་ཞིག་ཡིན་ཞིང་། དེར་མིག་སྔར་གཙོ་བོའི་ཞབས་ཞུའི་ནུས་པ་ཆེན་པོ་གསུམ་ལྡན་པ་སྟེ།
01 བཀག་སྡོམ་བསླབ་བྱ།
ཁྱེད་ལ“96110”གི་ཁ་པར་འདི་འབྱོར་ཚེ། ཁྱེད་དང་ཡང་ན་ཁྱེད་རང་གི་ནང་མིར་གློག་འཕྲིན་དྲ་རྒྱའི་ཁ་བསླུས་ཐེབས་བཞིན་ཡོད་པ་དང་། ཡང་ན་ཁ་བསླུས་ཐེབས་སླ་བའི་ཉེན་ཆེའི་མི་ཚོགས་ཀྱི་ཁོངས་སུ་གཏོགས་པ་གསལ་བཤད་ཐུབ་ཀྱི་ཡོད།
02 བློ་འདྲི།
གལ་ཏེ་གྲོང་མིར་གློག་འཕྲིན་དྲ་རྒྱའི་ཁ་བསླུས་ཐེབས་པའི་དོགས་འཆར་ཡོད་ཚེ། ཁ་པར་འདི་བརྒྱབ་ནས་བློ་འདྲི་བྱེད་ཆོག
03 ཐེར་འདོན།
གལ་ཏེ་གྲོང་མིས་གློག་འཕྲིན་དྲ་རྒྱའི་ཁ་བསླུས་དང་འབྲེལ་བ་ཡོད་པའི་ཁྲིམས་འགལ་ཉེས་གསོག་གི་ཁུངས་སྣེ་ཤེས་རྟོགས་ཐུབ་ཚེ། ཆེད་སྤྱོད་ཁ་པར་དེ་བརྒྱུད་ཐེར་འདོན་བྱེད་ཆོག
ཁྱེད་ཚོས་ཤེས་སམ། མང་ཚོགས་ལ་དུས་ཐོག་ཏུ་བཀག་སྡོམ་བསླབ་བྱ་བྱས་ནས་མགོ་སྐོར་ལ་མི་ཐེབས་པ་བྱ་ཆེད། ཁ་བསླུས་འགོག་རྒོལ་གྱི་མི་དམངས་ཉེན་རྟོག་པས་དོ་བདག་ལ་ཁ་པར་བརྒྱབ་ནས་ཡང་ནས་ཡང་དུ་དྲན་སྐུལ་བྱེད་ཀྱི་ཡོད། འོན་ཀྱང་གྲོང་མི་འགའ་ཤས་ཁྲམ་པའི་མགོ་སྐོར་འོག་ཏུ་ཚུད་ནས་མི་དམངས་ཉེན་རྟོག་པའི་བཀག་སྡོམ་བསླབ་བྱར་མི་ཉན་པ་མ་ཟད། མི་དམངས་ཉེན་རྟོག་པ་ཁྲམ་པར་བརྩིས་ནས་ཤ་ཚའི་བསླབ་བྱ་རྣ་བའི་རྒྱབ་ཀྱི་རླུང་བུར་བཏང་སྟེ། ཁ་བསླུས་རྒྱག་མཁན་ལ་དངུལ་བསྐུར་གྱི་ཡོད་པས། མཐར་ཁ་བསླུས་ཐེབས་པ་ཚོར་རྗེས་གཞི་ནས་རྨོངས་གཉིད་ལས་སད་ཀྱི་ཡོད།
དྲན་སྐུལ་ཟབ་མོ་བྱ་རྒྱུར། “96110”གྱི་ཁ་པར་འབྱོར་ཚེ། ངེས་པར་དུ་ལེན་དགོས།