མཚོ་སྔོན་ཞིང་ཆེན་གྱི2025ལོའི་མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་ཡོངས་བསྒྲགས་ངང་ཁྲིམས་འཛིན་གཞོགས་འདེགས་མི་སྣ(གཞུང་ཞབས་པ)བསྡུ་བའི་སྤྱི་བསྒྲགས།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གཞུང་ཞབས་པའི་བཅའ་ཁྲིམས》དང《མི་དམངས་ཁྲིམས་ཁང་གི་རྩ་འཛུགས་བཅའ་ཁྲིམས》 《མི་དམངས་ཞིབ་དཔྱོད་ཁང་གི་རྩ་འཛུགས་བཅའ་ཁྲིམས》 《གཞུང་ཞབས་པ་བསྡུ་བའི་གཏན་འབེབས》 《མཚོ་སྔོན་ཞིང་ཆེན་མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་ཡོངས་བསྒྲགས་ངང་ཁྲིམས་འཛིན་གཞོགས་འདེགས་མི་སྣ་བསྡུ་བའི་བྱ་ཐབས》དེ་བཞིན་རང་ཞིང་གི་གཞུང་ཞབས་པ་རྒྱུགས་སྤྲོད་བསྡུ་ལེན་གྱི་འབྲེལ་ཡོད་སྲིད་ཇུས་གཞིར་བཟུང་། ད་ལྟ་མཚོ་སྔོན་ཞིང་ཆེན་གྱི2025ལོའི་མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་རིམ་པ་དང་པོའི་ཀྲུའུ་རེན་ཁའོ་ཡོན་དང་དེའི་མན་ཆད་དང་རིམ་པ་དེ་མཚུངས་ཀྱི་ཁྲིམས་འཛིན་གཞོགས་འདེགས་མི་སྣ(གཞུང་ཞབས་པ)བསྡུ་བའི་འབྲེལ་ཡོད་བྱ་བ་སྤྱི་བསྒྲགས་བྱས་པ་གཤམ་གསལ་ལྟར།
1.ལས་བསྡུའི་མི་གྲངས།
2025ལོར་ཞིང་ཆེན་ཡོངས་ཀྱི་མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་རིམ་པ་དང་པོའི་ཀྲུའུ་རེན་ཁའོ་ཡོན་དང་དེའི་མན་ཆད་དང་རིམ་པ་དེ་མཚུངས་ཀྱི་ཁྲིམས་འཛིན་གཞོགས་འདེགས་མི་སྣ(གཞུང་ཞབས་པ)275ཡོངས་བསྒྲགས་ངང་བསྡུ་རྒྱུ་ཡིན་ལ། ཞིབ་ཕྲའི་ལས་བསྡུའི་ལས་གནས་འཆར་གཞི་མཚོ་སྔོན་ཞིང་ཆེན་མི་དོན་རྒྱུགས་ལེན་ཆ་འཕྲིན་དྲ་བ་བརྒྱུད་དེ(www.qhpta.com) འཚོལ་ཞིབ་བྱ་རོགས།
2.ལས་བསྡུའི་གོ་རིམ།
ཡོངས་བསྒྲགས་ངང་མིང་ཐོ་འགོད་པ་ནས་ཐོབ་ཐང་ཞིབ་བཤེར། ཡིག་རྒྱུགས། ཐོབ་ཐང་བསྐྱར་ཞིབ། ཁ་རྒྱུགས། ལུས་པོར་བརྟག་དཔྱད། རྟོག་ཞིབ། ཞིབ་མཆན་བསྡུ་ལེན་སོགས་ཀྱི་གོ་རིམ་ལྟར་བསྡུ་རྒྱུ།
3.མིང་ཐོ་འགོད་པའི་དུས་ཚོད།
2025ལོའི་ཟླ2པའི་ཚེས17ཉིན་གྱི་དུས་ཚོད9:00ནས་ཟླ2པའི་ཚེས21ཉིན་གྱི་དུས་ཚོད18:00བར་ཡིན།
4.དངུལ་སྤྲོད་པའི་དུས་ཚོད།
2025ལོའི་ཟླ2པའི་ཚེས17ཉིན་གྱི་དུས་ཚོད9:00ནས་ཟླ2པའི་ཚེས24ཉིན་གྱི་དུས་ཚོད23:30བར་ཡིན།
5.མིང་ཐོ་འགོད་པའི་སྙོམས་སྒྲིག་དུས་ཚོད།
2025ལོའི་ཟླ2པའི་ཚེས25ཉིན་གྱི་དུས་ཚོད9:00ནས16:00བར་ཡིན།6.ཡིག་རྒྱུགས་ལེན་པའི་དུས་ཚོད་དང་ས་གནས།ཡིག་རྒྱུགས་ལེན་པའི་དུས་ཚོད་ནི2025ལོའི་ཟླ3པའི་ཚེས15ཉིན་ཡིན་ལ། ཞིབ་ཕྲའི་རྒྱུགས་ལེན་ས་གནས་ནི་རྒྱུགས་སྤྲོད་འཛིན་ཡིག་ཚད་གཞིར་འཛིན་དགོས།
