ལྷོ་ཁའི་སྤྱི་བདེ་ཅུས་ཀྱིས་སྨད་འཚོང་འཆལ་རྒྱུག་བྱེད་མཁན་4བཟུང་འདུག
སྤེལ་དུས 2020-06-24
ཡོང་ཁུངས། ཁྲིམས་གསལ་མེ་ལོང་།
རྩོམ་པ་པོ།
སྤྱི་ཚོགས་ཀྱི་བདེ་འཇགས་སྒྲིག་ལམ་སྲུང་སྐྱོང་ནུས་ལྡན་བྱས་ནས་ལྷོ་ཁའི་ཤེས་དཔལ་གྲོང་ཁྱེར་གྱི་གཟུགས་བརྙན་ལེགས་སུ་གཏོང་ཆེད། ཉེ་ཆར། ལྷོ་ཁ་གྲོང་ཁྱེར་སྤྱི་བདེ་ཅུས་བདེ་འཇགས་བཅོས་སྐྱོང་ཉིང་ལག་རུ་ཁག་གིས་སྨད་འཚོང་འཆལ་རྒྱུག་སོགས་ཁྲིམས་འགལ་གྱི་བྱེད་སྤྱོད་ལ་རྒྱུན་མཐུད་ནས་རྡུང་རྡེག་ཤུགས་ཆེན་བཏང་བ་དང་། ཟླ་6ཚེས་9ཉིན་སྨད་འཚོང་དང་འཆལ་པོ་རྒྱུག་མཁན་4འཛིན་བཟུང་བྱས་ཡོད་པ་རེད།
2020ལོའི་ཟླ་6ཚེས་9ཉིན་གྱི་ཆུ་ཚོད་21ཙམ་ལ། བདེ་འཇགས་བཅོས་སྐྱོང་ཉིང་ལག་རུ་ཁག་གི་ཉེན་རྟོག་པ་སྐོར་གཡེང་བྱེད་སྐབས། རྩེད་ཐང་གྲོང་རྡལ་གྱི་བོགས་གཏོང་ཁང་པ་ཞིག་ཏུ་སྨད་འཚོང་འཆལ་རྒྱུག་བྱེད་མཁན་ཡོད་པ་ཧ་གོ་ནས་འཕྲལ་མར་མི་དམངས་ཉེན་རྟོག་པ་སྒྲིག་འཛུགས་བྱས་ཏེ། ས་ཁོངས་དེ་གའི་བོགས་གཏོང་ཁང་པར་ཞིབ་བཤེར་བྱས། བོགས་གཏོང་ཁང་པ་གཉིས་ནས་སྨད་འཚོང་དང་འཆལ་པོ་རྒྱུག་མཁན་གྱི་ཁྲིམས་འགལ་མི་སྣ་4རྩད་ཆོད་པ་རེད། དེ་རྗེས་མི་དམངས་ཉེན་རྟོག་པས་མི་4པོ་དེ་དག་གྲོང་ཁྱེར་སྤྱི་བདེ་ཅུས་ལ་སྔར་བས་བརྟག་དཔྱད་བྱེད་པར་འཁྲིད་ཡོད་ཅིང་། འདྲི་རྩད་བྱས་པ་བརྒྱུད། ཁྲིམས་འགལ་མི་སྣ་ཀྲང་ཆེ་གེ་མོ་དང་། བཀྲ་ཆེ་གེ་མོ། ཞུས་ཆེ་གེ་མོ། ཧོ་ཆེ་གེ་མོས་ཁྲིམས་འགལ་ངང་སྨད་འཚོང་འཆལ་པོ་རྒྱུག་པའི་བྱེད་སྤྱོད་སྦ་གསང་མེད་པར་ངོས་ལེན་ཞུས་པ་རེད།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བདེ་འཇགས་དོ་དམ་ཆད་གཅོད་སྲོལ་ཡིག》གི་དོན་ཚན་རེ་དྲུག་པའི་ནང་གསེས་དང་པོའི་གཏན་འབེབས་ལྟར་ན། ཀྲང་ཆེ་གེ་མོ་དང་། བཀྲ་ཆེ་གེ་མོ། ཞུས་ཆེ་གེ་མོ། ཧོ་ཆེ་གེ་མོ་བཅས་མི་4པོ་སོ་སོར་ཁྲིམས་ལྟར་ཆད་པ་བཅད་པ་རེད།