ཨ་རིས་བོད་དོན་དུ་ཀྲུང་གོའི་ནང་སྲིད་ལ་ཐེ་གཏོགས་བྱེད་པར་ཀྲུང་གོས་མཐའ་གཅིག་ཏུ་རྒོལ་བ་བྱེད་ངེས་ཡིན།
སྤེལ་དུས 2017-08-30
ཡོང་ཁུངས། ཞིན་ཧྭའི་དྲ་བ།
རྩོམ་པ་པོ། བདེ་ལྷ་མོས་བསྒྱུར།
ཚེས་༡༩ཉིན། ཀྲུང་གོའི་ཕྱི་འབྲེལ་པུའུ་ཡི་མགྲིན་ཚབ་མ་ཁྲའོ་ཞུས་ཀྱིས་གསར་འགོད་པའི་རྒྱུན་སྲོལ་སྣེ་ལེན་ཚོགས་འདུའི་སྟེང་བསྟན་དོན། ཀྲུང་གོས་ཨ་མེ་རི་ཁས་ཐའེ་ཝན་དང་། བོད་དོན། ཞང་ཀང་སོགས་ཀྱི་གནད་དོན་ཐད་ནས་ཀྲུང་གོའི་ནང་སྲིད་ལ་ཐེ་གཏོགས་བྱེད་པར་མཐའ་གཅིག་ཏུ་རྒོལ་བ་བྱ་རྒྱུ་ཡིན་ཞིང་། ཨ་མེ་རི་ཁས་འབྲེལ་ཡོད་གནད་དོན་ཐག་གཅོད་འོས་འཚམ་བྱས་ནས། རྒྱལ་ཁབ་གཉིས་ཀྱི་འབྲེལ་བར་གནོད་སྐྱོན་མི་བཟོ་བའི་བླང་བྱ་བཏོན་པ་རེད།
གསར་འགོད་པ་ཞིག་གིས་འདི་སྐད། གསར་འགྱུར་དུ་བཀོད་པ་ལྟར་ན། ཉེ་ལམ་ཨ་རིའི་རྒྱལ་ཚོགས་ཀྱི་གྲོས་ཁང་གིས"༢༠༡༠དང་༢༠༡༡གི་ནོར་སྲིད་དཔལ་འབྱོར་ལོའི་རྒྱལ་སྲིད་སྤྱི་ཁྱབ་ཁང་གི་དབང་བསྩལ་ཁྲིམས་གཞི"ཞེས་པ་བཏོན་ཞིང་། ཁྲིམས་གཞི་དེའི་ནང་ཀྲུང་གོ་དང་འབྲེལ་བའི་དོན་ཚན་མི་ཉུང་བ་བཀོད་ཡོད་པ་དེའི་སྐོར་ལ་ཀྲུང་གོར་ལྟ་ཚུལ་ཅི་ཞིག་ཡོད་ཅེས་དྲིས་པར།
མ་ཁྲའོ་ཞུས་ཀྱིས་དེའི་ལན་དུ་འདི་སྐད། གོང་དུ་བརྗོད་པའི་ཨ་རིའི་རྒྱལ་ཚོགས་ཀྱིས་བཏོན་པའི་ཁྲིམས་གཞིའི་ནང་གི་ཀྲུང་གོ་དང་འབྲེལ་བའི་དོན་ཚན་དེ་དག་ནི་རྒྱལ་སྤྱིའི་འབྲེལ་བའི་གཞི་རྩའི་ཚད་གཞི་དང་འགལ་ཞིང་། ཀྲུང་ཨ་མཉམ་འབྲེལ་གསལ་བསྒྲགས་གསུམ་དང་ཨ་རིའི་ཕྱོགས་ཀྱི་འབྲེལ་ཡོད་ཁས་ལེན་དང་ཡང་འགལ་ཡོད་ལ། ཀྲུང་གོས་ཨ་མེ་རི་ཁས་ཐའེ་ཝན་དང་། བོད་དོན། ཞང་ཀང་སོགས་ཀྱི་གནད་དོན་ཐད་ནས་ཀྲུང་གོའི་ནང་སྲིད་ལ་ཐེ་གཏོགས་བྱེད་པར་མཐའ་གཅིག་ཏུ་རྒོལ་བ་བྱ་རྒྱུ་ཡིན་པར་མ་ཟད། ཀྲུང་གོས་ཨ་རིར་དེའི་སྐོར་གྱི་ཀྲུང་གོའི་ལྟ་བ་ཡང་གཟབ་ནན་བཏོན་པ་ཡིན་ཞེས་ལན་བསྐྱོན་པ་རེད།