ཟི་ལིང་གི་བྱིས་པ་ཞིག་གློག་སྐུད་སྟེང་ཉེན་ཁར་འཕྲད་འདུག
སྤེལ་དུས 2020-05-19
ཡོང་ཁུངས། གངས་ལྗོངས་འཕྲིན་གསར།
རྩོམ་པ་པོ།
ཟླ5བའི་ཚེས17ཉིན་གྱི་ཆུ་ཚོད20ཡས་མས་སྟེང་།མཁར་ནུབ་ས་ཁུལ་ཞིན་ཧྲེང་སྲང་ལམ་གྱི་གཞིས་ཁུལ་ཞིག་ཏུ་བྱིས་པ་ཆུང་ཆུང་ཞིག་སྡོད་ཁང་ཐོག་བརྩེགས་གཉིས་པའི་ཉེ་འགྲམ་གྱི་གློག་སྐུད་ཐོག་ཉེན་ཁར་འཕྲད་འདུག
ཁྱིམ་བདག་གིས་མཐོང་རྗེས་གྱུར་དུ་ཉེན་བརྡ་བཏང་ལ། ཟི་ལིང་གྲོང་ཁྱེར་མེ་ཟོན་རོགས་སྐྱོབ་ཉིང་ལག་རུ་ཁག་གི་མེ་ཟོན་རླངས་འཁོར3དང་བཀོད་འཐབ་པ10མྱུར་དུ་རོགས་སྐྱོབ་བྱ་ཡུལ་དུ་འབྱོར།
མེ་ཟོན་རོགས་སྐྱོབ་མི་སྣ་ཡུལ་དངོས་སུ་འབྱོར་རྗེས། འབྲེལ་ཡོད་སྡེ་ཁག་དང་མཐུན་སྦྱོར་བྱས་ཏེ་སྐུད་ལམ་གྱི་གློག་ཁུངས་བཅད་པ་དང་འབྲེལ་ལྕགས་སྐས་བེད་སྤྱད་དེ་བྱིས་པ་ཐང་དུ་བླངས། ཤེས་རྟོགས་བྱུང་བར་གཞིགས་ན། ཉེན་ཁར་འཕྲད་པའི་བྱིས་པ་དེ་ལོ7ཡིན་པ་དང་། ཁྱིམ་ཚང་སུམ་ཐོག་ཏུ་བསྡད་ཡོད། བྱིས་པའི་ཕ་མ་གཉིས་ཕྱི་རུ་ལས་ཀར་འགྲོ་དགོས་པའི་རྐྱེན་གྱིས་ཁོ་ཁྱིམ་དུ་བཞག་ནས་སྒོ་ལ་ཟྭ་བརྒྱབ རྩེད་རྒྱུར་དགའ་བའི་བྱིས་པ་དེ་ཕྱི་ལ་རྩེད་མོ་རྩེ་རུ་འགྲོ་བའི་ཆེད་དུ། ཇ་ཁང་གི་སྒེའུ་ཁུང་ཕྱེས་ནས་སྒོར་བུད། རང་བྱུང་སོལ་རླངས་ཀྱི་སྦུག་ལམ་བརྒྱུད་ཐོག་སོ་གཉིས་པར་འཛེགས་རྗེས་གནམ་དཔྱང་གློག་སྐུད་ཐོག་ཉེན་ཁའི་གནས་སུ་ལྷུང་། བྱིས་པའི་ཕ་མས་ངོ་སྤྲོད་བྱས་པར་གཞིགས་ན། བྱིས་པ་དེ་གློག་སྐུད་ཐོག་ཆུ་ཚོད་ཕྱེད་ཀ་ཙམ་ལ་ལུས་ཡོད་པར་བཤད།
མེ་ཟོན་རུ་ཁག་གི་ཤ་ཚའི་སྙིང་གཏམ། ཁྱིམ་བདག་ཚོས་བྱིས་པའི་བདེ་འཇགས་དོགས་ཟོན་གྱི་འདུ་ཤེས་མཐོ་རུ་བཏང་སྟེ། ཁྱིམ་ཚང་གི་བདེ་འཇགས་སློབ་གསོར་ཤུགས་སྣོན་རྒྱག་དགོས་པ་ལས་ལྷོད་གཡེང་བྱས་ནས་ཆག་སྒོ་འབྱུང་དུ་འཇུག་མི་རུང་།