གཟབ་གཟབ་གྱིས། མི་སྣ་འདི་རིགས་པེ་ཅིང་ནས་འཐོན་ཆོག་གི་མི་འདུག
སྤེལ་དུས 2020-06-24
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
ཚེས་23ཉིན་གྱི་ཕྱི་དྲོ། པེ་ཅིང་གྲོང་ཁྱེར་གྱི་ཏོག་གསར་གློ་ཚད་རིམས་ནད་སྔོན་འགོག་ཚོད་འཛིན་ལས་དོན་གྱི་གསར་འགྱུར་ཡོངས་བསྒྲགས་ཚོགས་འདུ་ཐེངས་130པའི་ཐོག གྲོང་ཁྱེར་ཨུ་ལྷན་དྲིལ་བསྒྲགས་པུའི་པུའུ་ཀྲང་གཞོན་པ་དང་། གྲོང་ཁྱེར་སྲིད་གཞུང་གསར་འགྱུར་གཞུང་དོན་ཁང་གི་ཀྲུའུ་རེན། གྲོང་ཁྱེར་སྲིད་གཞུང་གི་གསར་འགྱུར་མགྲིན་ཚབ་པ་བཅས་ཀྱི་ལས་ཀ་གཅིག་ལྕོག་བཞེས་མཁན་ཞུས་ཧོ་ཅན་གྱིས་ངོ་སྤྲོད་བྱས་དོན། ལྔ་པའི་ཚེས་ལྔའི་དུས་ཆེན་སླེབས་ལ་ཉེ་བས། རྒྱལ་སའི་མིག་སྔའི་ཛ་དྲག་དང་རྙོག་འཛིང་ཆེ་བའི་རིམས་ནད་ཀྱི་དུས་བབ་དང་ཟུང་འབྲེལ་བྱས་ཏེ། ངེས་པར་དུ་སྤྱི་འདོམས་སྒོས་རིམས་ནད་སྔོན་འགོག་ཚོད་འཛིན་ཡག་པོ་བྱེད་པ་དང་། རིམས་འགོག་གི་བླང་བྱ་ཁག་དོན་འཁྱོལ་ནན་མོ་བྱས་ནས་སྐྱོན་ཆ་གང་ཡང་མི་ཐོན་པ་བྱེད་དགོས།
ཉེན་ཁ་ཆེ་འབྲིང་རིམ་པའི་སྲང་ལམ་དང་། ཤིན་ཧྥ་ཏི་སྡེབ་ཚོང་ཁྲོམ་རའི་འབྲེལ་ཡོད་མི་སྣ་པེ་ཅིང་ནས་ཁ་བྲལ་མི་ཆོག་པ་དང་། མི་སྣ་གཞན་དག་ལ་དགོས་གལ་ཆེ་བའི་དོན་དག་མེད་ཚེ་པེ་ཅིང་ནས་ཁ་མ་བྲལ་ན་བཟང་། པེ་ཅིང་ནས་ས་གནས་གཞན་དུ་སོང་ཡོད་མཁན་དག་གིས་ས་གནས་དེ་གར་དུས་ཐོག་ཏུ་བརྡ་བཏང་ནས། རིམས་ནད་མཆེད་རྒྱུ་སྔོན་འགོག་བྱེད་དགོས།
གནས་ཚུལ་གསར་ཤོས། པེ་ཅིང་དུ་ཉེན་ཁ་ཆེ་བའི་ས་ཁུལ་ཞིག་སླར་ཡང་མང་དུ་ཕྱིན་པ།
གསར་འགོད་པས་རྒྱལ་སྲིད་སྤྱི་ཁྱབ་ཁང་གི་དུད་སྣེའི་བྱ་རིམ་ཆུང་ངུའི“རིམས་ནད་ཀྱི་ཉེན་ཁའི་རིམ་པ་འདྲི་རྩད”སྟེང་ནས་ཤེས་རྟོགས་བྱུང་རྒྱུར། ཟླ་6པའི་ཚེས་23ཉིན་གྱི་ཆུ་ཚོད་15བར། པེ་ཅིང་གྲོང་ཁྱེར་ཧའེ་ཏན་ཆུས་ཡུང་ཏིང་སྲང་ལམ་ནི་ཉེན་ཁ་འབྲིང་བ་ནས་ཉེན་ཁ་ཆེ་བར་བསྒྱུར་ཡོད།
མིག་སྔའི་བར། པེ་ཅིང་དུ་ཉེན་ཁ་འབྲིང་བའི་ས་ཁུལ་38ཡོད་པ་དེ་དག་ནི་ཧྥུང་ཐའེ་ཆུས་དང་། ཏ་ཤིང་ཆུས། ཧའེ་ཏེན་ཆུས། ཤིས་ཁྲེང་ཆུས། ཧྥང་ཧྲན་ཆུས། ཏུང་ཁྲེང་ཆུས། ཧྲི་ཅིང་ཧྲན་ཁུལ། ཁྲའོ་དབྱང་ཆུས། མོན་ཐོའུ་ཀོའུ་ཆུས། ཐུང་ཀྲོའུ་ཆུས་བཅས་ཆུས་10ལ་ཁྱབ་ཡོད། གཞན་ཡང་ཉེན་ཁ་ཆེ་བའི་ས་ཁུལ་5ཡོད་པ་དང་། དེ་དག་ནི་ཧྥེང་ཐའེ་ཆུས་དང་། ཏ་ཤིང་ཆུས། ཧའེ་ཏེན་ཆུས་བཅས་སུ་ཡོད།