ཀྲུང་གོའི་བོད་ལྗོངས་དྲ་བ། > ཁྲིམས་ལུགས། > གསར་ཤོས།

ཁྲིམས་ལུགས་ལས་ཞུགས་ཐོབ་ཐང་ཡིག་རྒྱུགས་ཟླ་འདིའི་ཟླ་མཇུག་ཏུ་སྤེལ་རྒྱུ་རེད།

སྤེལ་དུས 2020-10-26 ཡོང་ཁུངས། ཀྲུང་གོ་བོད་ཀྱི་དྲ་བ། རྩོམ་པ་པོ།

གསར་འགོད་པས2020ལོའི་རྒྱལ་ཁབ་གཅིག་གྱུར་གྱི་ཁྲིམས་ལུགས་ལས་ཞུགས་ཐོབ་ཐང་ཡིག་རྒྱུགས(མཚོ་སྔོན་རྒྱུགས་ཁུལ)བྱ་བའི་མཐུན་སྦྱོར་ཚོགས་འདུའི་སྟེང་ཤེས་གསལ་ལྟར་ན། མཚོ་སྔོན་ཞིང་ཆེན་གྱི2020ལོའི་རྒྱལ་ཁབ་གཅིག་གྱུར་གྱི་ཁྲིམས་ལུགས་ལས་ཞུགས་ཐོབ་ཐང་ཡིག་རྒྱུགས་དེ་ཟླ10བའི་ཚེས31ཉིན་ནསཟླ11པའི་ཚེས1བར་རེས་སྐོར་གཉིས་ནང་ལེན་རྒྱུ་རེད། ད་ལོར། མཚོ་སྔོན་ཞིང་ཆེན་གྱི་རྒྱུགས་ཞུགས་སློབ་མ་བསྡོམས་པས4754ཡོད་པ་དང་། དེ་ནི་ཉེ་བའི་ལོ་འགའི་རིང་མི་གྲངས་ཆེས་མང་བའི་ལོ་ཞིག་རེད། རེས་སྐོར་རེར་སློབ་མ2377ཡིག་རྒྱུགས་ནང་ཞུགས་རྒྱུ་བཀོད་སྒྲིག་བྱས་ཡོད།

ངོ་སྤྲོད་བྱས་པར་གཞིགས་ན། 2020ལོའི་རྒྱལ་ཁབ་ཀྱི་གཅིག་གྱུར་ཁྲིམས་ལུགས་ལས་རིགས་ཀྱི་ཐོབ་ཐང་ཡིག་རྒྱུགས་ཀྱི་མིང་ཐོ་འགོད་པའི་དུས་ཚོད་ནི་ཟླ7ཚེས28ཉིན་ནས་ཟླ8ཚེས12ཉིན་བར་རེད། དངུལ་སྤྲོད་དུས་ཚོད་ནི་ཟླ8ཚེས16ཉིན་བར་ཡིན་པ་དང་དུས་ཡུན་ཉིན20ཡོད། མིང་ཐོ་འགོད་པའི་དུས་སུ། ཞིང་ཆེན་ཡོངས་ཀྱིས་ཐོག་མཐའ་བར་གསུམ་དུ“ནན་ཐོག་ནན་བརྩེགས་དང་ཞིབ་ཐོག་ཞིབ་བརྩེགས”ཀྱི་ལས་ཀའི་སྤྱོད་ཚུལ་དང་དེ་བཞིན་བློ་གཅིག་སེམས་གཅིག་གིས་རྒྱུགས་སྤྲོད་སློབ་མར་སེམས་རྩ་འཁོལ་པོས་ཞབས་འདེགས་ཞུ་བའི་ལས་ཀའི་འདུ་ཤེས་མཐའ་འཁྱོངས་བྱས་ཏེ་ཚད་གཞི་མཐོན་པོས་རྒྱུགས་སྤྲོད་སློབ་མར་ཞབས་འདེགས་ཞུས་ཤིང་། ཞིང་ཆེན་དང་གྲོང་ཁྱེར(ཁུལ)གྱིས་ཐུན་མོང་ཐོག་འབད་བརྩོན་བྱས་པ་བརྒྱུད2020ལོའི་རྒྱལ་ཁབ་ཀྱི་གཅིག་གྱུར་ཁྲིམས་ལུགས་ལས་རིགས་ཐོབ་ཐང་རྒྱུགས་ལེན་གྱི་མིང་འགོད་ལས་དོན་ཕུན་སུམ་ཚོགས་པོའི་ངང་ལེགས་གྲུབ་བྱུང་ཡོད།

སྡོམ་རྩིས་བྱས་པ་ལྟར་ན། ད་ལོར་མཚོ་སྔོན་ཞིང་ཆེན་གྱི་དྲ་ཐོག་མིང་འགོད་མི་གྲངས4892ཡོད་པ་དང་། དངུལ་སྤྲད་མི་གྲངས4754ཡོད་པ་དེ་ན་ནིང་གི་དུས་མཚུངས་ལས་མི980འཕར་ཡོད། འཕར་ཚད30%ཟིན་ནས་རྒྱལ་ཡོངས་ཀྱི་འཕར་ཚད་ཆེ་ཤོས་ཀྱི་ཞིང་ཆེན་གྱི་གྲས་རེད། །