འདིར་བསྐྱོད་ན་སྤྱི་ཚོགས་འགན་སྲུང་གཱ་ལམ་སེང་བཟོ་ཐུབ་ཀྱི་འདུག
སྤེལ་དུས 2020-11-24
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
《སྤྱི་ཚོགས་འགན་སྲུང་གཱ་བཟོ་བ་དང་སྤྲོད་པའི་དུས་འཁོར་ཐུང་དུ་གཏོང་བ་དང་དོ་དམ་ཞབས་ཞུ་ལེགས་སུ་གཏོང་བའི་སྐོར་གྱི་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ་གཞུང་དོན་ཐིང་གི་བརྡ་ཐོའི》(མི་སྤྱི་ཐིང་སྤེལ[2019]ཡིག་ཨང་79པ)དགོངས་དོན་དོན་འཁྱོལ་དང་། ལྷ་ས་གྲོང་ཁྱེར་གྱི་མང་ཚོགས་ཚོར་སྤྱི་ཚོགས་འགན་སྲུང་གཱ་འཕྲལ་མར་བཟོས་ནས་ལེན་ཐུབ་པ་དང་། ལྷ་ས་གྲོང་ཁྱེར་མི་སྤྱི་ཅུས་ཀྱིས་ལྷ་ས་གྲོང་ཁྱེར་སྤྱི་ཚོགས་འགན་སྲུང་གཱ་ཡི་མཉམ་ལས་དངུལ་ཁང་དང་འབྲེལ་བ་ཧུར་ཐག་བཅས་བྱ་ཆེད། མིག་སྔར། ཀྲུང་གོ་དངུལ་ཁང་སྤྱི་ཚོགས་འགན་སྲུང་གཱ་ཡི་རང་འདེམས་གཞི་གཅིག་ཅན་གྱི་འཕྲུལ་ཆས་ལྷ་ས་གྲོང་ཁྱེར་མི་སྤྱི་ཅུས་སྤྱི་ཚོགས་འགན་སྲུང་ཞབས་ཞུའི་ཚོམས་ཆེན་དུ་སྒྲིག་སྦྱོར་བྱས་ཡོད་པ་མ་ཟད་དངོས་སུ་སྤྱོད་འགོ་ཚུགས་ཡོད་པ་རེད།
སྤྱི་ཚོགས་འགན་སྲུང་གཱ་ཡི་རང་འདེམས་གཞི་གཅིག་ཅན་གྱི་འཕྲུལ་ཆས་དེ་སྤྱི་ཚོགས་འགན་སྲུང་ཞབས་ཞུའི་ཚོམས་ཆེན་དུ་སྒྲིག་སྦྱོར་བྱས་པའི་རང་འདེམས་གཞི་གཅིག་ཅན་གྱི་འཕྲུལ་ཆས་དང་པོ་དེ་རེད། འཕྲུལ་ཆས་དེས་ལྷ་སའི་གྲོང་མིའི་སྤྱི་ཚོགས་འགན་སྲུང་གཱ་ཡི་ཆ་འཕྲིན་འཚོལ་བསྡུ་དང་། གཱ་དུས་ཐོག་ཏུ་བརྗེ་བ། རྨང་གཞིའི་ཆ་འཕྲིན་བཟོ་བཅོས་སོགས་བྱེད་ཐུབ་ཀྱི་ཡོད།
སྤྱི་ཚོགས་འགན་སྲུང་ལྟེ་གནས་ཀྱི་འགན་འཁུར་བས། མང་ཚོགས་ཀྱིས་གཞི་གཅིག་ཅན་གྱི་འཕྲུལ་ཆས་ནས་རྨང་གཞིའི་ཆ་འཕྲིན་འཚོལ་བསྡུའམ་ཡང་ན་གཱ་བརྗེ་པོ་རྒྱག་པ་སོགས་ཀྱི་ལས་སྒོ་གཉེར་ཆོག འཕྲུལ་ཆས་དེ་སྤྱད་པ་ནས་བཟུང་། མང་ཚོགས་ཕར་རྒྱུག་ཚུར་རྒྱུག་མང་པོ་བྱེད་མི་དགོས་པ་དང་། ལས་ཕྱོད་ཆེ་རུ་དང་འགྲོ་ལུགས་སྟབས་བདེ་རུ་སོང་ཡོད་པ། སྐར་ཁུང་དུ་བང་ཡུན་རིང་པོ་སྒྲིག་མི་དགོས་པས། མང་ཚོགས་བློ་ཡིད་ཚིམ་ཚད་ཆེ་རུ་ཕྱིན་པ་མ་ཟད། སྤྱི་ཚོགས་འགན་སྲུང་གཱ་ཡི་ཆ་འཕྲིན་འཚོལ་བསྡུ་བྱེད་པའི“མཐའ་མའི་འགག་གནད”བཤངས་ནས། ཕྱོགས་བསྡུས་བཀོལ་སྤྱོད་ལ་རྨང་གཞི་བརྟན་པོ་ཞིག་བཏིང་ཡོད། གོམ་སྟབས་རྗེས་མར། ང་ཚོས་གཞི་གཅིག་ཅན་གྱི་འཕྲུལ་ཆས་དེ་ནས་སྤྱི་ཚོགས་འགན་སྲུང་གཱ་ཡི་དངུལ་རྩའི་ནུས་པ་ཐོན་པ་དང་སྤྱི་ཚོགས་འགན་སྲུང་གི་ཆ་འཕྲིན་འཚོལ་བཤེར་སོགས་ཀྱི་ནུས་པ་མང་པོ་བེད་སྤྱོད་གཏོང་ཐུབ་པ་བྱས་ནས། མང་ཚོགས་ལ་སྤྱི་ཚོགས་འགན་སྲུང་གཱ་ཡི་ལས་སྒོ་གཉེར་བར་དེ་བས་སྟབས་བདེ་བསྐྲུན་རྒྱུ་ཡིན་ཞེས་བཤད་པ་རེད།
རྩོམ་སྒྲིག་པ། བདེ་སྒྲོལ།