ཁྲེན་རུའེ་ཧྥུང་གིས་དྲ་རྒྱའི་བདེ་འཇགས་དང་ཆ་འཕྲིན་ཅན་གྱི་སྤུས་ཚད་ཇེ་མཐོར་གཏོང་དགོས་པར་ནན་གྱིས་བསྟན།
སྤེལ་དུས 2020-12-10
ཡོང་ཁུངས། ཀྲུང་གོ་བོད་ཀྱི་དྲ་བ།
རྩོམ་པ་པོ།
ཟླ12ཚེས8ཉིན། མཚོ་སྔོན་ཞིང་ཆེན་ཏང་ཨུའི་རྒྱུན་ཨུ་དང་། དྲིལ་བསྒྲགས་པུའུ་ཀྲང་། ཞིང་ཆེན་ཏང་ཨུའི་དྲ་རྒྱའི་བདེ་འཇགས་དང་ཆ་འཕྲིན་ཅན་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཁྲེན་རུའེ་ཧྥུང་ཞིང་ཆེན་ཏང་ཨུའི་དྲ་འཕྲིན་གཞུང་ལས་ཁང་དུ་བརྟག་ཞིབ་གནང་བར་ཕེབས་ཏེ། ཡུལ་དངོས་སུ་སྒྲིག་གཞི་སྒྲིག་འཛུགས་དང་། མི་སྣ་བཀོད་སྒྲིག ལམ་སྲོལ་འཁོར་སྐྱོད། ལས་ཀའི་ཕན་འབྲས་དངོས་སོགས་ཀྱི་གནས་ཚུལ་ལ་གཟིགས་ཞིབ་གནང་།
ཁྲེན་རུའེ་ཧྥུང་གིས་ཞིང་ཆེན་ཏང་ཨུའི་དྲ་འཕྲིན་གཞུང་ལས་ཁང་གི་ཉེ་བའི་ལོ་ཤས་རིང་གི་ལས་དོན་ལ་ཁས་ལེན་གང་ལེགས་གནང་ནས་བསྟན་དོན། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱས་ཏེ། “འདུ་ཤེས་བཞི”ཇེ་དྲག་ཏུ་གཏོང་བ་དང་། “གདེང་ཚོད་བཞི”བརྟན་པོར་འཛུགས་པ། “སྲུང་སྐྱོང་གཉིས”སྒྲུབ་ཐུབ་པར་བྱས་ནས་དྲ་རྒྱའི་འདུ་ཤེས་འཛིན་སྟངས་ལས་དོན་གྱི་འགན་འཁྲིའི་ལམ་ལུགས་དོན་འཁྱོལ་ནན་པོ་བྱེད་པ་དང་། འཐབ་རྩོད་ཀྱི་སྙིང་སྟོབས་དར་སྤེལ་དང་། འཐབ་རྩོད་ཀྱི་འཇོན་ཐང་ཆེར་གཏོང་། གཡུལ་ས་གཙོ་བོ་སྟོབས་ཆེར་གཏོང་བ། རང་འགུལ་དམག་འཐབ་ཡག་པོར་བརྒྱབ་ནས་དྲ་ཐོག་གི་བཟང་ཕྱོགས་དྲིལ་སྒྲོག་རྒྱ་ཆེན་པོ་དང་སྟོབས་ཆེ་རུ་གཏོང་བ། ཏང་གི་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པའི་དགོངས་དོན་སློབ་སྦྱོང་དང་། དྲིལ་སྒྲོག ལག་བསྟར་བཅས་ཡག་པོ་བྱས་ཏེ། ཚང་འཛོམས་གྲོས་ཚོགས་ཀྱི་དགོངས་དོན་དྲ་དམངས་དང་ཉེ་བར་བཅར་ནས་ཁྱིམ་ཚང་ཁྲི་སྟོང་མང་པོར་བསྐྱོད་རྒྱུར་སྐུལ་འདེད་གཏོང་དགོས་ཞེས་བསྟན།
ཁྲེན་རུའེ་ཧྥེང་གིས་གསུང་དོན། ཞི་ཅིན་ཕིང་གི་དྲ་རྒྱའི་སྟོབས་ལྡན་རྒྱལ་ཁབ་ཀྱི་འཐབ་ཇུས་བསམ་བློས་དྲ་ཐོག་ཏུ་གཅིག་གྱུར་གྱིས་དྲིལ་སྒྲོག་བྱེད་པར་རྒྱུན་འཁྱོངས་བྱས་ཏེ། ཀྲུང་དབྱང་གི་བཀོད་སྒྲིག་དང་ཞིང་ཆེན་ཏང་ཨུའི་བླང་བྱ་ཕྱོགས་ཡོངས་ནས་ལག་བསྟར་བྱེད་པ་དང་། དྲ་ཐོག་གི་གླེང་ཕྱོགས་ཁྲིད་སྟོན་ལ་ཤུགས་སྣོན་དང་ཇེ་ལེགས་སུ་བཏང་ནས་མཐའ་གཅིག་ཏུ་ཉེན་ཁ་སྔོན་འགོག་དང་སེལ་ཐབས་བྱས་ཏེ། དྲ་རྒྱའི་བར་སྟོང་དྭངས་གཙང་ཡོང་བར་བྱེད་དགོས། ཁྲིམས་དང་སྒྲིག་སྲོལ་ལྟར་དྲ་རྒྱའི་བར་སྟོང་བཅོས་སྐྱོང་བྱེད་ཤུགས་ཆེ་རུ་གཏོང་བ་དང་། ཡང་དག་པའི་དྲ་རྒྱའི་བདེ་འཇགས་ལྟ་བ་བརྟན་པོར་འཛུགས་པ། དྲ་རྒྱའི་བདེ་འཇགས་དྲིལ་སྒྲོག་སློབ་གསོར་ཤུགས་བསྣན་ནས་མི་དམངས་མང་ཚོགས་ཀྱི་ཁྲིམས་མཐུན་ཁེ་དབང་འགན་ལེན་བྱེད་པ། ངེས་པ་དོན་གྱིས་དྲ་རྒྱའི་དོ་དམ་བཅོས་སྐྱོང་བྱེད་ནུས་དང་ཆུ་ཚད་མཐོ་རུ་གཏོང་དགོས། ངེས་པ་དོན་གྱིས་ཏང་གིས་དྲ་འཕྲིན་ལས་དོན་ལ་གཅིག་གྱུར་མགོ་ཁྲིད་བྱ་རྒྱུར་ཤུགས་བསྣན་ནས། “ལོ་ལྔ་ཚན་བཅུ་བཞི་པའི་”དྲ་རྒྱའི་བདེ་འཇགས་དང་ཆ་འཕྲིན་ཅན་གྱི་འཕེལ་རྒྱས་འཆར་འགོད་སྒྲིག་བཟོ་ཡག་པོ་བྱེད་པ་དང་། ཞིང་ཆེན་དང་གྲོང་ཁྱེར། རྫོང་བཅས་རིམ་པ་གསུམ་གྱི་དྲ་འཕྲིན་ལས་དོན་མ་ལག་ལེགས་སྒྱུར་བྱེད་པ། ཆབ་སྲིད་དང་། སྒྲིག་ཁྲིམས། ལས་སྒོ། སྤྱོད་ཚུལ་བཅས་ཀྱི་ཐད་ནས་ཉམས་སད་ཐེག་ཐུབ་པའི་དྲ་འཕྲིན་དམག་དཔུང་ཞིག་འཛུགས་སྐྱོང་གང་ཐུབ་བྱས་ཏེ། དྲ་འཕྲིན་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས་ཞེས་གསུངས། །
རྩོམ་སྒྲིག་པ། བདེ་སྒྲོལ།
