1. ནག་ཉེས་འདི་བཟོས་ན། ལོ3ཡན་དང10མན་གྱི་དུས་བཀག་བཙོན་འཇུག་གི་ཉེས་ཆད་གཅོད་པ།
2. གཤམ་གྱི་གནས་ཚུལ་ལས་རིགས་གཅིག་ཡོད་ན། ལོ10ཡན་གྱི་དུས་བཀག་བཙོན་འཇུག་དང་ཚེ་བཙོན་ནམ་ཡང་ན་སྲོག་ཁྲིམས་ཀྱི་ཉེས་ཆད་གཅོད་པ།
（1）བུད་མེད་ལ་བཙན་གཡེམ་བྱས་པའི་གནས་ཚུལ་ཚབས་ཆེན་ཡིན་པ། དེ་ནི་གཙོ་བོ་དྲག་ཤུགས་ཀྱི་བྱེད་ཐབས་བཏོན་ཏེ། དཔེར་ན་ཐག་པས་བསྡམས་པ་དང་ཁ་ལག་པས་འགབ་པ། མིད་ཐག་བཙིར་བ་སོགས་ཀྱི་ལམ་ནས་བུད་མེད་ལ་བཙན་གཡེམ་བྱེད་པ། བཙན་གཡེམ་བྱེད་པའི་གོ་རིམ་ཁྲོད་བུད་མེད་ལ་རང་སྣང་གང་ཤར་བྱེད་པ། དུས་ཡུན་རིང་པོར་བུད་མེད་གཅིག་ལ་བཙན་གཡེམ་བྱེད་པ། སྨྱོ་ནད་ཅན་གྱི་ནད་པ་དང་མངལ་ཆགས་ཡོད་པའི་བུད་མེད། བུད་མེད་ནད་པ་བཅས་ལ་བཙན་གཡེམ་བྱེད་པ་སོགས་ལྟ་བུ།
（2）བུད་མེད་གང་མང་ལ་བཙན་གཡེམ་བྱས་པ་ཟེར་བ་ནི། ཐེངས་གང་མང་ལ་བུད་མེད་མང་པོར་བཙན་གཡེམ་བྱས་པར་གོ་ཆོག་ལ། ཐེངས་གཅིག་ལ་བུད་མེད་མང་པོར་བཙན་གཡེམ་བྱས་པར་ཡང་གོ འདིར་བུད་མེད་མང་པོ་ཞེས་པ་ནི་བུད་མེད3གྱི་ཡན་དང་། དེར་ནང་གསེས་སུ་བུད་མེད་དང་ན་སོ་ཆུང་བའི་བུ་མོ། ན་སོ་ཆུང་བའི་བུ་མོ་སྤྱི་སྡོམ3གྱི་ཡན་བཅས་འདུ། ཡིན་ན་ཡང་འདིར་ན་སོ་ཆུང་བའི་བུ་མོ3གྱི་ཡན་རྐྱང་རྐྱང་འདུ་བ་མིན།
（3）མི་མང་འདུས་སྡོད་བྱེད་ས་རུ་བུད་མེད་ལ་བཙན་གཡེམ་བྱས་པ། དེ་ནི་རླངས་འཁོར་འབབ་ཚུགས་དང་གྲུ་ཁ། སྨན་ཁང་། སློབ་གྲྭ སྤྱི་གླིང་། ཟློས་གར་ཁང་སོགས་འདུ་འཛི་ཆེ་སའི་གནས་བཅས་ལ་གོ།
（4）མི2ཡན་གྱིས་བསྐོར་གཡེམ་བྱས་པ། དེ་ནི་སྐྱེས་པ2ཡན་གྱིས་གཅིག་གྱུར་གྱི་དུས་ཚོད་ཐུང་ངུའི་ནང་མཉམ་དུ་བཙན་གཡེམ་བྱས་ཤིང་། བསམ་གཟས་ཏེ་བུད་མེད་གཅིག་ལ་སྔ་རྗེས་སུ་བསྐོར་གཡེམ་བྱས་པའི་བྱ་སྤྱོད་ཅིག་ལ་ཟེར།
（5）གནོད་འཚེ་ཐེབས་མཁན་ལ་རྨས་སྐྱོན་ལྕི་མོ་དང་ཚེ་ལས་འདས་པའམ་ཡང་ན་གཞན་པའི་མཇུག་འབྲས་ཚབས་ཆེན་བཟོས་པ། དེ་ནི་བྱ་སྤྱོད་སྤེལ་མཁན་གྱིས་བུད་མེད་ལ་བཙན་གཡེམ་མ་བྱས་སྔོན་དུའམ་ཡང་ན་བཙན་གཡེམ་བྱེད་པའི་གོ་རིམ་ཁྲོད་བསམ་གཟས་ཏེ་དྲག་ཤུགས་སྤྱད་པའམ། རང་ཉིད་ཀྱི་ཆགས་སྲེད་བྱ་སྤྱོད་ལ་རྐྱེན་བྱས་ནས་གནོད་འཚེ་ཐེབས་མཁན་ལ་རྨས་སྐྱོན་ལྕི་མོ་བཟོས་པ་དང་། ཡང་ན་ཐད་ཀར་ཡུལ་དངོས་ནས་འཆི་ལམ་དུ་བརྫངས་པའམ་སྨན་བཅོས་བྱས་པ་བརྒྱུད་ཕན་ཐོགས་མ་བྱུང་བར་ཚེ་ལས་འདས་པ་ཞིག་ལ་ཟེར། གལ་ཏེ་བྱ་སྤྱོད་སྤེལ་མཁན་གྱིས་མི་བསོད་པའི་བསམ་བློ་ནི་བསམ་བཞིན་ཡིན་ཞིང་དྲག་ཤུགས་སྤྱད་དེ་འཆི་ལམ་དུ་བརྫངས་རྗེས་བེམ་པོར་བཙན་གཡེམ་བྱས་ཚེ། དེ་ནི་བསམ་གཟས་ཏེ་མི་བསད་པའི་ནག་ཉེས་སུ་གྲུབ་ཡོད་ཅིང་། དེ་མིན་བེམ་པོར་བཙན་གཡེམ་བྱས་པ་ནི་གནས་ཚུལ་ཚབས་ཆེན་ཞིག་ཏུ་ཆགས་ཡོད། གལ་ཏེ་བྱ་སྤྱོད་སྤེལ་མཁན་གྱིས་བུད་མེད་ལ་བཙན་གཡེམ་བྱས་རྗེས། འཁོན་ལན་སློག་པ་དང་བྲོས་བྱོལ་བྱ་ཆེད་བུད་མེད་འཆི་ལམ་དུ་བརྫངས་པའམ་ཡང་ན་རྨས་སྐྱོན་བཟོས་ན། དེ་ནི་ནག་ཉེས་དུ་མའི་ཉེས་ཆད་སྡེབ་གཅོད་དུ་གྲུབ་ཡོད། གཞན་པའི་མཇུག་འབྲས་ཚབས་ཆེན་ཞེས་པ་ནི་བཙན་གཡེམ་བྱ་སྤྱོད་ལ་རྐྱེན་བྱས་ཏེ་གནོད་འཚེ་ཐེབས་མཁན་གྱི་བསམ་བློ་རྒྱུན་ལྡན་མིན་པ་དང་རང་སྲོག་བཅད་པའམ་ཡང་ན་གཉེན་འཐོར་དུ་བཅུག་པ་སོགས་ཀྱི་གནས་ཚུལ་ལ་ཟེར།
（6）ལོ14ལ་སོན་མེད་པའི་ན་སོ་ཆུང་བའི་བུ་མོ་ལ་ལོག་གཡེམ་བྱས་ན། དེ་ནི་བཙན་གཡེམ་བྱས་པར་བརྩིས་ཏེ་ཉེས་ཆད་ལྕི་མོ་གཅད་དགོས།
གོང་འཁོད་ལས“བཙན་གཡེམ་ཞུ་གཏུག་བྱེད་ན་དཔང་རྟགས་ཅི་ཞིག་དགོས་པ”དང“བཙན་གཡེམ་ནག་ཉེས་ལ་ཉེས་ཆད་ཇི་ལྟར་གཅད་དགོས་པའི”ཐད་ནས་བྱེ་བྲག་གིས་འགྲེལ་བཤད་བྱས་ཡོད་ཅིང་། བཙན་གཡེམ་ནག་ཉེས་ནི་ཤིན་ཏུ་དྲག་ཤུགས་ལྡན་པའི་ནག་ཉེས་རིགས་ཤིག་ཡིན་པས།བཙན་གཡེམ་ནག་ཉེས་བསགས་པའི་གོ་རིམ་ཁྲོད་གནོད་འཚེ་ཐེབས་མཁན་གྱི་བུད་མེད་ལ་རྨས་སྐྱོན་འཕོག་སྲིད་ལ། དེའི་ཚད་ཚབས་ཆེན་ཡིན་ན་ཚེ་ལས་འདས་ངེས། སྐབས་དེར་བྱ་སྤྱོད་སྤེལ་མཁན་གྱི་ཉེས་ཆད་ཀྱང་ཇེ་ལྕི་ནས་ཇེ་ལྕི་རུ་འགྲོ་ངེས།
བཙན་གཡེམ་ནག་ཉེས་ཞུ་གཏུག་བྱེད་ན་དཔང་རྟགས་ཅི་ཞིག་དགོས།
བཙན་ཤུགས་སྤྱད་དེ་ཕོ་མོའི་བར་དུ་འབྲེལ་བ་བྱུང་བར་ཐད་ཀར་བདེན་དཔང་དགོས་པ་ལས་གཞན། ད་དུང་ཁྱོད་དང་ཕ་རོལ་ པོའི་བར་དུ་འབྲེལ་བ་བྱུང་བ་ནི་ཁྱོད་ཀྱི་འདོད་མོས་དང་འགལ་བ་ཡིན་པར་དཔང་རྟགས་བཏོན་ཏེ་བདེན་དཔང་བྱ་དགོས།
གལ་ཏེ་ཁྱོད་ཀྱི་ལུས་སྟེང་དུ་རྨ་ཤུལ་ཡོད་ཀྱང་ཚད་ངེས་ཅན་ཞིག་ལས་ཁྱོད་རང་འདོད་མིན་པ་བདེན་དཔང་བྱ་ཆོག་པ།
གཞན་ཡང་བཙན་ཤུགས་སྤྱད་དེ་ཁྱོད་དང་འབྲེལ་བ་བྱུང་བའི་ཁྲོད་ཁྱོད་ཀྱིས་གཞན་པའི་ངོ་རྒོལ་བྱས་པའི་བྱ་སྤྱོད་ཡོད་མེད་དང་དེར་འབྲེལ་གྱི་དཔང་རྟགས་ཡོད་མེད་ལ་བསམ་བློ་གཏང་དགོས་ཤིང་། དཔེར་ན་ངོ་རྒོལ་བྱེད་དུས་སྤྱད་པའི་དངོས་པོ་ལྟ་བུ།
བྱེ་བྲག་ཏུ་དཔེར་ན་ཡུལ་དངོས་སུ་ཡོད་པའི་ཤུལ་བཞག་དངོས་པོ་དང་དོགས་ཡོད་ཉེས་ཅན་གྱི་སྐྲའི་ཉག་མ། ད་དུང་དོགས་ཡོད་ཉེས་ཅན་གྱི་ལུས་སྟེང་གི་དངོས་པོ་སོགས་སྤྱི་བདེ་ལས་ཁུངས་ལ་སྤྲད་ཆོག ཐད་ཀར་གྱོད་དོན་སྙན་སེང་ཞུས་ཏེ་སྤྱི་བདེ་ལས་ཁུངས་ལ་ཡུལ་དངོས་སུ་རྟོག་ཞིབ་བྱེད་དུ་འཇུག་པ་དང་དཔང་རྟགས་འཚོལ་སྡུད་བྱས་ནས། གནོད་འཚེ་ཕོག་ཡུལ་ལ་ཁྲིམས་དཔྱད་སྨན་པའི་གསལ་འབྱེད་བྱེད་པ་སོགས་ལྟ་བུ།
རྩོམ་སྒྲིག་པ། བདེ་སྒྲོལ།
