ཐུན་ཏེ་རྫོང་ཁྲིམས་འཛིན་ཅུའུ་རྨ་བྱང་ཁྲིམས་འཛིན་ཁང་གིས་ཁྲིམས་སྐྱོང་དྲིལ་བསྒྲགས་སློབ་གསོའི་བྱེད་སྒོ་སྤེལ་བ།
སྤེལ་དུས 2021-05-26
ཡོང་ཁུངས། ཀྲུང་གོའི་བོད་ལྗོངས་དྲ་བ།
རྩོམ་པ་པོ།
ཀྲུང་གོའི་བོད་ལྗོངས་དྲ་བའི་འཕྲིན། ཏང་གི་ལོ་རྒྱུས་སློབ་སྦྱོང་གི་སློབ་གསོར་རྒྱུན་མཐུད་ངང་སྐུལ་འདེད་གཏོང་བ་དང་། སྲིད་ཁྲིམས་དཔུང་སྡེའི་སློབ་གསོའི་དག་ཐེར་བྱ་བ་ཏན་ཏིག་གིས་སྤེལ་ནས། 《དམངས་དོན་ཁྲིམས་གཞུང》གིས་མང་ཚོགས་ཁྲོད་ཀྱི་ཤུགས་རྐྱེན་ཐེབས་ཤུགས་ཆེ་རུ་གཏོང་ཆེད། ཟླ5ཚེས21ཉིན་ཐུན་ཏེ་རྫོང་ཁྲིམས་འཛིན་ཅུའུ་རྨ་བྱང་ཁྲིམས་འཛིན་ཁང་གིས་སྐྱིད་པའི་འཚོ་བ་དམངས་དོན་ཁྲིམས་གཞུང་དང་འགྲོགས་ནས་རོལ་ཞེས་པ་བརྗོད་བྱ་གཙོ་བོར་བཟུང་སྟེ་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་འཁོར100ལོན་པར་རྟེན་འབྲེལ་ཞུ་བ་དང་འབྲེལ་ནས་ཁྲིམས་སྐྱོང་དྲིལ་བསྒྲགས་སློབ་གསོའི་བྱེད་སྒོ་སྤེལ་བ་རེད། རྨ་བྱང་ཞང་གི་མར་རྒྱུད་སྡེ་བ་ལྔ་ཡི་ཏང་གི་འཐུས་མི་དང་དམངས་ཆེན་འཐུས་མི་བསྡོམས་པའི་མི360ལྷག་བྱེད་སྒོར་ཞུགས་ཡོད་པ་རེད།
ཛ
ཚོགས་འདུའི་ཡུལ་དངོས།
རྒྱུས་ལོན་བྱུང་བ་ལྟར་ན། བྱེད་སྒོའི་ཁྲོད་ཁྲིམས་འཛིན་སུའོ་ཀྲང་གིས་ཚང་མར《དམངས་དོན་ཁྲིམས་གཞུང》གི་གཏན་འབེབས་གསར་པ་གསལ་འགྲེལ་བྱས་པ་དང་། 《དམངས་དོན་ཁྲིམས་གཞུང》གི་རྒྱབ་ལྗོངས་དང་གཞི་རྩའི་དགོངས་དོན། མང་ཚོགས་ཀྱིས་དོ་ཁུར་ཆེ་ཞིང་ཁ་ཚ་དགོས་གཏུགས་ཀྱི་གནད་དག་གྱོད་དཔེ་དང་འབྲེལ་ཏེ་ཁྲིམས་ཀྱི་འགྲེལ་བཤད་དང་གོ་བདེ་ཞིང་ཤེས་སླ་བའི་སྒོ་ནས་ཁྲིམས་གཞུང་དྲིལ་བསྒྲགས་བྱས་ཏེ། རོང་འབྲོག་མང་ཚོགས་ཀྱིས་བཅའ་ཁྲིམས་ཀྱི་མཚོན་ཆ་སྤྱད་དེ་རང་ཉིད་ཀྱི་ཁྲིམས་མཐུན་ཁེ་དབང་སྲུང་སྐྱོང་དང་འགལ་བ་དང་རྩོད་གཞི་སེལ་རྒྱུར་ཁྲིད་སྟོན་ཡག་པོ་བྱས་པ་རེད། དུས་མཚུངས་སུ། མང་ཚོགས་ལ་བྱ་བ་དངོས་སྒྲུབ་པ་ནི་ཏང་གི་ལོ་རྒྱུས་སློབ་སྦྱོང་སློབ་གསོའི་འགོ་འཛུགས་ས་དང་དོན་ལ་བབས་ས་ཡིན་ཞིང་། ཏང་གི་འཐུས་མི་དང་དམངས་ཆེན་གྱི་འཐུས་མི་དག་གིས་ཏང་གི་ལོ་རྒྱུས་སློབ་སྦྱོང་བྱ་རྒྱུ་དེ་བཅའ་ཁྲིམས་ཁྲིམས་སྲོལ་དང་ཟུང་འབྲེལ་བྱས་ནས་ཏང་གི་དྲིན་ཚོར་ཞིང་བཅའ་ཁྲིམས་ཁྱབ་གདལ་བཏང་ནས། དམངས་ལ་ཞབས་ཞུ་བསྒྲུབ་པ་བཅས་བྱས་ཏེ་སློབ་སྦྱོང་ཁྲོད་དད་སེམས་ཇེ་བརྟན་དུ་གཏོང་བ་དང་འབད་འབུངས་ཁྲོད་ཐོག་མའི་བསམ་འདུན་དང་འགན་འཁྲི་ལག་ལེན་དུ་བསྟར་དགོས་པ་གསལ་བོར་བསྟན།
ཐེངས་འདིའི་བྱེད་སྒོ་སྤེལ་བ་བརྒྱུད།《དམངས་དོན་ཁྲིམས་གཞུང》འདི་ལ་མི་དམངས་མང་ཚོགས་ཀྱི་ལྟ་སྟངས་དང་ངོས་འཛིན་བྱེད་ཚད་སྔར་ལས་ཇེ་ཟབ་ཏུ་ཕྱིན་ཏེ《དམངས་དོན་སྐོར་ཁྲིམས་གཞུང་》དེ་མང་ཚོགས་ཀྱི་སེམས་ཀྱི་གཏིང་རུམ་དུ་གནས་ཐུབ་པ་དང་། མང་ཚོགས་ཀྱི་གམ་དུ་སླེབས་ཐུབ་པར་བྱས་ཤིང་། མང་ཚོགས་ཀྱིས་ཁྲིམས་སློབ་པ་དང་ཁྲིམས་ཤེས་པ། ཁྲིམས་སྲུང་བ། ཁྲིམས་སྤྱོད་པ་བཅས་ཀྱིས་སྐྱིད་པའི་འཚོ་བ་དམངས་དོན་ཁྲིམས་གཞུང་དང་འགྲོགས་ནས་རོལ་ཐུབ་པར་མཐུན་རྐྱེན་ལེགས་པོ་བསྐྲུན་ཡོད།
རྩོམ་སྒྲིག་པ། རིག་གྲོལ།
