ཀྲུང་གོའི་བོད་ལྗོངས་དྲ་བའི་འཕྲིན། སྲིད་ཁྲིམས་དཔུང་སྡེའི་སློབ་གསོ་དག་ཐེར་གྱི་བྱ་བ་འགོ་བརྩམས་པ་ནས་བཟུང་། མཚོ་སྔོན་ཞིང་ཆེན་མཚོ་ལྷོ་ཁུལ་ཐུན་ཏེ་རྫོང་ཁྲིམས་འཛིན་ཅུའུ་ཡིས་སློབ་གསོ་སློབ་སྦྱོང་གི་དུས་སྐབས་ནས་བསགས་པའི་བསམ་བློའི་ཉིང་བཅུད་དག་བྱ་བ་དངོས་དང་ཟུང་དུ་འབྲེལ་ནས། ངའི་དམངས་ཀྱི་ཆེད་དུ་བྱ་བ་སྒྲུབ་ཞེས་པའི་ཞབས་ཞུའི་བྱེད་སྒོ་རབས་དང་རིམ་པ་སྤེལ་ཏེ། དམངས་ཀྱི་སྡུག་བསྔལ་སེལ་ཞིང་དམངས་ཀྱི་དཀའ་ཁག་བསལ་ལ། སྣ་མང་འདུམ་སྒྲིག་གི་སྒྲིག་གཞི་རྩལ་ཏུ་བཏོན་ནས་དོ་བདག་ཕྱོགས་གཉིས་ཀྱི་ཁེ་ཕན་ལ་སྲུང་སྐྱོབ་བྱས་ཏེ་མི་དམངས་ལ་ཞབས་ཞུ་བཟང་བོ་སྒྲུབ་པར་བསྟེན།སྤྱི་ཚོགས་ཀྱི་བརྟན་བརླིང་འཕེལ་རྒྱས་ལ་སྐུལ་འདེད་བྱས།
ཆ་འཕྲིན་སྡུད་པར་ཤུགས་བསྣན་ནས། བག་གནས་གནད་དོན་ཞིབ་བཤེར་བྱས།
མཚོ་སྔོན་ཞིང་ཆེན་མཚོ་ལྷོ་ཁུལ་ཐུན་ཏེ་རྫོང་འགལ་རྩོད་ཕྱོགས་བསྡུས་མཉམ་སྒྲུབ་ཞབས་ཞུ་ལྟེ་གནས་ཀྱིས་སྡེ་བ་དང་སྡོད་ཁུལ་གྱི་ཁྲིམས་ལུགས་བློ་སྟོན་པ་གཞི་བྱས་ཏེ། ཁྲིམས་འཛིན་ཁང་སོ་སོ་གཞི་རིམ་གྱི་སྡེ་བ་དང་སྡོད་ཁུལ་སོགས་ལ་འགྲོ་རུ་བཅུག་ནས་འབྲེལ་གཏུག་བྱང་བུ་བཀྲམ་སྟེ། དམངས་ཀྱི་སེམས་གཏམ་ལ་ཉན་པ་དང་དམངས་ཀྱི་འདོད་མོས་བརྟག་ནས། འགལ་རྩོད་སྣ་ཚོགས་དུས་ལྟར་ངེས་པར་བྱས་ལ། གཏན་འཇགས་མིན་པའི་རྒྱུ་རྐྱེན་ཐ་དག་ལ་ཞིབ་བཤེར་བྱས། སྡེ་བའི་ལས་བྱེད་པ་དང་འབྲེལ་འདྲེས་ཟབ་མོ་བྱས་ནས་དུས་ལྟར་འགལ་བ་སྣ་ཚོགས་ལ་རྒྱུས་མངའ་ཡོད་པར་བྱས་ཏེ་རེ་རེ་བཞིན་ཐོ་འགོད་བྱེད་པ་དང་། འགལ་བ་ཛ་དྲག་དག་ལ་འདུམ་སྒྲིག་འཆར་གཞི་བཟོས་ནས་ཆེད་མངགས་འདུམ་སྒྲིག་པ་བཀོད་སྒྲིག་བྱས་ཏེ་འདུམ་པ་དང་། བསྡུམ་ཟིན་པའི་གྱོད་གཞི་ལ་རྒྱུས་འདེད་བརྟག་དཔྱད་བྱས་ཡོད།
འགལ་བའི་རྒྱུ་རྐྱེན་གསལ་བྱས་ཏེ། ལེགས་པའི་ལམ་ཁྲིད་བྱེད་ལ་འབད།
འདུམ་སྒྲིག་པའི་དོ་བདག་ཕྱོགས་གཉིས་སོ་སོར་བཀར་ཏེ། གང་ལ་གང་མཐུན་གྱིས་སློབ་གསོ་གཏོང་བའི་ཐབས་ལ་བསྟེན་ནས། དོ་བདག་ཕྱོགས་གཉིས་ཀྱི་སེམས་གཏམ་ལ་ཉན་པ་དང་། ཕྱོགས་ཡོངས་ནས་འགལ་བའི་འབྱུང་རྐྱེན་ལ་དབྱེ་ཞིབ་བྱེད་པ། སེམས་ཞིབ་མོས་དོ་བདག་ལ་སློབ་གསོ་དང་སེམས་ཁམས་ལ་རྒྱུས་ལོན་བྱས་ཏེ། དོ་བདག་ཕྱོགས་གཉིས་ཀྱི་ལངས་ཕྱོགས་ནས་འདང་རྒྱག་པ་དང་། འབྲེལ་ཡོད་ཀྱི་ཁྲིམས་ལུགས་ཁྲིམས་སྲོལ་དང་གྱོད་དཔེ་སྤྱད་དེ་དོ་བདག་དང་དམངས་ཚོགས་ལ་སློབ་གསོ་བཏང་ནས། གྱོད་གཅིག་བསྡུམ་ན་ས་ཁུལ་གཅིག་ལ་སློབ་གསོ་ཐོབ་པའི་གྲུབ་འབྲས་ཡག་པོ་ཐོན་ཞིང་། འགལ་བ་ཐ་དག་འགོ་འབུས་དུས་ནས་སེལ་བར་བྱས་ཏེ་དོན་ཆུང་སྡེ་བ་དངདོན་ཆེན་ཞང་མན་ཆད་ནས་ཐག་གཅོད་ཐུབ་ཅིང་། འགལ་བ་གཞི་རིམ་དང་རྩ་བ་ནས་སེལ་ཐུབ་པའི་གྲུབ་འབྲས་བཟང་བོ་བླངས།
གྱོད་དོན་འདུམ་འགྲིག་བྱས་པས་དམངས་ཀྱི་སེམས་པ་སྤྲོ་བས་ཁེངས།
ཁྱབས་ཁོངས་གཙོ་བོ་དམ་འཛིན་གྱིས། འགལ་བ་སྣ་ཚོགས་གཏིང་ནས་སེལ།
ཁྲིམས་ལུགས་དྲིལ་སྒྲོག་རྒྱུ་ཆ་བཀྲལ་པ་དང་ཁྲིམས་སྐྱོང་འཆད་ཁྲིད་སྤེལ་བ་སོགས་ཀྱི་ཐབས་ལམ་སྣ་ཚོགས་བརྒྱུད་ནས། གཞི་རིམ་དུ་ཁྲིམས་ལུགས་སློབ་གསོ་སྤེལ་ཏེ། རྒྱུན་དུ་འབྱུང་སླ་བའི་འགལ་རྩོད་སོགས་ལ་ཆེད་དུ་དམིགས་ནས་འབྲེལ་ཡོད་ཀྱི་ཁྲིམས་ལུགས་བསྒྲགས་ཤིང་། མང་ཚོགས་ལ་ཡང་དག་པའི་ཁྲིམས་ལུགས་ཀྱི་ཐབས་ལ་བསྟེན་ནས་རང་ཉིད་ཀྱི་ཁེ་དབང་སྲུང་དགོས་པའི་སྐུལ་མ་བྱས། འགོ་ཁུངས་ནས་འགལ་བ་སེལ་རྒྱུ་དང་། འགལ་རྩོད་སྔོན་འགོག་བྱེད་པའི་ཆེད་དུ་ཁེ་ལས་སུ་སོང་ནས་ལས་གཞི་གཙོ་བོ་དང་། སྤྱི་དམངས་གནས་སྤོར། ས་ཞིང་ཕྱིར་བསྡུ་སོགས་ཀྱི་འགལ་བ་ལ་ཁ་གཏད་དེ་ཁྲིམས་ལུགས་དྲིལ་སྒྲོག་གཙོ་བོར་བཟུང་ནས།དམངས་དོན་ཁྲིམས་གཞུང་དྲིལ་བསྒྲགས་གཙོར་བྱས་ཏེ་ཁེ་ལས་དང་། དངུལ་བུན། བརྩེ་འདང་། ཁྱིམ་ཚང་། ཁྱིམ་མཚེས་སོགས་ཀྱི་འགལ་བ་ལ་གདོང་གཏད་ནས་ཁྲིམས་ཀྱི་སློབ་གསོ་སྣ་ཚོགས་བཏང་བས་འགལ་བ་མངོན་གསལ་གྱིས་ཇེ་ཉུང་དུ་གྱུར།
རྩོད་རྙོག་ཕྱོགས་བསྡུས་འདུམ་སྒྲིག་གིས། སྤྱི་ཚོགས་འཆམ་མཐུན་ཡོང་བར་བསྐུལ།
ད་ལོ་ནས་བཟུང་ལྟེ་གནས་ཀྱིས་འགལ་བ་སྣ་ཚོགས21ལྷག་བསྡུམ་པ་དང་། དོ་བདག་གི་དཔལ་འབྱོར་གྱོང་གུད་སྒོར944431ལྷག་གསབ། དེའི་ཁྲོད་དུ་གཉེན་དོན་ཁྱིམ་ཚང་གི་འགལ་བ5དང་། ལས་གླ་ཆད་པའི་འགལ་བ6དང་། མི་ལུས་གནོད་སྐྱོན་གྱི་སྐྱིན་ཚབ5དང་། དམངས་ཁྲོད་བསྐྱི་དངུལ་གྱི་འགལ་བ2དང་། གན་རྒྱའི་རྩོད་གཞི2དང་། ཁང་པ་ཕྱིར་བསྡུས་ཀྱི་རྩོད་གཞི1བཅས་ཡོད། ཁྲིམས་ལུགས་གཞི་རྩ་དང་དམངས་དོན་ལ་ཟུར་བལྟ་བྱེད་པའི་ཐབས་རྩལ་གྱིས་མི་དམངས་མང་ཚོགས་ལ་འགལ་བ་རེ་རེའི་ཁྲོད་དུ་འདྲ་མཉམ་དང་དྲང་གཞག་ཚོར་ཏུ་བཅུག་པར་མ་ཟད། གྱོད་དོན་བསྡུམ་ཚར་རྗེས་དོ་བདག་ཕན་ཚུན་བར་ཁ་བཏགས་ཕུལ་བ་དང་ལག་འཇུ་བྱས་ནས་འགྲིག་མཐུན་བྱུང་བར་མ་ཟད་འདུམ་སྒྲིག་པར་བཀའ་དྲིན་ཞུ་བཞིན་ཡོད། དེ་མཚུངས་སུ་མི་དམངས་མང་ཚོགས་ལ་སྲིད་ཁྲིམས་དཔུང་སྡེའི་སློབ་གསོ་དག་ཐེར་ལས་ཐོན་པའི་གྲུབ་འབྲས་ཀྱང་ཤེས་སུ་བཅུག་ཡོད།
རྩོམ་སྒྲིག་པ། རིག་གྲོལ།
