འདིར་གཏམ་བཟང་ཞིག་ཡོད།
འདི་ལོ་བོད་ལྗོངས་ཀྱིས་ལས་ཞུགས་ལས་གནས་70000ལས་མི་ཉུང་བ་མཁོ་འདོན་བྱ་རྩིས་འདུག
སྤེལ་དུས 2021-07-06
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
ཉེ་ཆར་གསར་འགོད་པས་བོད་རང་སྐྱོང་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་ནས་ཤེས་རྟོགས་བྱས་པར་གཞིགས་ན། འབྲེལ་ཡོད་གྲངས་གཞི་ལས་མངོན་པར། འདི་ལོ་བོད་ཀྱི་ལོ་འདི་གའི་མཐོ་སློབ་སློབ་ཐོན་སློབ་མ་ཁྲི་2.97ཟིན་ནས་སློབ་ཐོན་མི་གྲངས་སླར་ཡང་ཟིན་ཐོ་གཏོད་ཡོད་པ་རེད། རྒྱ་ཆེའི་སློབ་ཐོན་སློབ་མ་སློབ་གྲྭ་ནས་ཐོན་ཏེ་སྤྱི་ཚོགས་སུ་སྐྱོད་པ་དེ་ནི་གོ་སྐབས་ཤིག་ཡིན་ལ་འགྲན་སློང་ཞིག་ཀྱང་རེད། དེར་བརྟེན་བོད་རང་སྐྱོང་ལྗོངས་ཏང་ཨུད་དང་སྲིད་གཞུང་གིས་ཐོག་མཐའ་བར་གསུམ་དུ་མཐོ་རིམ་སློབ་ཐོན་སློབ་མའི་ལས་ཞུགས་ལས་དོན་དེ་ལས་ཞུགས་བརྟན་པོ་དང་ལས་ཞུགས་འགན་ལེན་བྱེད་པའི་ལས་འགན་ཨང་དང་པོར་བརྩིས་ནས་རིམ་ཁག་སྡེ་ཚན་ཁག་གིས་གཅིག་གྱུར་འཆར་འགོད་ཀྱིས་སྐུལ་འདེད་དང་མཉམ་དུ་ཤུགས་བརྒྱབ་སྟེ་བྱ་ཐབས་སྣ་ཚོགས་སྤྱད་ནས་བོད་ལྗོངས་ཀྱི་སློབ་ཆེན་སློབ་ཐོན་སློབ་མའི་ལས་ཞུགས་ལ་ཚད་གཞི་མཐོ་ཤོས་ཀྱི་ཐོག་ནས་སྐུལ་འདེད་གཏོང་བཞིན་ཡོད་པ་རེད།
གསར་འགོད་པས་ཤེས་རྟོགས་བྱས་པར་གཞིགས་ན། འདི་ལོ་བོད་ཀྱི་ལོ་འདི་གའི་མཐོ་སློབ་སློབ་ཐོན་སློབ་མའི་ཆེད་ལས་དེ་རིགས་ཆེན་པོ་20ལ་དབྱེ་ནས་ཆེད་ལས་ལྟར་བོད་སྐྱོར་ཞིང་ཆེན་དང་གྲོང་ཁྱེར་སོ་སོར་མཁོ་འདོན་བྱས་ཏེ་འཆར་གཞི་ཡོད་པ་དང་དམིགས་སའི་རང་བཞིན་ཡོད་པའི་སྒོ་ནས་ལས་གནས་གསར་སྤེལ་བྱ་རྒྱུ་ཡིན་པ་རེད། འདི་ལོ་ནས་བཟུང་ཁག་གཉིས་སུ་བགོས་ནས་ལས་གནས་ཁྲི་4.5དང་གསར་སྤེལ་ཁུལ་ཕུད་པའི་ལས་ཞུགས་ལས་གནས་ཁྲི་1.9ཁྱབ་བསྒྲགས་བྱ་རྒྱུ་ཡིན་པས། སྔོན་དཔག་བྱས་ན་ལོ་ཧྲིལ་པོར་ལས་གནས་ཁྲི་7ལས་མི་ཉུང་བ་མཁོ་འདོན་བྱས་ནས་ལས་གནས་འབྲེལ་མཐུད་འགན་ལེན་ལས་དོན་ལ་སྐུལ་འདེད་ནུས་ལྡན་གཏོང་རྒྱུ་རེད་འདུག
རྩོམ་སྒྲིག་པ། བདེ་སྒྲོལ།
