མཚོ་སྔོན་ཞིང་ཆེན་ཏང་ཨུའི་དྲ་འཕྲིན་གཞུང་དོན་ཁང་གིས་ཞིང་ཆེན་ཡོངས་ཀྱི་དྲ་རྒྱའི་སྲིད་འཛིན་ཁྲིམས་འཛིན་གསོ་སྦྱོང་འཛིན་གྲྭ་བསྡུས།
སྤེལ་དུས 2021-07-07
ཡོང་ཁུངས། ཀྲུང་གོ་བོད་ཀྱི་དྲ་བ།
རྩོམ་པ་པོ།
དྲ་རྒྱའི་ཁྲིམས་འཛིན་དཔུང་ཁག་འཛུགས་སྐྱོང་ལ་ཤུགས་སྣོན་དང་། དྲ་འཕྲིན་ཁྲིམས་འཛིན་གྱི་ནུས་པ་དང་ཆུ་ཚད་སྔར་བས་མཐོ་རུ་གཏོང་བ། དྲ་རྒྱའི་སྲིད་འཛིན་ཁྲིམས་འཛིན་གྱི་བརྒྱུད་རིམ་ཚད་ལྡན་དུ་གཏོང་ཆེད། ཉེ་ཆར་མཚོ་སྔོན་ཞིང་ཆེན་ཏང་ཨུ་དྲ་འཕྲིན་གཞུང་དོན་ཁང་གིས་ཞིང་ཆེན་ཁྲིམས་འཛིན་ཐིང་དང་མཉམ་དུ་ཞིང་ཆེན་ཡོངས་ཀྱི་དྲ་རྒྱའི་སྲིད་འཛིན་ཁྲིམས་འཛིན་གསོ་སྦྱོང་འཛིན་གྲྭ་བསྡུས་ཤིང་། ཞིང་ཆེན་ཡོངས་ཀྱི་གྲོང་ཁྱེར（ཁུལ）8ཀྱི་དྲ་འཕྲིན་གཞུང་དོན་ཁང་དང་རྫོང་རིམ་པའི་དྲ་རྒྱའི་ཆ་འཕྲིན་སྡེ་ཁག་སྐོར་གཅིག་གི་དྲ་འཕྲིན་ཁྲིམས་འཛིན་མི་སྣ58གསོ་སྦྱོང་ནང་ཞུགས།
གསོ་སྦྱོང་འཛིན་གྲྭས་ཀྲུང་དབྱང་དྲ་འཕྲིན་ཁྲིམས་སྐྱོང་ཅུའུ་ཡི་འབྲེལ་ཡོད་ལས་དོན་ཁྲུའུ་ཡི་འགན་འཁུར་བློ་མཐུན་དང་། ཞིང་ཆེན་སྤྱི་བདེ་ཐིང་དང་ཞིང་ཆེན་ཁྲིམས་འཛིན་ཐིང་། ཞིང་ཆེན་རིག་གནས་ཡུལ་སྐོར་ཐིང་། ཞིང་ཆེན་རླུང་འཕྲིན་བརྙན་འཕྲིན་ཅུའུ། ཞིང་ཆེན་ཁྲོམ་ར་ལྟ་སྐུལ་དོ་དམ་ཅུའུ་ཡི་ཁྲིམས་འཛིན་སྡེ་ཁག་གི་འགན་འཁུར་བློ་མཐུན་དང་ཆེད་མཁས་པ་བཅས་གདན་དྲངས་ནས་སློབ་ཁྲིད་བྱས། གསོ་སྦྱོང་ནང་དོན་ཐད་སྤྱི་ཁོག་རིགས་པའི་གཞུང་ལུགས་ཀྱི་ཕྱོགས་དང་། ལག་ལེན་གྱི་བཀོལ་སྤྱོད་བྱེད་ཐབས་ཡོད་པ་མ་ཟད། སྦྲེལ་དྲ་ཁྲིམས་སྐྱོང་མ་ལག་འཛུགས་སྐྱོང་དང་། དྲ་རྒྱའི་བདེ་འཇགས་བཅའ་ཁྲིམས། དྲ་རྒྱའི་སྲིད་འཛིན་ཁྲིམས་འཛིན་གྱི་གློག་རྡུལ་དཔང་ལེན། སྦྲེལ་དྲ་ཁྲིམས་འགལ་དང་མི་ལེགས་པའི་ཆ་འཕྲིན་ངོས་འཛིན་སོགས་ཀྱི་དྲ་རྒྱའི་སྲིད་འཛིན་ཁྲིམས་འཛིན་གྱི་ཞིབ་ཕྲའི་ལས་སྒོ་སོགས་ཡོད། གསོ་སྦྱོང་སློབ་ཁྲིད་མཇུག་བསྒྲིལ་རྗེས་གསོ་སྦྱོང་ནང་ཞུགས་མཁན་སློབ་མ་རྣམས་གཅིག་གྱུར་གྱིས་མཚོ་སྔོན་ཞིང་ཆེན་གྱི་སྲིད་འཛིན་ཁྲིམས་འཛིན་ཐོབ་ཐང་ཡིག་རྒྱུགས་ནང་ཞུགས་པ་རེད། །
རྩོམ་སྒྲིག་པ། བདེ་སྒྲོལ།
