ལས་ངན་མ་བུ་གཉིས།
སྤེལ་དུས 2021-09-24
ཡོང་ཁུངས། ཁྲིམས་ལུགས་ཚགས་པར།
རྩོམ་པ་པོ།
ཟླ9པའི་ཚེས13ཉིན། དཔའ་ལུང་རྫོང་སྤྱི་བདེ་ཅུའུ་ལ་ཤ་བོ་འགག་ལུང་ཁང་སྡེ་བའི་མཱ་ཆེ་གེ་མོས་ཉེན་བརྡ་འབྱོར་ཏེ། ཁྱོ་གས་རང་ཉིད་དང་བུ་མོར་གཅར་རྡུང་བྱས་སྟབས་མྱུར་དུ་ཐག་གཅད་དགོས་པའི་རེ་བ་ཞུས་པ་ན། ཉེན་རྟོག་པས་གནས་ཚུལ་དེ་དང་ལེན་བྱས་རྗེས། དཔའ་ལུང་རྫོང་སྤྱི་བདེ་ཅུའུ་ཀན་ཏུའུ་མངགས་གཏོང་ཁང་གིས་འཕྲལ་མར་ཉེན་རྟོག་པ་ཡུལ་དངོས་སུ་བརྟག་དཔྱད་དུ་མངགས།
ཞིབ་བཤེར་བྱས་པ་བརྒྱུད། ཟླ9པའི་ཚེས12ཉིན་ཧན་ཆེ་གེ་མོས་བཟའ་ཟླ་དང་བུ་མོ་གཉིས་ལ་ཁྱིམ་ཚང་གི་དོན་དག་ཙག་ཙིག་བརྩད་དེ་ཁོ་ཚོའི་བར་དུ་ཁ་རྩོད་བྱུང་བ་དང་། རིམ་གྱིས་ཁ་རྩོད་ཇེ་དྲག་ཏུ་སོང་བ་དང་བསྟུན་ནས་ཧན་ཆེ་གེ་མོ་ཁོང་ཁྲོ་ལངས་ནས་བཟའ་ཟླ་དང་བུ་མོ་གཉིས་ཀར་གཅར་རྡུང་བྱས་པར་བརྟེན། བཟའ་ཟླ་མཱ་ཆེ་གེ་མོའི་ལུས་ལ་ཚབས་ཆེ་ཆུང་མི་འདྲ་བའི་རྨས་སྐྱོན་བཟོས་པ་རེད། དེ་ལྟར་དཔའ་ལུང་རྫོང་སྤྱི་བདེ་ཅུའུ་ཀན་ཏུའུ་མངགས་གཏོང་ཁང་གིས་ཁྲིམས་ལྟར་ཁྲིམས་འགལ་བྱ་སྤྱོད་སྤེལ་མཁན་ཧན་ཆེ་གེ་མོ་མངགས་གཏོང་ཁང་དུ་བོས་ཏེ་འདྲི་རྩད་བྱས་པ་ལས། ཧན་ཆེ་གེ་མོས་ཁྱིམ་མིར་གཅར་རྡུང་དང་གནོད་འཚེ་བཏང་བའི་གཏུམ་སྤྱོད་སྦ་གསང་མེད་པར་ངོས་ལེན་ཞུས་པ་རེད།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བདེ་འཇགས་དོ་དམ་ཆད་གཅོད་བཅའ་ཁྲིམས》ཀྱི་འབྲེལ་ཡོད་གཏན་འཁེལ་གཞིར་བཟུང་སྟེ། དཔའ་ལུང་རྫོང་སྤྱི་བདེ་ཅུའུ་ཡིས་ཁྲིམས་འགལ་བྱ་སྤྱོད་སྤེལ་མཁན་ཧན་ཆེ་གེ་མོར་ཁྲིམས་ལྟར་སྲིད་འཛིན་བཀག་ཉར་ཉིན8དང་དངུལ་ཆད་སྒོར300ཡི་ཆད་པ་བཅད།
