ཆབ་མདོའི་ལས་བྱེད་པ་གཉིས་འཛིན་རྒྱུའི་ཐག་བཅད་འདུག
སྤེལ་དུས 2021-11-18
ཡོང་ཁུངས། བོད་ལྗོངས་ཉིན་ཚགས།
རྩོམ་པ་པོ།
ཆབ་མདོ་གྲོང་ཁྱེར་མི་དམངས་ཞིབ་དཔྱོད་ཁང་གིས་སྨོན་ལམ་བཟང་པོ་ཁྲིམས་བཞིན་འཛིན་རྒྱུའི་ཐག་བཅད་པ།
བོད་རང་སྐྱོང་ལྗོངས་ཆབ་མདོ་ཁུལ་གསར་གྱི་ཏང་གི་ལས་དོན་ཨུ་ལྷན་གྱི་དེ་སྔའི་ཧྲུའུ་ཅི་དང་། དོ་དམ་ཨུ་ལྷན་གྱི་ཀྲུའུ་རེན་གཞོན་པ། རིམ་པ་དང་པོའི་བརྟག་ཞིབ་པ་སྨོན་ལམ་བཟང་པོར（ཁྲུའུ་རིམ་པ་རྒན་པ）ལྐོག་རྔན་བླངས་པའི་དོགས་གཞི་ཡོད་པར་བརྟེན། ཆབ་མདོ་གྲོང་ཁྱེར་ལྟ་ཞིབ་ཨུ་ལྷན་གྱིས་བརྟག་དཔྱད་བྱེད་མཇུག་བསྒྲིལ་ནས། ཞིབ་དཔྱོད་ལས་ཁུངས་སུ་ཞིབ་བཤེར་ཞུ་གཏུག་བྱེད་པར་རྩིས་སྤྲད་པ་རེད། མིག་སྔར། ཆབ་མདོ་གྲོང་ཁྱེར་མི་དམངས་ཞིབ་དཔྱོད་ཁང་གིས་ལྐོག་རྔན་བླངས་པའི་ཉེས་གསོག་དོགས་གཞི་ཡོད་པའི་སྨོན་ལམ་བཟང་པོ་ཁྲིམས་བཞིན་འཛིན་རྒྱུའི་ཐག་བཅད་ཅིང་། གྱོད་གཞི་དེར་སྔར་བས་ཐག་གཅོད་བྱེད་བཞིན་ཡོད་པ་རེད།
ཆབ་མདོ་གྲོང་ཁྱེར་མི་དམངས་ཞིབ་དཔྱོད་ཁང་གིས་མ་ཏེང་ལུང་ཁྲིམས་བཞིན་འཛིན་རྒྱུའི་ཐག་བཅད་པ།
བོད་རང་སྐྱོང་ལྗོངས་ཆབ་མདོ་གྲོང་ཨུད་ཀྱི་དེ་སྔའི་རྒྱུན་ལས་དྲུང་ཆེ་གཞོན་པ་མ་ཏེང་ལུང（ཁྲུའུ་རིམ་པ་རྒན་པ）ལ་ལྐོག་རྔན་བླངས་པའི་དོགས་གཞི་ཡོད་པར་བརྟེན། ཆབ་མདོ་གྲོང་ཁྱེར་ལྟ་ཞིབ་ཨུ་ལྷན་གྱིས་བརྟག་དཔྱད་བྱེད་མཇུག་བསྒྲིལ་ནས། ཞིབ་དཔྱོད་ལས་ཁུངས་སུ་ཞིབ་བཤེར་ཞུ་གཏུག་བྱེད་པར་རྩིས་སྤྲད་པ་རེད། མིག་སྔར་ཆབ་མདོ་གྲོང་ཁྱེར་མི་དམངས་ཞིབ་དཔྱོད་ཁང་གིས་ལྐོག་རྔན་བླངས་པའི་ཉེས་གསོག་དོགས་གཞི་ཡོད་པའི་མ་ཏེང་ལུང་ཁྲིམས་བཞིན་འཛིན་རྒྱུའི་ཐག་བཅད་ཅིང་། གྱོད་གཞི་དེར་སྔར་བས་ཐག་གཅོད་བྱེད་བཞིན་ཡོད་པ་རེད།
རྩོམ་སྒྲིག་པ། བདེ་སྒྲོན།
