རྒྱུས་མངའ་མེད་པའི་སྦྲེལ་མཐུད་ཀྱི་འཕྲིན་ཐུང་གང་བྱུང་དུ་གནོན་མི་རུང་བ་དང་། “དངུལ་སྤྲོད་པ”དང“བྲེལ་མྱུར”ངང་ཉིང་སྐྱུར་བཤེར་འཇལ་ཚད་ལེན་བྱས་འབྲས་ལེན་ཐུབ་ཟེར་བའི་སྐད་ཆས་མགོ་འཐོམ་མི་རུང་། རང་ཉིད་ལ་ནུས་པ་ཁྱད་པར་ཅན་གྱི་སྨན་ལེན་པའི་ཐབས་ལམ་ཡག་པོ་ཡོད་ཟེར་བ་ཚང་མ་བསླུ་བྲིད་ཁོ་ན་རེད།
“ང་ནི་རིམས་འགོག་ས་ཚིགས་སྡེ་ཚན་གྱི་ལས་དོན་མི་སྣ་ཡིན།
ཁྱེད་ཀྱིས་མྱུར་དུ་ཉིང་སྐྱུར་བཤེར་འཇལ་ཚད་ལེན་བྱེད་རོགས།”
“ང་ཚོས་བྲེལ་མྱུར་ངང་ཉིང་སྐྱུར་བཤེར་འཇལ་བྱས་ཆོག
ཆུ་ཚོད་ཕྱེད་ཀའི་རིང་མཇུག་འབྲས་ཐོན་ཐུབ”ཅེས་བཤད།
ཉེ་ཆར་ས་ཆ་མང་པོར་ཏོག་གསར་གློ་ཚད་ཀྱི་རིམས་ནད་བྱུང་ནས།
དམངས་ཡོངས་ཀྱིས་རིམས་ནད་འགོག་པ་དང་བསྟུན་ནས་
མགོ་སྐོར་གཏོང་མཁན་རྣམས་ཀྱང་འགུལ་སྐྱོད་བྱེད་བཞིན་ཡོད་པས།
རིམས་ནད་དང་འབྲེལ་བའི་གཡོ་ཇུས་དེ་དག་ལ་གཟབ་གཟབ་བྱེད་པར་འཚལ།
“རིམས་ནད་སྔོན་འགོག་ཚོད་འཛིན་གྱི་བླང་བྱ་གཞིར་བཟུང་སྟེ།
ཁྱེད་ཀྱིས་འཕྲལ་མར་ཉིང་སྐྱུར་བཤེར་འཇལ་ཚད་ལེན་བྱེད་རོགས།”ཞེས་བཤད།
ཉིན་འགའི་སྔོན་ལ།
ཀྲེ་ཅང་ཉིང་པོ་ཡི་སྐུ་ཞབས་ཆུའུ་ལགས་ཉིང་སྐྱུར་བཤེར་འཇལ་བྱེད་སར་ཡོང་ནས།
ཁོང་གྲལ་གྱི་བར་དུ་བཅུག་ནས་བརྟག་དཔྱད་སྔོན་ལ་བྱེད་དགོས་པའི་རེ་བ་ཞུས།
མ་གཞི་ཁོང་ལ་འཕྲིན་ཐུང་ཞིག་འབྱོར་ནས།
དུས་ཚོད་གསུམ་ནང་ཉིང་སྐྱུར་བཤེར་འཇལ་ལེགས་གྲུབ་མ་བྱུང་ཚེ།
བཅའ་ཁྲིམས་ཀྱི་འགན་འཁྲི་འཁུར་དགོས་ཟེར།
མི་དམངས་ཉེན་རྟོག་པས་འཕྲིན་ཐུང་འདི་ལ་བརྟག་ཚེ།
འཕྲིན་ཐུང་ནང་དུ་སྦྲེལ་མཐུད་ཅིག་ཡོད་པ་མཐོང་།
དེའི་ཁ་ཕྱེ་རྗེས་སྐུ་ཞབས་ཆུའུ་ལགས་ལ།
ཐོབ་ཐང་ལག་ཁྱེར་གྱི་ཨང་གྲངས་སོགས་མི་སྒེར་གྱི་ཆ་འཕྲིན་
ནང་འཇུག་བྱེད་དགོས་པའི་གསལ་བརྡ་ཞིག་ཐོན་བྱུང་།
དམིགས་ཡུལ་ནི་སྤྱི་དམངས་མི་སྒེར་གྱི་ཆ་འཕྲིན་གཡོ་ལེན་བྱེད་ཆེད་རེད།
ཉེན་རྟོག་པས་གསལ་འདེབས་བྱས་དོན།
རིམས་ནད་བྱུང་བའི་སྐབས་སུ།
ཁྲིམས་འགལ་བས“དབང་གྲགས་སྡེ་ཚན་གྱི་སྒྲིག་གཞིར”བརྫུས་ནས།
བསླུ་བྲིད་གཏོང་བའི་འཕྲིན་ཐུང་དེ་རིམས་འགོག་གི་
གསལ་བརྡ་སྣ་ཚོགས་ལ་མཉམ་དུ་བསྡམས་ནས།
ཁྲིམས་འགལ་ངང་སྤྱི་དམངས་མི་སྒེར་གྱི་ཆ་འཕྲིན་ཐོབ་ཐབས་བྱེད་པ་རེད།
དེ་བས་སྤྱི་དམངས་ཀྱིས་གང་འདོད་དུ་འབྲེལ་མཐུད་འདྲེས་པའི་
འཕྲིན་ཐུང་ཆ་རྒྱུས་མེད་པ་སོགས་གནོན་མི་རུང་།
ཆ་འཕྲིན་དེ་རིགས་མཐོང་ཚེ་འཕྲལ་མར་བསུབ་རོགས།
“ང་ཚོས་བྲེལ་མྱུར་ངང་ཉིང་སྐྱུར་བཤེར་འཇལ་ཚད་ལེན་བྱས་ཆོག
ཆུ་ཚོད་ཕྱེད་ཀའི་ནང་མཇུག་འབྲས་ཐོན་ཐུབ”ཅེས་བཤད།
ཉེ་ཆར།
ཀྲེ་ཅང་ཉིང་པོ་ཡི་སྐུ་ཞབས་ཀྲའོ་ལགས།
གཞུང་དོན་སྒྲུབ་པར་འགྲོ་དགོས་པའི་རྐྱེན་གྱིས།
འཕྲལ་མར་ཉིང་སྐྱུར་བཤེར་འཇལ་ཚད་ལེན་བྱས་འབྲས་ཐོབ་པར་འདོད།
ཁོང་ལ་ནད་ཡམས་སྔོན་འགོག་ལྟེ་གནས་ཀྱི་མི་སྣ་ཡིན་ཟེར་བ་ཞིག་གིས་ཁ་པར་འབྱོར་ནས།
ཕ་རོལ་པོས་སྒོར500ཡི་གླ་ཆ་སྤྲད་ན།
འཕྲལ་མར་སྙན་ཞུ་བཏོན་ཆོག་ཅེས་བཤད།
སྐུ་ཞབས་ཀྲའོ་ལགས་ཀྱིས་སྒོར་མོ་བསྐུར་རྗེས་གློ་བུར་དུ་ཁོང་མིང་ཐོ་ནག་པོའི་ནང་དུ་བཞག་པས།
ད་གཟོད་གཡོ་འོག་ཏུ་ཚུད་པ་ཤེས།
ཉེན་རྟོག་པས་གསལ་འདེབས་བྱས་དོན།
མི་སྒེར་གྱིས་ཉིང་སྐྱུར་མ་དཔེ་ལེན་པའི་རིན་པ་སྤྲོད་སྐབས།
ཅིས་ཀྱང་འཕྲོད་བསྟེན་སྡེ་ཁག་གིས་ཁས་ལེན་ཐོབ་ཐང་ལྡན་པའི།
སྨན་ཁང་ངམ་ལས་ཁུངས་བརྒྱུད་དགོས་པ་དང་།
ཉིང་སྐྱུར་བཤེར་འཇལ་ཚད་ལེན་བྱས་འབྲས་དེ།
བདེ་ཐང་ཨང་རྟགས་སོགས་གཞུང་ཕྱོགས་ཀྱི་ཐབས་ལམ་བརྒྱུད་ནས་འདྲི་རྩད་བྱེད་དགོས་པ་ལས།
“དངུལ་སྤྲོད་པ”དང“བྲེལ་མྱུར”ལྟ་བུའི་སྐད་ཆས་མགོ་འཐོམ་མི་རུང་ཟེར།
“ང་ནི་ནད་ཡམས་འགོག་སྲུང་ལྟེ་གནས་ཀྱི་ཀྲུའུ་རེན་ཡིན།
ད་ལྟ་ནུས་པ་ཁྱད་པར་ཅན་གྱི་སྨན་ཞིག་ཡོད”ཅེས་བཤད།
ཉེ་ཆར་སྐུ་ཞབས་ཀྲང་ལགས་ལ་ཁ་པར་ཞིག་འབྱོར་ནས།
ཕ་རོལ་པོས་རང་ཉིད་ནི“ནད་ཡམས་ཚོད་འཛིན་ལྟེ་གནས་ཀྱི་ཀྲུའུ་རེན་ཆེ་གེ་མོ་ཞིག”ཡིན་ཟེར།
སྐུ་ཞབས་ཀྲང་ལགས་ཀྱི་བདེ་ཐང་ཨང་རྟགས་དང་བཤེར་འཇལ་སྙན་ཞུ་ལ་རྒྱུན་ལྡན་མིན་པའི་གནས་ཚུལ་ཡོད་པས།
ཕལ་ཆེར་ཏོག་གསར་གློ་ཚད་ཀྱི་ནད་འགོས་ཡོད་པ་འདྲ།
དེ་རྗེས་ཕ་རོལ་པོས་སླར་ཡང་ཁ་གསབ་བྱས་ཏེ།
ཉིན་ལྟར“ཏོག་གསར་གློ་ཚད་ཀྱི་ནུས་པ་ཁྱད་པར་ཅན་གྱི་སྨན”དེ་འཐུང་རྒྱུ་རྒྱུན་འཁྱོངས་བྱས་ཚེ།
བདུན་ཕྲག་གསུམ་གྱི་དུས་ཡུན་ནང་བདེ་ཐང་སླར་གསོ་བྱེད་ཐུབ་ཅེས་བཤད།
ཉེན་རྟོག་པས་གསལ་འདེབས་བྱས་དོན།
མིག་སྔར་རང་ཉིད་ལ་ནུས་པ་ཁྱད་པར་ཅན་གྱི་སྨན་ལེན་པའི་
ཐབས་ལམ་ཡོད་ཟེར་བ་ཚང་མ་བསླུ་བྲིད་རེད།
“རིམས་ནད་ཀྱི་ཤུགས་རྐྱེན་ཐེབས་ནས་ཁྱེད་ཀྱི་དུས་གཏན་གནམ་གྲུ་གཏོང་མཚམས་བཞག་པས།
དུས་ཐོག་ཏུ་སྤ་སེ་བརྗེ་རོགས”ཞེས་བཤད།
རིམས་ནད་ཀྱི་རྐྱེན་གྱིས།
མི་མང་པོ་ཞིག་སྔར་བཀོད་ཀྱི་འཆར་གཞི་ལྟར་འགྲོ་སྐྱོད་བྱེད་དཀའ་བ་དང་།
དུས་གཏན་གནམ་གྲུ་དང་མེ་འཁོར་གྱི་སྤ་སེ་མྱུར་དུ་བརྗེ་བའམ་ཡང་ན་ཕྱིར་སློག་བྱེད་དགོས།
ཁྲིམས་འགལ་བས་གོ་སྐབས་དེ་དང་བསྟུན་ནས།
“འགྲུལ་པའི་ཞབས་ཞུའི་ཁ་པར”རམ་ཡང་ན“གཞུང་ཕྱོགས་དྲ་ཚིགས”ལྡན་པའི།
སྤ་སེ་བརྗེ་བ་དང་ཕྱིར་སློག་གི་འཕྲིན་ཐུང་རྫུན་མ་བསྐུར་ནས།
དུས་གཏན་གནམ་གྲུ་དང་མེ་འཁོར་སོགས་འགྲོ་ཐེངས་མེད་པའི་རྫུན་བཤད་ཅིང་།
མང་ཚོགས་ལ་བསླུ་བྲིད་བཏང་ནས་ཞབས་ཞུའི་ཁ་པར་རྫུན་མ་གཏོང་བའམ།
ཡང་ན་གཡོ་སྒྱུ་ངང་དྲ་ཚིགས་ཐོ་འགོད་བྱེད་པ།
ཐོབ་ཐང་ལག་ཁྱེར་དང་དངུལ་ཁང་གཱ་ཡི་རྩིས་ཐོའི་ཨང་གྲངས་སོགས་
མི་སྒེར་གྱི་རྒྱུ་ནོར་ཆ་འཕྲིན་འབྲི་རུ་བཅུག་ནས།
རྩིས་ཐོའི་ཐོག་གི་དངུལ་ལེན་པར་ཁ་བསླུས་རྒྱག་པ་རེད།
ཉེན་རྟོག་པས་གསལ་འདེབས་བྱས་དོན།
སྤ་སེ་བརྗེ་བ་དང་ཕྱིར་སློག་པར་གཞུང་ཕྱོགས་ཀྱི་ཐབས་ལམ་ངོས་འཛིན་ཡང་དག་བྱ་དགོས།
སྤ་སེ་བརྗེ་བའམ་ཡང་ན་སྤ་སེ་ཕྱིར་སློག་པའི་གསལ་འདེབས་སྐོར་གྱི་
དོགས་ཡོད་འཕྲིན་ཐུང་དང་ཁ་པར་འབྱོར་ཚེ།
གཞུང་ཕྱོགས་ཀྱི་དྲ་ཚིགས་ཐོ་འགོད་བྱས་ནས་ཞིབ་དཔྱད་འདྲི་རྩད་བྱེད་ཆོག
ནོར་འཁྲུལ་མེད་པ་གཏན་འཁེལ་བྱས་རྗེས་གཞི་ནས་གོ་རིམ་ལྟར་བསྒྲུབ་དགོས་པ་དང་།
མི་སྒེར་གྱི་ཆ་འཕྲིན་ཕྱི་ལ་ཤོར་བའམ་ཡང་ན་རྒྱུ་ནོར་གཡོ་ལེན་བྱེད་པར་སྔོན་འགོག་བྱེད་དགོས།
རྩོམ་སྒྲིག་པ། བདེ་སྒྲོན།
