དྲ་གྲགས་འདིར་དངུལ་ཆད་སྒོར་དུང་ཕྱུར་13.41བཅད་འདུག
སྤེལ་དུས 2021-12-21
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས།
རྩོམ་པ་པོ།
ཉེ་ཆར། ཀྲེ་ཅང་ཞིང་ཆེན་ཧང་ཀྲོའུ་གྲོང་ཁྱེར་ཁྲལ་དོན་སྡེ་ཚན་གྱིས་ཁྲལ་བསྡུའི་གྲངས་གཞི་ཆེན་མོའི་དབྱེ་ཞིབ་བྱས་པ་བརྒྱུད། དྲ་གྲགས་ཧོང་ཝུའེ་（དྲ་མིང་།ཝེ་ཡ）ལ་ཁྲལ་གཡོལ་གྱི་དོགས་གཞི་ཡོད་པ་ཤེས་རྟོགས་བྱུང་ནས། འབྲེལ་ཡོད་ཁྲལ་དོན་ལས་ཁུངས་ཀྱི་མཐུན་སྦྱོར་གཞོགས་འདེགས་འོགཁྲིམས་ལྟར་ཧོང་ཝུའེ་ལ་ཁྱོན་ཡོངས་དང་གཏིང་ཟབ་པའི་ཁྲལ་དོན་ཞིབ་བཤེར་བྱས་པ་རེད།
བརྟག་དཔྱད་བྱས་པ་བརྒྱུད། ཧོང་ཝུའེ་ཡིས་སྤྱི་ལོ་2019ལོ་ནས་སྤྱི་ལོ་2020ལོའི་བར། མི་སྒེར་གྱི་ཡོང་འབབ་སྦ་གསང་བྱས་པ་་དང་ལས་སྒོའི་ཡོང་འབབ་ཀྱི་ངོ་བོ་རྫུས་མ་རེ་ཞུ་བྱེད་པ་སོགས་ཀྱི་བྱེད་ཐབས་བརྒྱུད་ཁྲལ་བྱོལ་བྱས་པའི་དངུལ་འབོར་སྒོར་དུང་ཕྱུར་6.43ཟིན་པ་དང་། དེ་མིན་ཉུང་འཇལ་བྱས་པའི་ཁྲལ་དངུལ་གཞན་གྱི་དངུལ་འབོར་སྒོར་དུང་ཕྱུར་0.6ཟིན་ཡོད་པ་རེད།
ཁྲལ་དོན་བརྟག་དཔྱད་བྱེད་རིང་། ཧོང་ཝུའེ་ཡིས་རང་འགུལ་ངང་གཞོགས་འདེགས་བྱས་པ་དང་ཁྲལ་དངུལ་སྒོར་དུང་ཕྱུར་5གསབ་འཇལ་བྱས་པ་དང་ཆབས་ཅིག ཁྲལ་དོན་ལས་ཁུངས་ནས་ཤེས་རྟོགས་ཐུབ་མེད་པའི་ཁྲལ་འབྲེལ་ཁྲིམས་འགལ་བྱེད་སྤྱོད་རང་འགུལ་ངང་སྙན་སེང་ཡང་ཞུས་པ་རེད། གོང་གསལ་གནས་ཚུལ་ལ་ཕྱོགས་བསྡུས་ཀྱིས་བསམ་གཞིགས་བྱས་པ་བརྒྱུད། རྒྱལ་ཁབ་ཁྲལ་དོན་སྤྱི་ཁྱབ་ཅུད་ཧང་ཀྲོའུ་གྲོང་ཁྱེར་ཁྲལ་དོན་ཅུད་ཞིབ་བཤེར་ཅུད་ཀྱིས་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་མི་སྒེར་གྱི་ཐོབ་ཁྲལ་གྱི་བཅའ་ཁྲིམས་》དང་།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཁྲལ་འབབ་བསྡུ་ལེན་དང་དོ་དམ་བཅའ་ཁྲིམས་》དང་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་སྲིད་འཛིན་ཆད་གཅོད་བཅའ་ཁྲིམས་》སོགས་འབྲེལ་ཡོད་བཅའ་ཁྲིམས་དང་ཁྲིམས་སྲོལ་གྱི་གཏན་འབེབས་དང་། 《ཀྲེ་ཅང་ཞིང་ཆེན་ཁྲལ་དོན་སྲིད་འཛིན་ཆད་གཅོད་ཚད་གཞི》ལྟར།ཧོང་ཝུའེ་ལ་ཁྲལ་དངུལ་བདའ་འདེད་གཏོང་རྒྱུ་དང་། དུས་འགྱངས་ཆད་དངུལ་སྣོན་བསྡུ་དང་། དངུལ་ཆད་ཁྱོན་སྒོར་དུང་ཕྱུར་13.41གཅོད་རྒྱུའི་ཐག་བཅད་ཡོད། དེའི་ཁྲོད་ཡོང་འབབ་སྦ་གསང་བྱས་ནས་ཁྲལ་གཡོལ་བྱས་ཀྱང་རང་འགུལ་ངང་གསབ་འཇལ་བྱས་པའི་སྒོར་དུང་ཕྱུར་5དང་རང་འགུལ་ངང་སྙན་སེང་ཞུས་པའི་ཉུང་འཇལ་བྱས་པའི་ཁྲལ་དངུལ་སྒོར་དུང་ཕྱུར་0.31ཟིན་པར་དངུལ་ཆད་བསྡོམས་འབོར་གྱི་ལྡབ་0.6གི་ཚད་གཞི་ལྟར། དངུལ་ཆད་སྒོར་དུང་ཕྱུར་3.19གཅོད་རྒྱུ་དང་། ཡོང་འབབ་སྦ་གསང་བྱས་ནས་ཁྲལ་གཡོལ་བྱས་པ་མ་ཟད་རང་འགུལ་ངང་གསབ་འཇལ་མ་བྱས་པའི་སྒོར་དུང་ཕྱུར་0.27ཟིན་པར་དངུལ་ཆད་བསྡོམས་འབོར་གྱི་ལྡབ་4ཡི་ཚད་གཞི་ལྟར། དངུལ་ཆད་སྒོར་དུང་ཕྱུར་1.09གཅོད་རྒྱུ། ལས་སྒོ་རྫུན་བཟོ་བྱས་ཏེ་ཡོང་འབབ་ཀྱི་ངོ་བོ་སྒྱུར་ནས་ཁྲལ་དངུལ་སྒོར་དུང་ཕྱུར་1.16ཉུང་འཇལ་བྱས་པར། དངུལ་ཆད་བསྡོམས་འབོར་གྱི་ལྡབ་1གི་ཚད་གཞི་ལྟར་དངུལ་ཆད་སྒོར་དུང་ཕྱུར་1.16གཅོད་རྒྱུ་རེད། ཉིན་ཤས་གོང་ཧང་ཀྲོའུ་གྲོང་ཁྱེར་ཁྲལ་དོན་ཅུད་ཞིབ་བཤེར་ཅུད་ཀྱིས་ཁྲིམས་ལྟར་ཧོང་ཝུའེ་ལ་ཁྲལ་དོན་སྲིད་འཛིན་ཆད་གཅོད་ཀྱི་གཏན་འབེབས་ཡི་གེ་སྐྱེལ་སྤྲོད་བྱས་པ་རེད།
ཧང་ཀྲོའུ་གྲོང་ཁྱེར་ཁྲལ་དོན་ཅུད་ཀྱི་འབྲེལ་ཡོད་འགན་འཁུར་བས། ཁྲལ་དོན་སྡེ་ཚན་གྱིས་དྲ་རྒྱའི་ཐད་གཏོང་ལས་རིགས་ཀྱི་ལས་གཉེར་མི་སྣའི་ཁྲལ་བསྡུའི་ལྟ་སྐུལ་དོ་དམ་ལ་མུ་མཐུད་ཤུགས་སྣོན་རྒྱག་རྒྱུ་དང་འབྲེལ་ཁྲལ་གཡོལ་དང་ཁྲལ་གཡོལ་ལ་གཞོགས་འདེགས་བྱེད་མཁན་གྱི་འབྲེལ་ཡོད་བར་ཁེ་ཀུང་སི་དང་བར་ཁེ་བ།དྲ་རྒྱའི་ལས་སྟེགས་ཁེ་ལས།མཚམས་སྦྱོར་སྒྲིག་གཞི་སོགས་ལ་མཉམ་འགུལ་ཞིབ་བཤེར་བྱས་ཏེ། དཔྱ་ཁྲལ་དང་འབྲེལ་བ་ཡོད་པའི་ཁྲིམས་འགལ་བྱ་སྤྱོད་ལ་ཁྲིམས་ལྟར་ཞིབ་བཤེར་ཐག་གཅོད་ནན་པོ་བྱས་ནས། ཁྲིམས་སྐྱོང་དྲང་གཞག་གི་ཁྲལ་བསྡུའི་ཁོར་ཡུག་ཅིག་གཏོད་རྒྱུ་ཡིན་པ་རེད།
རྩོམ་སྒྲིག་པ། བདེ་སྒྲོན།
