ཀྲུང་གོའི་བོད་ལྗོངས་དྲ་བ། > ཁྲིམས་ལུགས། > གསར་ཤོས།

འགྲིམ་འགྲུལ་ཁྲིམས་འགལ་བ་32བཀག་ཉར་བྱས་འདུག

སྤེལ་དུས 2021-12-21 ཡོང་ཁུངས། བོད་ལྗོངས་ཉིན་ཚགས། རྩོམ་པ་པོ།

          ལྷ་ས་གྲོང་ཁྱེར་གྱི་འགྲོ་ལམ་འགྲིམ་འགྲུལ་ཁོར་ཡུག་བདེ་འཇགས་དང་། བརྟན་ལྷིང་། གོ་རིམ་ལྡན་པ་བཅས་ཡོང་བར་སྲུང་སྐྱོང་དང་འབྱུང་རྩ་ནས་འགྲོ་ལམ་འགྲིམ་འགྲུལ་གྱི་ལས་འཛོལ་མ་ཐོན་སྔོན་འགོག་དང་བཀག་སྡོམ་བྱེད་ཆེད། ཟླ་12ཚེས་6ཉིན་ནས་བཟུང་། ལྷ་ས་གྲོང་ཁྱེར་སྤྱི་བདེ་ཅུས་སྟོད་ལུང་བདེ་ཆེན་ཡན་ལག་ཅུས་ཀྱིས་ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་གི་ཁྲིད་སྟོན་འོག འགྲོ་ལམ་འགྲིམ་འགྲུལ་གྱི“ཉིན་བརྒྱའི་བཅོས་སྒྲིག”གི་ཆེད་དོན་བྱ་སྤྱོད་སྤེལ་བ་དང་ཆབས་ཅིག“ཉིན་མོ་ནན་བཤེར་དང་དགོང་མོ་མཚན་བཤེར”གྱི་ཁྲིམས་འཛིན་བྱེད་སྟངས་བརྒྱུད། འགྲིམ་འགྲུལ་གྱི་མངོན་མེད་རྐྱེན་ངན་གྲལ་བཤེར་ཧུར་ཐག་དང“ཆང་བཏུངས་འཁོར་གཏོང་དང་། ར་བཟི་འཁོར་གཏོང་། ལག་ཁྱེར་མེད་པར་མོ་ཊ་གཏོང་བ། ཚད་བརྒལ་གསུམ་དང་ངལ་དུབ་གཅིག”སོགས་ཀྱི་ཁྲིམས་འགལ་བྱེད་སྤྱོད་ཞིབ་བཤེར་རྩད་ཆོད་ཐུབ་པ་རེད།

          ཟླ་12ཚེས་16ཉིན་བར་མཉམ་འབྲེལ་ཞིབ་བཤེར་ཚོགས་ཆུང་གིས་མོ་ཊ་21018ལ་ཞིབ་བཤེར་བྱས་པས། འགྲིམ་འགྲུལ་ཁྲིམས་འགལ་གྱི་བྱེད་སྤྱོད་2866རྩད་ཆོད་པ་དང་། དེའི་ནང་ལག་ཁྱེར་མེད་པར་མོ་ཊ་གཏོང་མཁན་98དང་། ཆང་བཏུངས་འཁོར་གཏོང་28 ར་བཟི་འཁོར་གཏོང་25 ལག་ཁྱེར་དང་མོ་ཊ་མི་མཐུན་པ་3 འཁོར་བྱང་བསྒར་མེད་པ་3 རྐང་བཙུགས་ནས་འཁོར་བྱང་འགེབས་མཁན་1 མོ་ཊ་79ཁྲིམས་འགལ་སྒྱུར་བཟོ་བྱས་པ་བཅས་འགྲིམ་འགྲུལ་ཁྲིམས་འགལ་གྱི་བྱེད་སྤྱོད་2629རྩད་ཆོད་ཡོད་པ་རེད།图片
          ཟླ་12ཚེས་17ཉིན། ཉེས་གསོག་དོགས་ཅན་3སྟོད་ལུང་བདེ་ཆེན་ཆུས་ཀྱི་ཉེས་ཅན་ལྟ་སྲུང་ཁང་ལ་ཉེས་དོན་བཀག་ཉར་བྱས་པ་དང་། ཁྲིམས་འགལ་བ་29ལྷ་ས་གྲོང་ཁྱེར་གྱི་བཀག་ཉར་སུའོ་རུ་སྲིད་འཛིན་བཀག་ཉར་བྱས་པ་རེད།图片
          གོམ་སྟབས་རྗེས་མར། ལྷ་ས་གྲོང་ཁྱེར་སྤྱི་བདེ་ཅུས་སྟོད་ལུང་བདེ་ཆེན་ཡན་ལག་ཅུས་ཀྱིས་འགྲོ་ལམ་འགྲིམ་འགྲུལ་གྱི“ཉིན་བརྒྱའི་བཅོས་སྒྲིག”གི་ཆེད་དོན་བྱ་སྤྱོད་ཀྱི་འབྲེལ་ཡོད་ལས་དོན་གྱི་བླང་བྱ་གཞིར་བཟུང་། འགྲོ་ལམ་འགྲིམ་འགྲུལ་གྱི་ཁྲིམས་འགལ་བྱེད་སྤྱོད་མཐའ་དག་ལ་ཞིབ་བཤེར་བྱེད་ཤུགས་སྔར་བས་ཆེ་རུ་བཏང་སྟེ། དུས་བདེ་དང་། བདེ་འཇགས། བརྟན་ལྷིང་བཅས་ཀྱི་འགྲོ་ལམ་འགྲིམ་འགྲུལ་གྱི་ཁོར་ཡུག་ནུས་ཤུགས་ཡོད་རྒུས་བཏོད་ནས། མང་ཚོགས་ཀྱི་བདེ་སྐྱིད་ཚོར་སྣང་དང་བདེ་འཇགས་ཚོར་སྣང་རྒྱུན་ཆད་མེད་པར་ཟབ་ཏུ་གཏོང་རྒྱུ་ཡིན་པ་རེད།
རྩོམ་སྒྲིག་པ། བདེ་སྒྲོན།